ബ്രഹ്മപുരം തീപിടിത്തം: ഹൈക്കോടതി ഇടപെടണം, ചീഫ് ജസ്റ്റിസിന് ജസ്റ്റിസ് ദേവന് രാമചന്ദ്രന്റെ കത്ത്
കഴിഞ്ഞ അഞ്ച് ദിവസമായി ബ്രഹ്മപുരം മാലിന്യപ്ലാന്റിലെ വിഷപ്പുക വ്യാപിക്കുന്നത് വലിയ ആരോഗ്യ പ്രശ്നങ്ങളുണ്ടാക്കുമെന്നും പരിഹരിക്കുന്നതിനായി കോടതിയുടെ ഇടപെടല് വേണമെന്നുമാണ് അദ്ദേഹം കത്തില് ആവശ്യപ്പെട്ടിരിക്കുന്നത്.
കൊച്ചി: ബ്രഹ്മപുരം മാലിന്യ പ്ലാന്റിലുണ്ടായ തീപിടിത്തത്തെ തുടര്ന്ന് കൊച്ചിയില് മാലിന്യപുക വ്യാപിച്ച സംഭവിത്തില് ഇടപെടണമെന്ന് ആവശ്യപ്പെട്ട് ഹൈക്കോടതി ചീഫ് ജസ്റ്റിസിന് കത്ത്. ജസ്റ്റ്സ് ദേവന് രാമചന്ദ്രനാണ് ചീഫ് ജസ്റ്റിസിന് കത്തയച്ചത്. കഴിഞ്ഞ അഞ്ച് ദിവസമായി ബ്രഹ്മപുരം മാലിന്യപ്ലാന്റിലെ വിഷപ്പുക വ്യാപിക്കുന്നത് വലിയ ആരോഗ്യ പ്രശ്നങ്ങളുണ്ടാക്കുമെന്നും പരിഹരിക്കുന്നതിനായി കോടതിയുടെ ഇടപെടല് വേണമെന്നുമാണ് അദ്ദേഹം കത്തില് ആവശ്യപ്പെട്ടിരിക്കുന്നത്.
കഴിഞ്ഞ അഞ്ച് ദിവസമായി ബ്രഹ്മപുരത്ത് തീ കത്തുകയാണ്. ഇതുവരെ അണയ്ക്കാനായിട്ടില്ല. പ്ലാസ്റ്റിക് മാലിന്യം പുകഞ്ഞ് കത്തുന്നതാണ് പ്രതിസന്ധിയെന്ന് അഗ്നിരക്ഷാ സേന അറിയിച്ചു. തീ നിയന്ത്രണ വിധേയമാക്കാന് കഴിഞ്ഞെങ്കിലും പുക ഉയരുന്ന സാഹചര്യമുണ്ട്. പുക ശമിപ്പിക്കുന്നതിന് ഫയര് ആന്റ് റെസ്ക്യൂവിന്റെ നേതൃത്വത്തില് ശ്രമങ്ങള് തുടരുകയാണ്. 30 ഫയര് യൂണിറ്റുകളാണ് പ്രവര്ത്തിക്കുന്നത്. ഒരു യൂണിറ്റില് 40,000 ലിറ്റര് വെള്ളമാണ് ഉപയോഗിക്കുന്നത്.
120 അഗ്നിസുരക്ഷാ സേനാംഗങ്ങളാണ് പുക ശമിപ്പിക്കാനായി രംഗത്തുളളത്. കൂടാതെ കൊച്ചി കോര്പ്പറേഷന് ജീവനക്കാരുമുണ്ട്. നേവിയുടെ രണ്ട് ഹെലികോപ്ടറില് മുകളില് നിന്ന് വെള്ളം പമ്പ് ചെയ്യുന്നുണ്ട്. സിയാലില് നിന്നുള്പ്പടെ യന്ത്രസാമഗ്രികള് ബ്രഹ്മപുരത്തെത്തിച്ചിട്ടുണ്ട്.
