കോണ്ഗ്രസ് പ്രവര്ത്തകന്റെ വീട് കോണ്ഗ്രസ്സുകാര് പൊളിപ്പിച്ച കഥ; ഡീന് കുര്യാക്കോസിന്റെ വഞ്ചനയെന്ന്
കൊച്ചി: ഇടുക്കിയില് നിന്നുള്ള കോണ്ഗ്രസ് എംപിയും കോണ്ഗ്രസിന്റെ യുവ നേതാവും ആയ ഡീന് കുര്യാക്കോസിനെതിരെ ഗുരുതര ആരോപണം. കോണ്ഗ്രസിന്റെ സജീവ പ്രവര്ത്തകനായിരുന്ന വ്യക്തിയുടെ മകളും കുടുംബവും ആണ് പാര്ട്ടി എംപിയ്ക്കെതിരെ പരസ്യമായി രംഗത്ത് വന്നിരിക്കുന്നത്.
വീടുനിര്മിച്ച് നല്കാമെന്ന് വാഗ്ദാനം നല്കി ഡീന് കുര്യാക്കോസും കോണ്ഗ്രസ്സും തങ്ങളെ വഞ്ചിച്ചു എന്നാണ് കോതമംഗലം സ്വദേശിനി ഉണ്ണിമായ ആരോപിക്കുന്നത്. കോണ്ഗ്രസ് പ്രവര്ത്തകനായിരുന്ന പ്ലാമുടി കൊറ്റമ്പിള്ളി കുമാരന്റെ മകളാണ് ഉണ്ണിമായ. വിശദാംശങ്ങള് ഇങ്ങനെ...
കൊറ്റമ്പിള്ളി കുമാരന്
കോണ്ഗ്രസിന്റെ സജീവ പ്രവര്ത്തകനായിരുന്നു കൊറ്റമ്പിള്ളി കുമാരന്. ഇദ്ദേഹത്തിന്റെ മരണത്തെ തുടര്ന്ന് എംപി ജീന് കുര്യാക്കോസും കോണ്ഗ്രസ് നേതാക്കളും വീട് സന്ദര്ശിച്ചിരുന്നു. അപകടാവസ്ഥയില് ആയിരുന്നു വീട് അപ്പോള്.
എംപിയുടെ വാഗ്ദാനം
കുമാരന്റെ മകള്ക്കും കുടുംബത്തിനും വീട് വച്ച് നല്കാമെന്ന് ആ സന്ദര്ശനത്തില് തന്നെയാണ് ഡീന് കുര്യാക്കോസ് ഉറപ്പ് നല്കിയത് എന്നാണ് ഉണ്ണി മായ പറയുന്നത്. എന്നാല് പിന്നീട് ഡീന് കുര്യാക്കോസ് ഈ വാഗ്ദാനത്തില് നിന്ന് പിന്മാറി എന്നും ഇവര് വാര്ത്താ സമ്മേളനത്തില് ആരോപിച്ചു.
വീട് പൊളിപ്പിച്ചു
പുതിയ വീട് നിര്മിക്കുന്നതിന് വേണ്ടി, പഴയ വീട് പൊളിച്ചുകളയണം എന്ന് പറഞ്ഞത് പ്രാദേശിക കോണ്ഗ്രസ് നേതാക്കളായ മൊയ്തീന്, അനൂപ് കാസിം എന്നിവരാണ് എന്നാണ് ഉണ്ണി മായ പറയുന്നത്. മൊയ്തീന് തന്നെ നേരിട്ട് എത്തി ആണ് വീട് പൊളിക്കാനുള്ള ഏര്പ്പാടുകള് ചെയ്തത് എന്നും അതിന് ആവശ്യമായ പണം ചെലവഴിച്ചത് എന്നും ഇവര് പറയുന്നുണ്ട്.
ഗ്രൂപ്പ് വഴക്കില് നിലച്ചു
എന്നാല് വീട് പൊളിച്ചതിന് ശേഷം, പുതിയ വീട് നിര്മിക്കാന് ഒരു സഹായവും കോണ്ഗ്രസ്സില് നിന്ന് ലഭിച്ചില്ല. പാര്ട്ടിയിലെ ഗ്രൂപ്പ് വഴക്കാണ് വീട് നിര്മാണത്തിന് വിലങ്ങുതടിയാകുന്നത് എന്ന് മൊയ്തീന് തന്നെ വെളിപ്പെടുത്തിയതായും ഉണ്ണിമായയും കുടുംബവും ആരോപിക്കുന്നുണ്ട്.
പ്ലാസ്റ്റിക് ഷീറ്റിന് താഴെ
ആദ്യമേ വീട് അപകടാവസ്ഥയില് ആയിരുന്നു. ആ വീട് പൊളിച്ചതിന് ശേഷം പ്ലാസ്റ്റിക് ഷീറ്റ് വലിച്ചുകെട്ടിയാണ് ഉണ്ണിമായയും കുടുംബവും ഇപ്പോള് കഴിയുന്നത്. മഴ പെയ്താല് ഇവിടെ താസമിക്കാന് ആകില്ലെന്നാണ് പറയുന്നത്.
സിപിഎം ഇടപെടുന്നു
കോണ്ഗ്രസ് പ്രവര്ത്തകനായിരുന്ന കുമാരന്റെ മകള്ക്ക് വീട് വച്ചു നല്കാന് തങ്ങള് തയ്യാറാണ് എന്നാണ് സിപിഎം പറയുന്നത്. കോണ്ഗ്രസ്സുകാരും ഡീന് കുര്യാക്കോസ് എംപിയും ഇടപെട്ട് വീട് നിര്മിച്ച് നല്കിയില്ലെങ്കില് തങ്ങള് ജനകീയ പങ്കാളിത്തത്തോടെ വീട് നിര്മിച്ച് നല്കാമെന്നാണ് പ്രാദേശിക സിപിഎം നേതൃത്വത്തിന്റെ വാഗ്ദാനം.
-
അമ്പലപ്പുഴ ‘മനപ്പായസം’ വേവുന്ന ആലപ്പുഴ -
പിണറായി ലക്ഷണമൊത്ത ആർഎസ്എസ് ഏജന്റെന്ന് വിഡി സതീശൻ, 'ആർഎസ്എസ് പിന്തുണയിൽ എംഎൽഎയായി' -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു?
Click it and Unblock the Notifications
Sign in with Google