സാമ്പത്തിക ബാധ്യത: കൊച്ചിയില് കൂട്ടാത്മഹത്യ, കുടുംബത്തിലെ 3 പേർ മരിച്ചു
കൊച്ചി: കൊച്ചിയില് ഒരു കുടുംബത്തിലെ മൂന്ന് പേർ ആത്മഹത്യ ചെയ്ത നിലയില്. വെണ്ണല ഭാഗത്ത് താമസിക്കുന്നത് മ്മ, മകൾ, മകളുടെ ഭർത്താവ് എന്നിവർ ആണ് ആത്മഹത്യ ചെയ്തത്. ഇന്ന് രാവിലെയോടെയാണ് മരണ വിവരം പുറത്തറിയുന്നത്. ശ്രീകലാ റോഡിൽ വെളിയിൽ വീട്ടിൽ ഗിരിജ, മകൾ രജിത, രജിതയുടെ ഭർത്താവ് പ്രശാന്ത് എന്നിവർ ആണ് മരിച്ചത്.
രജിതയുടേയും പ്രശാന്തിന്റേയും ചെറിയ കുട്ടികള് വീട്ടില് ഉണ്ടായിരുന്നു. ഇവർ ഫോണില് അറിയിച്ചപ്പോഴാണ് പുറത്തുള്ളവർ വിവരം അറിയുന്നത്. രാവിലെ എഴുന്നേൽക്കുമ്പോൾ മരിച്ചു കിടക്കുന്ന മാതാപിതാക്കളേയും മുത്തശ്ശിയേയും കണ്ട പന്ത്രണ്ടും അഞ്ചും വയസ്സുള്ള കുട്ടികൾ അയൽവാസികളെ വിളിച്ച് വിവരം അറിയിക്കുകയായിരുന്നു. ഇവരുടെ ആത്മഹത്യക്കുറിപ്പ് കണ്ടെത്തിയിട്ടുണ്ട്. സാമ്പത്തിക പ്രയാസങ്ങളാണ് ആത്മഹത്യക്ക് കാരണമെന്നാണ് കുറിപ്പില് പറയുന്നത്. പൊലീസ് സ്ഥലത്ത് എത്തി ഇന്ക്വസ്റ്റ് നടപടികള് ആരംഭിച്ചു.
ഗിരിജയും പ്രശാന്തും തൂങ്ങിമരിച്ച നിലയിലും രജിതയെ വിഷം കഴിച്ച നിലയിലുമാണ് കണ്ടെത്തിയത്. ഫ്ളോര് മിൽ നടത്തിവരികയായിരുന്നു പ്രശാന്ത്. ഇതുമായി ബന്ധപ്പെട്ടു കൊണ്ടുള്ള സാമ്പത്തിക ഇടപാടുകളിലൂടെ ഒരു കോടി രൂപക്ക് മുകളിൽ ഇവർക്ക് സാമ്പത്തിക പ്രതിസന്ധി ഉണ്ടായിരുന്നു എന്നാണ് ആത്മഹത്യാ കുറിപ്പിൽ പറയുന്നത്.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. Toll free helpline number: 1056)
Click it and Unblock the Notifications
Sign in with Google