കൊച്ചി കാൻസർ റിസർച്ച് സെൻറർ നിർമ്മാണം ത്വരിതഗതിയിൽ

കളമശേരി: ആരോഗ്യമേഖലയിൽ മറ്റൊരു വിപ്ലവം സൃഷ്ടിക്കാനൊരുങ്ങുന്ന സംസ്ഥാനസർക്കാറിന്റെ വികസന പദ്ധതികളിൽ ഏറ്റവും മുന്നിലുള്ള പദ്ധതിയാണ് കൊച്ചി കാൻസർ റിസർച്ച് സെൻറർ (സി.സി.ആർ.സി). ഇതിന്റെ നിർമാണ പ്രവർത്തനങ്ങൾ ത്വരിതഗതിയിലാണ് നടക്കുന്നത്.

നിർമാണപ്രവർത്തനങ്ങൾ തുടങ്ങിയ ശേഷം കാലാവസ്ഥ അനുകൂലമല്ലാത്തതിനാലും തൊഴിൽ തർക്കവും മൂലം 15 പ്രവർത്തി ദിനങ്ങൾ നഷ്ടമായി. എന്നാൽ ഇപ്പോൾ കോടതി ഉത്തരവ് പ്രകാരം പോലീസ് സംരക്ഷണത്തോടെയാണ് നിർമാണ പ്രവർത്തനങ്ങൾ നടക്കുന്നത്.

കൊച്ചി കാൻസർ റിസർച്ച് സെൻറർ നിർമ്മാണം പുരോഗമിക്കുന്നു.

730 ദിവസത്തിനുള്ളിൽ കെട്ടിടനിർമാണം പൂർത്തിയാക്കണമെന്നാണ് കരാർ. ജൂലൈ 25 മുതലാണ് കരാർ തുടങ്ങുന്നത്. ഇതനുസരിച്ച് 2020 ജൂലൈ 24ന് കെട്ടിടങ്ങൾ നിർമ്മിച്ച് കൈമാറും.കാൻസർ സെൻറർ നിർമ്മാണ മേൽനോട്ടം ഇൻകലിനാണ്.

തട്ടുകളായി കിടക്കുന്ന ഭൂമിയിൽ മൂന്ന് ബ്ലോക്കുകളിലായാണ് കെട്ടിട നിർമ്മാണം. ഇതിൽ താഴ്ന്ന തട്ടിലുള്ള ഭൂമിയിൽ ഏഴു നിലകളിലുള്ള കെട്ടിടവും അതിലും ഉയർന്ന ഭൂമിയിൽ ആറു നിലകളുള്ള കെട്ടിടവും അതിലും ഉയർന്ന ഭൂമിയിൽ അഞ്ചു നിലകളിലുള്ള കെട്ടിടവും ആയിരിക്കും നിർമ്മിക്കുക . നിർമ്മാണം പൂർത്തിയാകുമ്പോൾ എല്ലാ കെട്ടിടങ്ങളുടെയും മുകൾ ഭാഗം ഒരേ ഉയരത്തിലായിരിക്കും.

English summary

kochi cancer research center construction will start soon