മാലിന്യക്കൂമ്പാരത്തിന്റെ അടിഭാഗത്ത് നിന്നുയരുന്ന പുക ശമിപ്പിക്കാനാണ് ശ്രമം ഊര്ജിതമായി നടക്കുന്നത്.
മാലിന്യം ചികഞ്ഞ് മാറ്റി ഉള്വശത്തേക്ക് വെള്ളം പമ്പ് ചെയ്യുകയാണ്. മാലിന്യക്കൂമ്പാരം ചികയുന്നതിനായി ആറ് ഹിറ്റാച്ചികളാണ് ഉപയോഗിക്കുന്നത്. തീപിടിത്തമുണ്ടായ പ്രദേശം മുഴുവന് വെള്ളത്തിനടിയിലാക്കുന്ന ഫ്ളഡിംഗ് രീതിയിലാണ് പുക ശമിപ്പിക്കുന്നത്. ഇതിന് കടമ്പ്രയാറില് നിന്ന് ഫ്ളോട്ടിംഗ് ജെ സി ബിയുടെ സഹായത്തോടെ വെള്ളമെടുക്കുന്നുണ്ട്. രണ്ട് ഫ്ളോട്ടിംഗ് ജെസിബികള് ഉപയോഗിക്കുന്നു. ആലപ്പുഴയില് നിന്നെത്തിച്ച വലിയ രണ്ട് ഡീ വാട്ടറിംഗ് പമ്പുകളും ചെറിയ പമ്പുകളും ഉപയോഗിക്കുന്നുണ്ട്. കൂടുതല് ജെ സി ബികള് ഉപയോഗപ്പെടുത്തും.
പുക പടര്ന്നിരിക്കുന്ന പ്രദേശങ്ങളിലുളളവര് എന് 95 മാസ്ക് നിര്ബന്ധമായും ഉപയോഗിക്കണം. ശ്വാസകോശ സംബന്ധമായ അസുഖങ്ങള് ഉള്ളവര്, ഗര്ഭിണികള്, കുട്ടികള്, മുതിര്ന്നവര് കഴിവതും പുറത്തിറങ്ങാതിരിക്കണമെന്ന നിര്ദ്ദേശം അധികൃതര് പങ്കിവച്ചിട്ടുണ്ട്.
പുകമൂലം ഏതെങ്കിലും തരത്തിലുള്ള ആരോഗ്യപ്രശ്നങ്ങള് ഉണ്ടായാല് ചികിത്സിക്കുന്നതിനായി പ്രത്യേക ക്രമീകരണം ഏര്പ്പെടുത്തി. എറണാകുളം ജനറല് ആശുപത്രിയില് 100 കിടക്കകള്, തൃപ്പൂണിത്തുറയിലെ താലുക്ക് ആശുപത്രിയില് 20 കിടക്കകള്, കളമശേരി മെഡിക്കല് കോളജില് കുട്ടികള്ക്കായി 10 കിടക്കകളും സ്മോക്ക് കാഷ്വാലിറ്റിയും സജ്ജമാക്കിയിട്ടുണ്ട്.
തീയണയ്ക്കുന്നതിന് രംഗത്തുള്ള അഗ്നി രക്ഷാപ്രവര്ത്തകര് ഉള്പ്പെടെയുള്ളവര്ക്ക് ശ്വാസതടസം ഉണ്ടായാല് ഉപയോഗിക്കുന്നതിനായി രണ്ട് ഓക്സിജന് പാര്ലറുകള് ബ്രഹ്മപുരത്ത് സജ്ജമാക്കിയിട്ടുണ്ട്. ഓക്സിജന് സൗകര്യമുള്ള ആംബുലന്സും ഉണ്ട്. ആംബുലന്സില് ഒരേസമയം നാലുപേര്ക്ക് ഓക്സിജന് നല്കുന്നതിന് സൗകര്യമുണ്ട്.
Click it and Unblock the Notifications
Sign in with Google