ഭാര്യയെ കഴുത്തറുത്ത് കൊലപ്പെടുത്തിയ ഭര്ത്താവ് ജീവനൊടുക്കി; തല ഭിത്തിയില് ഇടിച്ചതിന്റെയും പാടുകള്
പെരുമ്പാവൂര്: ഭാര്യയെ കഴുത്തറുത്ത് കൊലപ്പെടുത്തിയ ശേഷം ഒഡിഷ സ്വദേശിയായ ഭര്ത്താവ് ജീവനൊടുക്കി. കുറുപ്പംപടി നൂലേലി പള്ളിപ്പടിയിലാണ് സംഭവം. ഇവിടെ വാടകക്ക് താമസിക്കുകയായിരുന്നു ഇരുവരും.
വിഷ്ണുക്കാര പ്രധാന് (26) ഭാര്യ സില്ക്കാര പ്രധാന(23) താമസസ്ഥലത്ത് വെച്ച് കഴുത്തറുത്ത് കൊല്ലുകയായിരുന്നു. ശേഷം തൂങ്ങി മരിച്ചു. സില്ക്കാരയെ തറയിലും വിഷ്ണുവിനെ ജനലിനോട് ചേര്ന്നുള്ള ഉത്തരത്തില് കെട്ടി തൂങ്ങിയ നിലയിലുമായിരുന്നു കണ്ടെത്തിയത്.
രാവിലെ ഏറെവൈകിയും പൊതു ടാപ്പില് നിന്നും വെള്ളമെടുക്കാനായി എത്താതിരുന്നപ്പോള് സമീപത്ത് താമസിക്കുന്ന അതിഥി തൊഴിലാളിയായ യുവതി അന്വേഷിച്ചെത്തിയപ്പോഴാണ് ഇരുവരേയും മരിച്ച നിലയില് കണ്ടെത്തിയത്.
ജനലിനു സമീപം വിഷ്ണു പ്രധാനെ മരിച്ച നിലയില് കണ്ടതിന് പിന്നാലെ വീട്ടുടമയെ വിവരം അറിയിക്കുകയായിരുന്നു. പിന്നീട് വീട്ടുടമയെത്തി പരിശോധിച്ചപ്പോഴാണ് രക്തം വാര്ന്ന നിലയില് സില്ക്കാരയേയും കണ്ടെത്തുന്നത്. യുവതിയുടെ തല ഭിത്തിയില് ഇടിച്ചതിന്റേയും ലക്ഷണങ്ങളുണ്ട്.
ഇവര് തമ്മില് ഇടക്കിടെ വഴക്കുണ്ടാവാറുണ്ടെന്ന് സമീപവാസികള് പറഞ്ഞതായി കുറുപ്പംപടി ഇന്സ്പെക്ടര് കെആര് മനോജ് അറിയിച്ചു. ഇരുവരും പ്ലൈവുഡ് കമ്പനി തൊഴിലാളികളാണ്. മാസം മുമ്പാണ് ഇരുവരും കേരളത്തിലെത്തുന്നത്. എന്നാല് ഇവിടെ പ്ലൈവുഡ് കമ്പനിയില് ജോലി ആരംഭിച്ചിട്ട് ഒരു മാസം കഴിയുന്നതേയുള്ളു. ഇരുവരുടേയും മൃതശരീരം പെരുമ്പാവൂര് താലൂക്ക് ആശുപത്രിയിലേക്ക് മാറ്റിയിരിക്കുകയാണ്. കൊവ്ഡ് പരിശോധന നടത്തേണ്ടതുണ്ട്. ഫലം ലഭിച്ചയുടന് പോസ്റ്റ്മോര്ട്ടം നടത്തും.
ഞങ്ങള് 6 പേരും കോണ്ഗ്രസിനൊപ്പമെന്ന് 'ബിഎസ്പി' എംഎല്എമാര്; ഹര്ജിയുമായി സുപ്രീംകോടതിയിലേക്ക്
ഞങ്ങള് 6 പേരും കോണ്ഗ്രസിനൊപ്പമെന്ന് 'ബിഎസ്പി' എംഎല്എമാര്; ഹര്ജിയുമായി സുപ്രീംകോടതിയിലേക്ക്