മഴക്കെടുതി: കൊച്ചിയില്നിന്നു തിങ്കളാഴ്ച മുതല് വിമാനസര്വീസുകള്, ബെംഗളൂരു- കൊച്ചി സര്വീസ് !
കൊച്ചി: എയര് ഇന്ത്യയുടെ സബ്സിഡിയറി കമ്പനിയായ അലയന്സ് എയര് തിങ്കളാഴ്ച കൊച്ചിയില്നിന്ന് ആഭ്യന്തര വിമാന സര്വീസുകള് നടത്തും. തിങ്കളാഴ്ച രാവിലെ 6 മണിക്ക് ബംഗളൂരു-കൊച്ചി വിമാനം 91-505 കൊച്ചിയില് എത്തും. 8.10ന് 91-505നമ്പര് വീമാനം കൊച്ചിയില്നിന്നു ബംഗളുരുവിലേക്ക് തിരിക്കും. തുടര്ന്നു രാവിലെ 10ന് ബംഗളുരുവില്നിന്നു തിരിച്ച് ഇതേ വിമാനം 11.30ന് കൊച്ചിയിലെത്തുകയും അവിടെനിന്ന് 12.10ന് ബംഗളുരുവിലേക്ക് തിരിച്ച് 1.30ന് അവിടെ എത്തിച്ചേരുകയും ചെയ്യും.
ഇതിന് പുറമെ ഉച്ചകഴിഞ്ഞ് 2.10ന് ബംഗളുരുവില്നിന്നു കോയമ്പത്തൂരിലേക്കുള്ള വിമാനം (നമ്പര് 91-511) കൊച്ചിയില് 4.25ന് എത്തിച്ചേരും. തുടര്ന്ന് 5.15ന് (നമ്പര് 91-512)കൊച്ചിയില്നിന്നു തിരിച്ച് വൈകിട്ട് 6 മണിയോടെ കോയമ്പത്തൂരില് എത്തിച്ചേരും. ആ വിമാനം വൈകിട്ട് 6.30ന് കോയമ്പത്തൂരില്നിന്നും തിരിച്ച് രാത്രി 7.30 ഓടെ കൊച്ചിയിലെത്തും. ഇവയിലെല്ലാം 70 സീറ്റുകള് വീതമാണ് ഉള്ളത്.
Click it and Unblock the Notifications
Sign in with Google