ഇന്ധനമില്ലാതെ ബസ് വഴിയില് കിടന്നാലും കേസ്!!; കൊച്ചിയിലെ ബസിന് കിട്ടിയ 'പണി' കണ്ടോ
എറണാകുളം: യാത്രക്കാരുമായി സര്വീസ് നടത്തുന്ന ബസിലെ ഇന്ധനം തീര്ന്നാല് എന്തായിരിക്കും അവസ്ഥ. ബസ് വഴിയില് കിടക്കുമെന്നും ഒരുപക്ഷെ ആ ട്രിപ്പ് ക്യാന്സല് ആകുമെന്നും എല്ലാവര്ക്കും അറിയുമായിരിക്കും. എന്നാല് ഇന്ധനമില്ലാത്തതിന്റെ പേരില് കേസെടുക്കും എന്ന് പറഞ്ഞാല് ആരും ഞെട്ടേണ്ട. മോട്ടര് വാഹന നിയമപ്രകാരം അത് ചട്ടലംഘനമാണ്.
മോട്ടര് വാഹന നിയമം ലംഘിച്ചില് കേസ് ഉണ്ടാകും എന്നത് പിന്നെ പറയേണ്ടല്ലോ... അത്തരമൊരു നടപടിക്കാണ് കഴിഞ്ഞ ദിവസം കൊച്ചിയില് സര്വീസ് നടത്തുന്ന ബസ് വിധേയമായത്. യാത്രക്കാരുമായി സര്വീസ് നടത്തിയ സ്വകാര്യ ബസിലെ ഇന്ധനം തീര്ന്ന് റോഡില് നിന്നതിന് പിന്നാലെയാണ് കേസ് രജിസ്റ്റര് ചെയ്തിരിക്കുന്നത്.
സംഭവം ഇങ്ങനെയാണ്... ഇന്നലെ (വ്യാഴാഴ്ച) വൈറ്റിലയ്ക്ക് പോകുകയായിരുന്ന 'ആന്സന്' എന്ന സ്വകാര്യ ബസിനാണ് ഇന്ധനമില്ലാത്തതിന്റെ പേരില് മുട്ടന് പണി കിട്ടിയത്. കലൂര് പള്ളിക്ക് സമീപം വെച്ച് ബസിലെ ഇന്ധനം തീര്ന്നു. പിന്നാലെ ബസ് ജീവനക്കാര് പമ്പില് എത്തി ഡീസല് വാങ്ങി സര്വീസ് പുനരാരംഭിക്കുകയും ചെയ്തു. എന്നാല് ഈ സമയമത്രയും ബസ് റോഡില് ഗതാഗത കുരുക്ക് സൃഷ്ടിച്ചു.
ഇതോടെ ഡ്രൈവറുടെ അനാസ്ഥ മൂലം റോഡില് ഗതാഗത കുരുക്ക് സൃഷ്ടിച്ച കുറ്റത്തിന് ആന്സന് ബസിന് എതിരേ ഡെപ്യൂട്ടി ട്രാന്സ്പോര്ട്ട് കമ്മിഷണര് ഷാജി മാധവന്റെ നിര്ദേശ പ്രകാരം വെഹിക്കിള് ഇന്സ്പെക്ടര്മാര് കേസെടുക്കുകയായിരുന്നു. ഇരുപതോളം യാത്രക്കാരാണ് ഇന്ധനം തീര്ന്ന സമയത്ത് ബസില് ഉണ്ടായിരുന്നത്.
ബസ് ഗതാഗത കുരുക്ക് സൃഷ്ടിച്ച സമയത്ത് തൊട്ടു പിറകിലുണ്ടായിരുന്ന അസിസ്റ്റന്റ് മോട്ടോര് വെഹിക്കിള് ഇന്സ്പെക്ടര്മാരായ കെ എം നജീബ്, കെ എസ് ഭരത് ചന്ദ്രന്, സഗീര് എന്നിവര് റോഡില് ഇറങ്ങി ഗതാഗത കുരുക്കിന്റെ കാരണം തിരക്കി എത്തുകയായിരുന്നു. അപ്പോഴാണ് ഇന്ധനം തീര്ന്ന ബസാണ് 'പണി' നല്കിയത് എന്ന് ഉദ്യോഗസ്ഥര്ക്ക് ബോധ്യപ്പെട്ടത്.
ഇതോടെ വാഹന ഗതാഗതം നിയന്ത്രിച്ച ഉദ്യോഗസ്ഥര് ബസ് ജീവനക്കാര്ക്ക് ആവശ്യമായ സഹായവും നല്കി. ഇതിനിടെ ബസ് ജീവനക്കാര് ഇന്ധനം എത്തിച്ച് സര്വീസ് പുനരാരംഭിക്കുകയായിരുന്നു. ഇന്ധനം ഇല്ലാതെ യാത്രക്കാരുമായി സര്വീസ് നടത്തിയാല് കേരള മോട്ടോര് വാഹന നിയമം റൂള് 46 പ്രകാരമാണ് കേസ് രജിസ്റ്റര് ചെയ്യുന്നത്.
വാഹനം എടുക്കുന്നതിന് മുന്പ് ആവശ്യത്തിന് ഇന്ധനമുണ്ടെന്ന് ഉറപ്പ് വരുത്തണം എന്നാണ് ഈ ചട്ടത്തില് നിഷ്കര്ഷിച്ചിരിക്കുന്നത്. മാത്രമല്ല ഈ ചട്ടപ്രകാരം യാത്രക്കാരുണ്ടെങ്കില് ബസ് പെട്രോള് പമ്പില് കയറ്റാനും പാടില്ല എന്നാണ് പറയുന്നത്.
-
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ഉടൻ ശസ്ത്രക്രിയക്ക് വിധേയമാകണമെന്നാണ് ഡോക്ടർ അറിയിച്ചത്;രോഗാവസ്ഥ പങ്കുവെച്ച് നടൻ കണ്ണൻ സാഗർ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
"യുദ്ധം പെട്ടെന്ന് അവസാനിക്കുമെന്ന് തോന്നുന്നില്ല, പെട്രോളും ഗ്യാസും ഡീസലും പഴയത് പോലെ കൊടുക്കില്ല" -
ബെംഗളൂരുവിലെ ഹെബ്ബാൾ മുതൽ സിൽക്ക് ബോർഡ് വരെ തുരങ്കപാത; 16.74 കി.മീ ദൈർഘ്യം, ചിലവ് 17,698 കോടി, വൈകുമോ? -
ബിജെപിയുടെ മൂന്നാംഘട്ട സ്ഥാനാർത്ഥി പട്ടിക പ്രഖ്യാപിച്ചു; കൃഷ്ണകുമാറിനെ ഒഴിവാക്കി, വിവേക് ഗോപൻ അരുവിക്കരയിൽ -
'ഞാൻ എഴുതിയ മോഹൻലാലിന്റെ പേരിലെ പുസ്തക പ്രകാശത്തിന് ക്ഷണിച്ചില്ല, പരിപാടി അലങ്കോലമായി'; ശാന്തിവിള ദിനേശ്
Click it and Unblock the Notifications
Sign in with Google