വീട്ടമ്മയെ ഭീഷണിപ്പെടുത്തി ഒരു വര്ഷത്തോളം ലൈംഗികമായി പീഡിപ്പിച്ചു, കൊച്ചിയില് എസ്ഐ അറസ്റ്റില്
കൊച്ചി: വീട്ടമ്മയെ ഭീഷണിപ്പെടുത്തി ലൈംഗിക പീഡനത്തിനിരയാക്കിയ പൊലീസുകാരന് അറസ്റ്റില്. എറണാകുളം സെന്ട്രല് സ്റ്റേഷനിലെ സബ് ഇന്സ്പെക്ടര് ബാബു മാത്യുവാണ് അറസ്റ്റിലായത്. എറമാകുളം മുളംതുരുത്തിയിലെ വീട്ടമ്മയെ ലൈംഗികമായി പീഡിപ്പിച്ചെന്നാണ് കേസ്. സംഭവത്തെ തുടര്ന്ന് എസ് ഐ ഒളിവില് പോയി മുന്കൂര് ജാമ്യത്തിന് ശ്രമിച്ചിരുന്നു. എന്നാല് മുന്കൂര് ജാമ്യം ലഭിക്കാത്തതിനെ തുടര്ന്ന് സ്റ്റേഷനിലെത്തി കീഴടങ്ങുകയായിരുന്നു. വിശദാംശങ്ങള് ഇങ്ങനെ. . .
ഒരു വര്ഷത്തിലേറെ
ബാബു മാത്യു മുളംതുരുത്തി പൊലീസ് സ്റ്റേഷനില് അഡിഷണല് എസ് ഐ ആയിരിക്കുമ്പോഴാണ് സംഭവം. ഇയാള് ഭീഷണിപ്പെടുത്തി ഒരു വര്ഷത്തിലേറെ ലൈംഗികമായി പീഡിപ്പിച്ചുവെന്നാണ് കേസ്. 37കാരിയായ യുവതി കൊച്ചി ഡിസിപി പൂങ്കുഴലിക്കാണ് ഇതുമായി ബന്ധപ്പെട്ട് പരാതി നല്കിയത്.
കേസെടുത്ത് പൊലീസ്
യുവതിയുടെ പരാതിയില് ഒരു മാസം മുമ്പാണ് പൊലീസ് കേസ് രജിസ്റ്റര് ചെയ്തത്. മുന്കൂര് ജാമ്യം ലഭിക്കാത്തതിനെ തുടര്ന്നാണ് ഇയാള് സ്റ്റേഷനിലെത്തി കീഴടങ്ങിയത്. കോടതിയില് ഹാജരാക്കിയ പ്രതി ഇപ്പോള് കൊവിഡ് നിരീക്ഷണ കേന്ദ്രത്തിലേക്ക് പ്രവേശിപ്പിച്ചിരിക്കുകയാണ്ഒരു മാസത്തോളമാണ് ഇയാള് ഒളിവില് കഴിഞ്ഞത്.
മജിസ്ട്രേറ്റിന് മൊഴി
സംഭവവുമായി ബന്ധപ്പെട്ട് യുവതി മജിസ്ട്രേറ്റിന് മുമ്പാകെ 164 പ്രകാരം മൊഴി നല്കിയിരുന്നു. വാഹനപരിശോധനയ്ക്കിടെ പിഴ അടയ്ക്കാന് യുവതി സ്റ്റേഷനില് എത്തി പണം അടയ്ക്കാം എന്ന് സമതിക്കുകയായിരുന്നു. പിന്നീട് സ്റ്റേഷനിലെത്തിയ യുവതിയുമായി ഇയാള് സൗഹൃദം സ്ഥാപിക്കുകയായിരുന്നു.
Recommended Video
വീട്ടില് എത്തിയപ്പോള്
സൗഹൃദത്തിന്റെ പേരില് ഇയാള് പിന്നീട് വീട്ടില് എത്തിത്തുടങ്ങി. ഒരു ദിവസം മുറിയില് വസ്ത്രം മാറുമ്പോള് അനുവാദമില്ലാതെ കയറിവന്ന് സ്വകാര്യ ഭാഗത്ത് കയറിപ്പിടിക്കുകയും ലൈംഗികമായി പീഡിപ്പിക്കുകയായിരുന്നുവെന്നും പരാതിയില് പറയുന്നു. പിന്നീട് ഈ വിവരം പുറത്തു പറയുമെന്ന് ഭീഷണിപ്പെടുത്തി ഒരു വര്ഷത്തോളം പീഡിപ്പിക്കുകയായിരുന്നുവെന്ന് യുവതി നല്കിയ പരാതിയില് പറയുന്നു.
സംസ്ഥാനത്ത് 14 ജില്ലകളിലും നിരോധനാജ്ഞ: പൊതുഗതാഗതത്തിന് തടസമില്ല, മറ്റ് നിയന്ത്രണങ്ങള് ഇങ്ങനെ
കൊവിഡ് വ്യാപനം അതിരൂക്ഷം, സംസ്ഥാനത്ത് 9 ജില്ലകളിൽ നിരോധനാജ്ഞ, കടുത്ത നിയന്ത്രണങ്ങൾ
'നിയമസഭയിലേക്ക് മത്സരിക്കാമെന്ന പൂതി കയ്യില് വെച്ചാ മതി', കോൺഗ്രസ് എംപിമാരോട് അജയ് തറയിൽ
നിയമസഭാ തിരഞ്ഞെടുപ്പിൽ 55 സീറ്റിൽ ബിജെപി വെല്ലുവിളി, സിപിഎം റിപ്പോർട്ടിലെ കണ്ടെത്തലെന്ന് ജന്മഭൂമി