Click it and Unblock the Notifications
Just In
Don't Miss
-
വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം -
ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ഫുഡ് മാത്രമല്ല മദ്യവും ഹോം ഡെലിവറിയായി കിട്ടും: കൊച്ചിക്കാരന്‍ റെജിയുടെ വ്യവസായം ആരെയും ഞെട്ടിക്കും
കൊച്ചി: ഭക്ഷണ സാധനങ്ങള്‍ വീട്ടിലെത്തിച്ചു കൊടുക്കുന്ന 'മാതൃകയില്‍ 'ആവശ്യക്കാര്‍ക്ക് വീടുകളില്‍ മദ്യം വിതരണം ചെയ്യുന്ന ആള്‍ അറസ്റ്റില്‍. മാസങ്ങളായി അനധികൃത വിദേശമദ്യ വില്‍പ്പന നടത്തിവന്ന തിരുവാണിയൂര്‍ മാമല കക്കാട് വാരിയത്ത് പറമ്പില്‍ റെജി (58) ആണ് അറസ്റ്റിലായത്. ഇയാളുടെ വീട്ടിലും സ്‌കൂട്ടറില്‍ നിന്നുമായി വിതരണത്തിനു കരുതിയ 62 കുപ്പി വിദേശമദ്യം എക്‌സൈസ് കസ്റ്റഡിയിലെടുത്തു.
ആവശ്യക്കാര്‍ പറയുന്നിടത്തു സ്‌കൂട്ടറില്‍ മദ്യം എത്തിക്കുകയാണ് ഇയാളുടെ പതിവെന്നു തൃപ്പൂണിത്തുറ എക്‌സൈസ് ഇന്‍സ്‌പെക്റ്റര്‍ വി.ആര്‍. ദേവസാദ് പറഞ്ഞു. ബിവറേജസ് കോര്‍പ്പറേഷന്റെ വിവിധ ഔട്ട്ലെറ്റുകളില്‍ നിന്നാണു മദ്യം ശേഖരിക്കുന്നത്. 350 രൂപയ്ക്കു വാങ്ങുന്ന മദ്യം 500 രൂപ നിരക്കിലാണു മറിച്ചു വില്‍ക്കുന്നത്. അതിരാവിലെ തുടങ്ങുന്ന വിതരണം രാത്രി വൈകിയും തുടരും. ഇയാളുടെ പക്കല്‍ നിന്നു സ്ഥിരമായി മദ്യം വാങ്ങുന്നവരുണ്ടെന്നു മൊബൈല്‍ ഫോണ്‍ കോളുകളില്‍ നിന്നു തിരിച്ചറിഞ്ഞു. അപരിചിതര്‍ ആവശ്യപ്പെട്ടാലും സ്‌പോട്ടിലെത്തി നല്‍കാറുണ്ട്.
ഡ്രൈ ഡേയില്‍ ഇയാള്‍ക്കു പൂരകച്ചവടമാണ്. ഇതിനായി കരുതിയ 62 കുപ്പി മദ്യവുമായിട്ടാണ് കഴിഞ്ഞ ദിവസം പിടിയിലായത്. അനധികൃത വിതരണം നടക്കുന്നതറിഞ്ഞ എക്‌സൈസ് ആവശ്യക്കാരെന്ന വ്യാജേന ഇയാളുമായി ഫോണില്‍ ബന്ധപ്പെട്ടു കുടുക്കുകയായിരുന്നു. സ്‌കൂട്ടറും കസ്റ്റഡിയിലെടുത്തു. പ്രിവന്റീവ് ഓഫിസര്‍ ഇ.എന്‍.സതീശന്‍, കെ.കെ.രമേശന്‍, സിവില്‍ എക്‌സൈസ് ഓഫിസര്‍മാര്‍ കെ. സാലിഹ്, വിപിന്‍ബാബു, എം.എന്‍. അനില്‍കുമാര്‍ എന്നിവരടങ്ങിയ സംഘമാണു പിടികൂടിയത്. കോടതിയില്‍ ഹാജരാക്കി.
