നാലമ്പല ദർശനത്തിനും രാമായണ മാസാചരണത്തിനും തുടക്കമായി
തിരുമറയൂർ: തിരുമറയൂർ ഹനുമദ് പൂജിത ശ്രീരാമസ്വാമി ക്ഷേത്രത്തിൽ നിന്നും ആരംഭിക്കുന്ന നാലമ്പല ദർശനത്തിനം രാമായണ മാസാചരണത്തിനും തുടക്കം കുറിച്ചു.തിരുകൊച്ചി അതിർത്തിയിലുള്ള ഈ ക്ഷേത്രത്തിൽ ആദിശങ്കരൻ ദർശനം നടത്തിയതായി പറയപ്പെടുന്നു . ശ്രീരാമഭക്തനായ ഹനുമാൻ ക്ഷേത്രത്തിൽപുലർച്ചെ മൂന്നു മണിക് നിർമ്മാല്യ പൂജ നടത്തുന്നതായിട്ടാണ് ഭക്തജനങ്ങൾവിശ്വസിക്കുന്നത്.
ക്ഷേത്രത്തിൽ ആരംഭിക്കുന്ന നാലമ്പല ദർശനത്തിന്റെ ഉദ്ഘാടനം ഭദ്രദീപം തെളിയിച്ചു കൊണ്ട് അഡ്വ.അനുബ് ജേക്കബ് എംഎൽഎ നിർവഹിച്ചു. എടയ്ക്കാട്ട് വയൽ ഗ്രാമപഞ്ചായത്ത് പ്രസിഡന്റ് ജെസി പീറ്റർ രാമായണം നൽകി കൊണ്ടു് രാമായണമാസാചരണം ഉദ്ഘാടനം ചെയ്തു.ചടങ്ങിൽ ക്ഷേത്രം സേ വാപദ്ധതിയുടെ ഭാഗമായി നിർധന കുട്ടികൾക്ക് നൽകുന്ന പഠന സഹായങ്ങളുടെ വിതരണം വാർഡ് മെമ്പർ പി.കെ.അംബിക നിർവഹിച്ചു.
ക്ഷേത്രം തന്ത്രി സുരേഷ് ശാന്തി, വാദ്യകലാകാരൻ തിരുമറയൂർ ഗിരിജൻ മാരാർ, മുടിയേറ്റ് കലാകാരൻ തിരുമറയൂർ മുരളിധര മാരാർ എന്നിവരെ പൊന്നാട അണിയിയിച്ച്എംഎൽഎ ആദരിച്ചു. തുടർന്ന് വെളിയനാട് ചിന്മയ കേന്ദ്രത്തിലെ ബ്രഹ്മചാരിണി ദേവകി ചൈതന്യ അനുഗ്രഹ പ്രഭാഷണം നടത്തി. ക്ഷേത്ര സംരക്ഷണ സമിതി ജില്ല ഉപാദ്ധ്യക്ഷൻ എൻ.എ.കുമാരൻ മുഖ്യപ്രഭാഷണം നടത്തി.ക്ഷേത്രസമിതി ഭാരവാഹികളായ റെജി, രാജൻ, കുഞ്ഞുമോൻ തുടങ്ങിയവർ പ്രസംഗിച്ചു.