Click it and Unblock the Notifications
Just In
Don't Miss
-
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
വികസനത്തിന്റെ രാഷ്ട്രീയമാണ് തദ്ദേശ സ്ഥാപനങ്ങള്‍ ഉയര്‍ത്തേണ്ടത്: മന്ത്രി കെടി ജലീല്‍
കൊച്ചി: തദ്ദേശസ്വയംഭരണ സ്ഥാപനങ്ങളില്‍ വികസനത്തിന്റെ രാഷ്ട്രീയമാണ് ഉയര്‍ത്തി കൊണ്ടുവരേണ്ടതെന്ന് തദ്ദേശസ്വയംഭരണ വകുപ്പു മന്ത്രി കെ.ടി. ജലീല്‍. അങ്കമാലി ബ്ലോക്ക് പഞ്ചായത്ത് ഓഫീസ് മന്ദിരത്തിന്റെയും തൊഴില്‍ നൈപുണ്യ കേന്ദ്രത്തിന്റെയും നിര്‍മ്മാണോദ്ഘാടനം നിര്‍വഹിക്കുകയായിരുന്നു അദ്ദേഹം. നിയമസഭയിലും ലോകസഭയിലും പ്രതിപക്ഷ അംഗങ്ങളുണ്ട്.
പക്ഷേ തദ്ദേശസ്വയംഭരണ സ്ഥാപനങ്ങളിലില്ല. ഭരണ സമിതി അംഗങ്ങള്‍ മാത്രമേ ഉള്ളൂ. കക്ഷിരാഷ്ട്രീയത്തിനതീതമായി വികസന പ്രവര്‍ത്തനങ്ങള്‍ ഏറ്റെടുത്തു നടത്താന്‍ തദ്ദേശസ്ഥാപനങ്ങള്‍ക്കു കഴിയണമെന്നും മന്ത്രി പറഞ്ഞു. നികുതി പിരിവിലും പദ്ധതി വിഹിത വിനിയോഗത്തിലും നൂറു ശതമാനം നേട്ടം കൈവരിക്കാനാണ് സര്‍ക്കാര്‍ ശ്രമിക്കുന്നത്. ഒരു വര്‍ഷത്തേക്കുള്ള വിനിയോഗ ഫണ്ട് ആ വര്‍ഷം തന്നെ പൂര്‍ത്തിയാക്കേണ്ടതുണ്ട്.
അല്ലെങ്കില്‍ ഫണ്ട് പാഴായി പോകും. അടുത്ത വര്‍ഷത്തെ ഫണ്ടില്‍ നിന്നു വേണം പൂര്‍ത്തീകരിക്കാത്ത പദ്ധതിക്കുള്ള പണം കണ്ടെത്താന്‍. ഇത് കൂടുതല്‍ ബാധ്യതക്ക് ഇടവരുത്തും. ഫണ്ട് നഷ്ടപ്പെടുത്തുന്ന ഭരണ സമിതികള്‍ ജനങ്ങള്‍ക്ക് ഭാരമാണെന്നും മന്ത്രി പറഞ്ഞു. സിഎസ്എ ഓഡിറ്റോറിയത്തില്‍ നടന്ന ചടങ്ങില്‍ റോജി.എം.ജോണ്‍ എംഎല്‍എ അധ്യക്ഷത വഹിച്ചു. പഞ്ചായത്ത് രാജ് നിയമത്തിനു മുമ്പ് ജനപ്രതിനിധികളായിരുന്നവരെ ചടങ്ങില്‍ ആദരിച്ചു.
കറുകുറ്റി, മൂക്കന്നൂര്‍, തുറവൂര്‍, മഞ്ഞപ്ര, കാലടി എന്നീ പഞ്ചായത്തുകളില്‍ ജനപ്രതിനിധികളായിരുന്നവരെയാണ് ആദരിച്ചത്. പഞ്ചായത്ത് രാജ് നിയമം പിന്നിട്ട കാല്‍ നൂറ്റാണ്ട് എന്ന വിഷയത്തില്‍ സെമിനാറും നടന്നു. അന്‍വര്‍ സാദത്ത് എംഎല്‍എ മുഖ്യ പ്രഭാഷണം നടത്തി.അങ്കമാലി ബ്ലോക്ക് പഞ്ചായത്ത് പ്രസിഡന്റ് പി.ടി.പോള്‍, മുന്‍ എം.എല്‍.എമാരായ ജോസ് തെറ്റയില്‍, പി.ജെ.ജോയ്, നഗരസഭാ ചെയര്‍പേഴ്‌സണ്‍ എം. എ ഗ്രേസി, ജില്ലാ പഞ്ചായത്തംഗം സാംസണ്‍ ചാക്കോ, ബ്ലോക്ക് പഞ്ചായത്തംഗം ടി.എം. വര്‍ഗീസ് എന്നിവര്‍ പങ്കെടുത്തു.
