Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
എറണാകുളം റെയില്‍വെ സ്റ്റേഷനില്‍ സ്ത്രീകളെ ശല്യപ്പെടുത്തിയ യുവാവിനെ തിരിച്ചറിഞ്ഞു, സംഭവം സൗത്തില്‍!!
കൊച്ചി: എറണാകുളം സൗത്ത് റെയ്ല്‍വെ സ്റ്റേഷനില്‍ സ്ത്രീകളെ ശല്യപ്പെടുത്തിയ യുവാവിനെ റെയ്ല്‍വെ പൊലീസ് തിരിച്ചറിഞ്ഞു. പ്ലാറ്റ്‌ഫോമില്‍ ട്രെയ്ന്‍ കാത്തിരുന്ന യുവതികളുടെ ദേഹത്ത് സ്പര്‍ശിക്കുന്ന യുവാവിന്റെ ദൃശ്യങ്ങള്‍ സമൂഹ മാധ്യമങ്ങളില്‍ വ്യാപകമായി പ്രചരിച്ചതിനെ തുടര്‍ന്നാണു കേസെടുത്തത്. സ്റ്റേഷനില്‍ ജനശതാബ്ദി എക്‌സ്പ്രസില്‍ തിരുവനന്തപുരത്തേക്ക് പോകാന്‍ എത്തിയ വാഗമണ്‍ സ്വദേശിയാണു യുവാവിന്റെ പരാക്രമങ്ങള്‍ മൊബൈല്‍ ഫോണില്‍ പകര്‍ത്തിയത്. യാത്രക്കാരന്റെ ഭാര്യയെ യുവാവു ശല്യപ്പെടുത്തിയിരുന്നു. സമീപത്തെ സീറ്റുകളില്‍ ഉണ്ടായിരുന്ന മറ്റു സ്ത്രീകളുടെ ദേഹത്തും ഇയാള്‍ സ്പര്‍ശിക്കുന്നതു ശ്രദ്ധയില്‍ പെട്ടതോടെയാണു യാത്രക്കാരന്‍ ഇതു പകര്‍ത്തിയത്. എന്നാല്‍ പൊലീസില്‍ പരാതിപ്പെട്ടില്ല.
സമൂഹമാധ്യമങ്ങളില്‍ വൈറലായതോടെ സ്വയം കേസെടുത്ത റെയ്ല്‍വെ പൊലീസ് സൈബര്‍സെല്ലിന്റെ സഹായത്തോടെയാണു ദൃശ്യങ്ങള്‍ പകര്‍ത്തിയ യാത്രക്കാരനെ തിരിച്ചറിഞ്ഞത്. യോഗ പരിശീലകനായ യാത്രക്കാരനുമായി ഫോണില്‍ ബന്ധപ്പെട്ട പൊലീസ് ദമ്പതികളുടെ മൊഴി ഉടന്‍ രേഖപ്പെടുത്തും.
ഇതിനിടെ, സിസിടിവി ദൃശ്യങ്ങള്‍ പരിശോധിച്ച പൊലീസ് സ്ത്രീകളെ ശല്യപ്പെടുത്തിയ യുവാവ് തിരുവനന്തപുരം-ചെന്നൈ മെയിലില്‍ കയറുന്നതായി കണ്ടെത്തി. ഇയാളുടെ മേല്‍വിലാസം ഉള്‍പ്പെടെ തിരിച്ചറിഞ്ഞിട്ടുണ്ട്. ഇയാള്‍ സ്ത്രീകളെ ശല്യപ്പെടുത്തുന്ന സ്വഭാവക്കാരനാണെന്നും അന്വേഷണത്തില്‍ വ്യക്തമായി. ദൃശ്യങ്ങള്‍ പകര്‍ത്തിയ യാത്രക്കാരന്റെയും ഭാര്യയുടെയും പ്ലാറ്റ്‌ഫോമിലുണ്ടായിരുന്ന മറ്റു യാത്രക്കാരുടെയും മൊഴികളെടുത്ത ശേഷം ഇയാളെ കസ്റ്റഡിയിലെടുക്കാനാണ് തീരുമാനം.
