Click it and Unblock the Notifications
Just In
Don't Miss
-
'കടയിൽ പോയി അണ്ടർവെയർ വാങ്ങാൻ പറ്റാത്തയവസ്ഥ, ബാംഗ്ലൂരിൽ ലിവിങ് ടുഗെതറായിരുന്നു, കല്യാണത്തിന് അച്ഛൻ വന്നില്ല' -
T20 World Cup 2024: ഡിക്കെയുടെ 'ട്രാപ്പില്' വീഴരുത്! ലോകകപ്പിലെടുത്താല് പണിയുറപ്പ്, 2022 മറന്നോ? -
ചാണക്യനീതി: പാമ്പിനെ പാലൂട്ടുന്നതിന് സമം, ഇവരെ കൂടെക്കൂട്ടിയാല് പ്രശ്നം നിഴല് പോലെ കൂടെ -
ചലാൻ്റെ കാര്യത്തിൽ ഡബിൾ സെഞ്ചുറി, 270 ചലാനും ഒന്നര ലക്ഷം രൂപ പിഴയും ലഭിച്ച ലേഡി റൈഡർ -
എഫ്ഡി vs ആർഡി; പലിശ നിരക്ക്, നിക്ഷേപ കാലയളവ്, നികുതി, അപകട സാധ്യത തുടങ്ങി അറിയേണ്ടതെല്ലാം -
പൊന്നു ചങ്ങായിമാരേ വേഗം രക്ഷപ്പെട്ടോളീൻ...! ഗൂഗിൾ കൈയൊഴിഞ്ഞു, ഈ 3 ആപ്പുകൾ ഉടൻ ഡിലീറ്റ് ചെയ്യാൻ നിർദേശം -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
എസ്എഫ്ഐ സംസ്ഥാന സമ്മേളനം 20ന്: പതാക ജാഥയ്ക്ക് കൂത്തുപറമ്പില്‍ തുടക്കം
കൊച്ചി: എസ്എഫ്ഐ സംസ്ഥാന സമ്മേളനത്തിന് 20ന് കൊല്ലത്ത് കൊടിയുയരും. സമ്മേളന നഗരിയില്‍ ഉയര്‍ത്താനുള്ള പതാക ജാഥയ്ക്ക് കൂത്തുപറമ്പില്‍ തുടക്കമായി. കൊല്ലം ചിന്നക്കടിയില്‍ കൊടിമര, പതാക, ദീപശിഖ റാലികള്‍ 20ന് എത്തിച്ചേരും. ചിന്നക്കടയില്‍ നിന്ന് 21നു 10നു റാലി ആരംഭിച്ചു ക്യുഎസി മൈതാനത്തു സമാപിക്കും. തുടര്‍ന്നു സമ്മേളനം സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ ഉദ്ഘാടനം ചെയ്യും. ആശ്രാമം യൂനുസ് കണ്‍വന്‍ഷന്‍ സെന്ററില്‍ 22നു 10നു പ്രതിനിധി സമ്മേളനം മുതിര്‍ന്ന മാധ്യമപ്രവര്‍ത്തകന്‍ കെ.ശശികുമാര്‍ ഉദ്ഘാടനം ചെയ്യും.
കണ്ണൂര്‍ കൂത്തുപറമ്പ് തൊക്കിലങ്ങാടിയിലെ കെ.വി.സുധീഷ് രക്തസാക്ഷി സ്മൃതിമണ്ഡപത്തില്‍ സിപിഎം കേന്ദ്രകമ്മിറ്റി അംഗം ഇ.പി ജയരാജന്‍ എംഎല്‍എ പതാക ജാഥ ഉദ്ഘാടനംചെയ്തു. എസ്എഫ്ഐ കേന്ദ്രകമ്മിറ്റി അംഗവും ജാഥാ ലീഡറമായ മുഹമ്മദ് അഫ്സല്‍ പതാക ഏറ്റുവാങ്ങി. എസ്എഫ്ഐ കണ്ണൂര്‍ ജില്ലപ്രസിഡന്റ് ഷിബിന്‍ കാനായി അധ്യക്ഷനായി.
സംസ്ഥാന സെക്രട്ടറി എം വിജിന്‍, പ്രസിഡന്റ് ജെയ്ക്ക് സി തോമസ്, ജാഥാലീഡര്‍ മുഹമ്മദ് അഫ്സല്‍ എന്നിവര്‍ സംസാരിച്ചു. സുധീഷിന്റെ സഹോദരി ഭര്‍ത്താവ് രാജന്‍, കൂത്തുപറമ്പ് രക്തസാക്ഷി റോഷന്റെ അച്ഛന്‍ കെ.വി വാസു, സിപിഎം ജില്ല സെക്രട്ടറിയറ്റംഗം പനോളി വത്സന്‍, ഏരിയസെക്രട്ടറി കെ ധനഞ്ജയന്‍ തുടങ്ങിയവരും പങ്കെടുത്തു.
ഇരുചക്രവാഹനങ്ങളുടെയും ബാന്റ് മേളങ്ങളുടേയും അകമ്പടിയോടെ പ്രയാണം ആരംഭിച്ച ജാഥക്ക് വഴിനീളെ അത്യാവേശകരമായ സ്വീകരണമാണ് എസ്എഫ്‌ഐയും വര്‍ഗ ബഹുജന സംഘടനകളും ഒരുക്കിയിരിക്കുന്നത്. കോഴിക്കോട് ജില്ലയിലെ പര്യടനം പൂര്‍ത്തിയാക്കിയ ജാഥ ഇന്നലെ മലപ്പുറം ജില്ലയിലേക്ക് കടന്നു. ഇന്ന് മലപ്പുറം പാലക്കാട്, തൃശൂര്‍ ജില്ലകളില്‍ പര്യടനം പൂര്‍ത്തിയാക്കി ജാഥ എറണാകുളം ജില്ലയില്‍ പ്രവേശിക്കും.
കരുനാഗപ്പള്ളി അജയപ്രസാദ് രക്തസാക്ഷി മണ്ഡപത്തില്‍ നിന്ന് 20ന് ഒന്നിന് ആരംഭിക്കുന്ന കൊടിമര ജാഥ സിപിഎം കേന്ദ്രകമ്മിറ്റി അംഗം വൈക്കം വിശ്വന്‍ ഉദ്ഘാടനം ചെയ്യും. പാറശാല സജിന്‍ ഷാഹുല്‍ സ്മൃതി രക്തസാക്ഷിമണ്ഡപം, ചവറ ശ്രീകുമാര്‍ രക്തസാക്ഷി സ്മൃതിമണ്ഡപം എന്നിവിടങ്ങളില്‍ നിന്നാണ് ദീപശിഖ ജാഥകള്‍ ആരംഭിക്കുന്നത്. പാറശാലയില്‍ മന്ത്രി എ.കെ.ബാലനും ചവറയില്‍ എസ്എഫ്ഐ ദേശീയ പ്രസിഡന്റ് വി.വി.സാനുവും ഉദ്ഘാടനം ചെയ്യും.
