ഹാന്വീവിന്റെ വളർച്ചയ്ക്ക് സർക്കാർ പ്രവർത്തിക്കും, ലക്ഷ്യബോധത്തോടെയുള്ള പദ്ധതി തയ്യാറാക്കും: മന്ത്രി
കൊച്ചി: കേരള സംസ്ഥാന കൈത്തറി വികസന കോര്പ്പറേഷന്റെ (ഹാന്വീവ്) വളര്ച്ചയ്ക്ക് ലക്ഷ്യബോധത്തോടെയുള്ള വിവിധ പദ്ധതികളാണ് സര്ക്കാര് ആസൂത്രണം ചെയ്യുന്നതെന്ന് വ്യവസായ മന്ത്രി എ സി മൊയ്തീന്. ഹാന്വീവ് 50 വര്ഷങ്ങള് പൂര്ത്തിയാക്കുന്നതോടനുബന്ധിച്ചുള്ള സുവര്ണ ജൂബിലി ആഘോഷങ്ങളുടെ ഭാഗമായി എറണാകുളം റീജണല് ഓഫീസിന്റെയും വിവിധോദ്ദേശ്യ പദ്ധതികള്ക്കായുള്ള ബഹുനില മന്ദിരത്തിന്റെയും ശിലാസ്ഥാപനം നിര്വഹിക്കുകയായിരുന്നു അദ്ദേഹം.
എറണാകുളം സൗത്ത് റെയില്വേ സ്റ്റേഷന് കിഴക്കുഭാഗത്ത് വെയര്ഹൗസിംഗ് കോര്പ്പറേഷന് ഗോഡൗണിന് സമീപം ആണ് ഹാന്വീവ് റീജിയണല് ഓഫീസ് നിര്മിക്കുന്നത്. കൈത്തറി വ്യവസായത്തിന് ദിശാബോധം നല്കുന്ന പ്രവര്ത്തികളാണ് സര്ക്കാര് ആവിഷ്കരിച്ച് നടപ്പാക്കുന്നതെന്ന് മന്ത്രി പറഞ്ഞു. സ്കൂള് കുട്ടികള്ക്ക് യൂണിഫോറം നല്കാനാവശ്യമായ തുണി കൈത്തറി മേഖലയില് നിന്ന് ശേഖരിക്കുന്നത് ഈ വ്യവസായത്തിന് ഊര്ജം നല്കുന്നു.
സ്കൂള് യൂണിഫോം നല്കുന്നതിനായി കൈത്തറി മേഖലയില് കൂടുതല് തറികളും തൊഴിലാളികളും ആവശ്യമുണ്ട്. കൈത്തറി മേഖലയില് ആളുകള്ക്ക് പ്രത്യേക പരിശീലനം നല്കുന്നുണ്ട്. മേഖലയിലെ തൊഴിലാളികള്ക്ക് വരുമാന വര്ദ്ധനവിനും തൊഴില് ഉറപ്പാക്കുന്നതിനും ഇത്തരം പദ്ധതികള് സഹായിക്കുന്നു.
മാറുന്ന അഭിരുചിക്ക് അനുസരിച്ച് പുതിയ ഡിസൈനുകള് സൃഷ്ടിക്കാനും ഡിസൈന് ചെയ്ത ബ്രാന്ഡഡ് ഉത്പന്നങ്ങള് ആയി കൈത്തറി വസ്ത്രങ്ങള് മാര്ക്കറ്റില് എത്തിക്കാനും പദ്ധതിയുണ്ട്. കൂടുതല് പദ്ധതികളുമായി കൈത്തറി മേഖലയെ കരകയറ്റുമ്പോള് തൊഴില് സുരക്ഷിതത്വം കൂടി ഉണ്ടാകും. അതിനുള്ള പരിശ്രമം സര്ക്കാര് തുടരുകയാണെന്ന് മന്ത്രി പറഞ്ഞു.
പുതിയ റീജിയണല് ഓഫീസിന്റെ രൂപരേഖ മന്ത്രി എ സി മൊയ്തീന് ഹാന്വീവ് ചെയര്മാന് കെ പി സഹദേവന് നല്കിക്കൊണ്ട് പ്രകാശനം ചെയ്തു. ചടങ്ങില് ഹൈബി ഈഡന് എംഎല്എ അധ്യക്ഷനായിരുന്നു. കെ വി തോമസ് എം പി, ജോണ് ഫെര്ണാണ്ടസ് എംഎല്എ എന്നിവര് പങ്കെടുത്തു. എഴുപതു വയസ്സു കഴിഞ്ഞ ജീവനക്കാരെ ആദരിക്കുന്ന ചടങ്ങും യോഗത്തില് നടന്നു. ജിസിഡിഎ ചെയര്മാന് സി എന് മോഹനന് ആണ് ജീവനക്കാരെ ആദരിച്ചത്.
ഹാന്വീവ് ഡയറക്ടര് വി ജി രവീന്ദ്രന്, മാനേജിംഗ് ഡയറക്ടര് കെ സുധീര്, വിവിധ രാഷ്ട്രീയ കക്ഷി നേതാക്കള്, പൗരപ്രമുഖര്, നെയ്ത്തു തൊഴിലാളികള് തുടങ്ങിയവര് യോഗത്തില് പങ്കെടുത്തു.
-
ബെംഗളൂരു നിവാസികൾക്ക് ആശങ്ക; യെലഹങ്ക പവർ പ്ലാന്റ് അടച്ചു, നഗരത്തിലെ വൈദ്യുതി വിതരണത്തെ ബാധിച്ചേക്കും -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
മോണാലിസയ്ക്ക് പ്രായം പതിനേഴോ പതിനെട്ടോ? സോഷ്യല് മീഡിയയില് ചര്ച്ച: മറുപടിയുമായി ദമ്പതികള് -
'രസികനി'ലെ ആ വികൃതിപ്പയ്യൻ; നടൻ ഹരിമുരളിയെ മരിച്ച നിലയിൽ കണ്ടെത്തി -
വെള്ളാപ്പള്ളി തെറിച്ചു..! എസ്എന്ഡിപി ജനറല് സെക്രട്ടറി സ്ഥാനത്തുനിന്ന് മാറ്റി ഹൈക്കോടതി -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
"രാജ്യം സുരക്ഷിതമായ കൈകളിൽ"; പ്രധാനമന്ത്രിയെ പുകഴ്ത്തി മോഹൻലാൽ -
പാചകവാതക ക്ഷാമത്തില് നില്ക്കില്ല.. ഇനി പെട്രോളും ഡീസലും കിട്ടില്ല! കാരണം മോദിയുടെ നയമെന്ന് ഐസക് -
അമ്പലപ്പുഴയിൽ വിഎസിന്റെ മകൻ വിഎ അരുൺ കുമാറിനെ ഇറക്കാൻ സിപിഎം; ലക്ഷ്യം ജി സുധാകരനോ? -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
ജി സുധാകരൻ സിപിഎം വിട്ടു, സ്വതന്ത്രനായി മത്സരിക്കും; 'കോൺഗ്രസിന്റെയോ ബിജെപിയുടെയോ പിന്തുണ തേടില്ല' -
പെരുമ്പാവൂർ ‘സസ്പെൻസിൽ’; പാലക്കാട് രാഹുലിന് പകരം ആര് വരും? തീരുമാനമാകാതെ നേമം മണ്ഡലവും
Click it and Unblock the Notifications
Sign in with Google