ഗാന്ധിയുടെ വികസന ചിന്തകള് പ്രവര്ത്തികമാക്കിയ ഒരേയൊരു പ്രധാനമന്ത്രി മോദി: കെഎസ് രാധാകൃഷ്ണന്
തൃപ്പൂണിത്തുറ: കോളനികള് കേന്ദ്രീകരിച്ച് പര്യടനം നടത്തിയും കണ്വെന്ഷനില് പങ്കെടുത്തും തൃപ്പൂണിത്തുറ നിയോജകമണ്ഡലം എന്ഡിഎ സ്ഥാനാര്ത്ഥി ഡോ. കെ.എസ്.രാധാകൃഷ്ണന്. വെള്ളിയാഴ്ച രാവിലെ കുന്നറ കോളനിയില് നിന്നാണ് ഡോ. കെ.എസ്.രാധാകൃഷ്ണന്റെ പ്രചാരണം ആരംഭിച്ചത്. വീടുകളില് കയറി വോട്ട് അഭ്യര്ത്ഥിക്കുകയും പ്രശ്നങ്ങള് അദ്ദേഹം നേരിട്ട് മനസ്സിലാക്കുകയും ചെയ്തു. കോളനിയില് മാറ്റം വരേണ്ട ആവശ്യകതയെക്കുറിച്ച് അദ്ദേഹം ജനങ്ങളുമായി സംവദിച്ചു. തുടര്ന്ന് ഉദയംപേരൂര് പ്രദേശങ്ങളിലെ വിവിധ വീടുകളില് അദ്ദേഹം സന്ദര്ശനം നടത്തി.
തുടര്ന്ന് നെട്ടൂര് തെരഞ്ഞെടുപ്പ് കമ്മിറ്റി കാര്യാലയം സന്ദര്ശിച്ചു. പിന്നീട് ചത്താരിയിലെത്തി ഗുരുനാഥനും വഴികാട്ടിയുമായ മഹാരാജാസ് കോളേജ് റിട്ട. പ്രൊഫ. ജോര്ജ്മുളവരിക്കലിനെ വീട്ടിലെത്തി കണ്ട് അനുഗ്രഹം വാങ്ങി. തൃപ്പൂണിത്തുറ മണ്ഡലം ജനറല് സെക്രട്ടറി സാം പുന്നക്കല് ഒപ്പമുണ്ടായിരുന്നു. തൃപ്പൂണിത്തുറയില് നടന്ന ചര്ച്ചാ സദസ്സ് ഡോ കെ.എസ്. രാധാകൃഷ്ണന് ഉദ്ഘടനം ചെയ്തു. ''വികസനം എന്നത് ഗ്രാമങ്ങള്ക്ക് പുറത്താണ് വേണ്ടത്. അവരെയും കൂടി ഉള്പ്പെടുത്തി സാധരണ ജനങ്ങളുടെ ജീവിത നിലവാരം ഉയര്ത്തുന്നവയാവണം. അത് നേരില് കാണിച്ച് തന്നത് എന്ഡിഎ അധികാരത്തില് വന്നപ്പോഴാണ്''. മഹാത്മാ ഗാന്ധി വിഭാവനം ചെയ്ത വികസന ചിന്തകള് പ്രവര്ത്തികമാക്കിയ ഒരേ ഒരു പ്രധാനമന്ത്രിയാണ് നരേന്ദ്ര മോദിയാണെന്ന് അദ്ദേഹം പറഞ്ഞു.
തൃപ്പൂണിത്തുറ നiരസഭാംഗം പി.കെ. പീതാംബരന്, മഹിളാ മോര്ച്ച നേതാവ് അഡ്വ. രമാദേവി തോട്ടുങ്കല്, തൃപ്പൂണിത്തുറ മണ്ഡലം ജനറല് സെക്രട്ടറി സാം പുന്നക്കല് എന്നിവര് പങ്കെടുത്തു. തുടര്ന്ന്ഡോ. കെ.എസ്.രാധാകൃഷ്ണന് നെട്ടൂരിലെ എന്.ഡി.എ. തെരഞ്ഞെടുപ്പ് കണ്വെന്ഷനില് പങ്കെടുത്തു. നെട്ടൂര് ഏരിയ ജനറല് സെക്രട്ടറി സുരേഷ് കുമാര് , എസ്.സി. മോര്ച്ച സംസ്ഥാന സെക്രട്ടറി ടി.കെ. ബാബു തണ്ടാശ്ശേരി, ബി.ഡി.ജെ.എസ.് മണ്ഡലം പ്രസിഡന്റ് ടി.കെ .ദിലീപ്, സംസ്ഥാന സമിതി അംഗം കെ.കെ. മേഘനാഥന് എന്നിവര് പങ്കെടുത്തു. കുണ്ടന്നൂരില് നിന്നും നെട്ടൂരിലേക്ക് പ്രൗഢഗംഭീരമായ ബൈക്ക് റാലിയുടെ അകമ്പടിയോടെ ഡോ. കെ.എസ്.രാധാകൃഷ്ണന് നെട്ടൂരിലേക്ക് എത്തിയത്.