പിന്നിലൂടെ വന്ന് വായില് തുണി തിരുകി; സ്ത്രീയെ കുളിമുറിയില് പൂട്ടിയിട്ട് കവര്ച്ച
പട്ടാപ്പകല് വന് കവര്ച്ച നടന്നത് പോലീസിനെയും അമ്പരപ്പിച്ചിട്ടുണ്ട്. സിസിടിവികള് പരിശോധിച്ചുവരികയാണ് പോലീസ്
കൊച്ചി: പട്ടാപ്പകല് വീട്ടില് കള്ളന് കയറി. വീട് വൃത്തിയാക്കി കൊണ്ടിരുന്ന സ്ത്രീയെ പിന്നിലൂടെ എത്തി ബലമായി വായില് തുണി തിരുകിയായിരുന്നു അക്രമം. യുവതിയെ കുളുമുറിയില് പൂട്ടിയിട്ട ശേഷം അലമാറ കുത്തിത്തുറന്ന് സ്വര്ണവും പണവും കവര്ന്നു. യുവതിയുടെ കഴുത്തിലുണ്ടായിരുന്ന മാലയും പൊട്ടിച്ചു. പട്ടാപ്പകല് ഇത്തരത്തില് കവര്ച്ച നടത്തണമെങ്കില് പ്രദേശത്തെ കുറിച്ച് വ്യക്തമായ ധാരണയുള്ള വ്യക്തിയാകണം എന്നാണ് പോലീസ് സംശയിക്കുന്നത്. മൂവാറ്റുപുഴ നഗരത്തിലാണ് സംഭവം. ഡിവൈഎസ്പി ഉള്പ്പെടെ സംഭവസ്ഥലത്തെത്തി അന്വേഷണം തുടങ്ങി. വിശദാംശങ്ങള് ഇങ്ങനെ...
മൂവാറ്റുപുഴ കിഴക്കേക്കരയില് പകല് പതിന്നരയോടെയാണ് സംഭവം. കളരിക്കല് മോഹനന്റെ വീട്ടിലാണ് മോഷ്ടാവ് അതിക്രമിച്ച് കടന്നത്. ബന്ധുവായ പത്മിനി വീട് വൃത്തിയാക്കുന്നതിനിടെയാണ് മോഷ്ടാവ് അകത്ത് കടന്നത്. പത്മിനിയെ പിന്നിലൂടെ വന്ന് ബലമായി പിടിച്ച് വായില് തുണി തിരുകുകയായിരുന്നു. ശേഷം കുളിമുറിയില് തള്ളി പൂട്ടിയിട്ടു.
കിടപ്പ് മുറിയില് കയറി അലമാറി കുത്തി തുറന്നിട്ടുണ്ട്. ഇവിടെ സൂക്ഷിച്ച സ്വര്ണവും പണവും കവര്ന്നു. 20 പവന് സ്വര്ണം മോഷണം പോയി എന്നാണ് ആരോപണം. 20000 രൂപയും കാണാതായിട്ടുണ്ട്. മോഹനന്റെ ഭാര്യ നേരത്തെ മരിച്ചിരുന്നു. ഇവരുടെ മക്കളുടെയും കൊച്ചുമക്കളുടെയും ആഭരണങ്ങളാണ് മോഷ്ടാവ് അപഹരിച്ചത്. ബല പ്രയോഗത്തിനിടെ പത്മിനിയുടെ കഴുത്തിലുണ്ടായിരുന്ന മാലയും കള്ളന് പൊട്ടിച്ചു.
മൂവാറ്റുപുഴ ഡിവൈഎസ്പി ഉള്പ്പെടെയുള്ള പോലീസ് ഓഫീസര്മാര് വീട്ടിലെത്തി പരിശോധിച്ചു. പ്രദേശത്തെയും വീട്ടുകാരെയും കുറിച്ച് വ്യക്തമായ ധാരണയുള്ള ആളാണ് മോഷണം നടത്തിയത് എന്ന് സംശയിക്കുന്നു. പ്രദേശത്തെ സിസിടിവികള് പോലീസ് പരിശോധിക്കുന്നുണ്ട്. മൊബൈല് ടവര് കേന്ദ്രീകരിച്ചും അന്വേഷണം നടക്കുകയാണ്. അടുത്ത കാലത്തായി മൂവാറ്റുപുഴയില് മോഷണം പെരുകുന്നു എന്ന ആക്ഷേപം ഉയരുന്നതിനിടെയാണ് പുതിയ സംഭവം.
നഗരത്തോട് ചേര്ന്ന പ്രദേശത്ത് ഇത്തരത്തില് മോഷണം നടത്തിയത് പോലീസിനെയും അമ്പരപ്പിച്ചിട്ടുണ്ട്. വൈകാതെ കള്ളനെ പിടികൂടാന് സാധിക്കുമെന്ന് പോലീസ് പറയുന്നു. ഡോഗ് സ്ക്വഡും വിരലടയാള വിദഗ്ധരും സ്ഥലത്തെത്തി തെളിവ് ശേഖരിച്ചു. സമാനമായ സംഭവം ജില്ലയിലെ മറ്റെവിടെയെങ്കിലും റിപ്പോര്ട്ട് ചെയ്തിരുന്നോ, ആ കേസിലെ പ്രതികള് ആരാണ് എന്നിവയെല്ലാം പോലീസ് പരിശോധിക്കുന്നുണ്ട്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google