കുടിവെള്ളമില്ല; വോട്ട് ബഹിഷ്കരിച്ച് ദേവഗിരി ലക്ഷം കോളനി നിവാസികള്
എറണാകുളം: അങ്കമാലി തുറവൂര് പഞ്ചായത്ത് ദേവഗരി ലക്ഷം കോളനിയില് കുടിവെള്ള ക്ഷാമം രൂക്ഷമാണ്. അധികൃതരുടെ അനാസ്ഥയില് പ്രതിഷേധിച്ച് തദ്ദേശ തിരഞ്ഞെടുപ്പില് വോട്ട് ബഹിഷ്കരിക്കനൊരുങ്ങുകയാണ് ദേവഗിരി ലക്ഷം കോളനി നിവാസികള്. കുടിവെള്ള ക്ഷാമത്തെ തുടര്ന്ന് പ്രധമിക കാര്യങ്ങള് പോലും നിറവേറ്റാന് കഴിയാത്ത അവസ്ഥയിലാണ് കോളനി നിവാസികള് ഉള്ളത്.
തുറവൂര് പഞ്ചായത്തിലെ രണ്ടാം വാര്ഡിലാണ് ദേവഗിരി ലക്ഷം കോളനി സ്ഥിതി ചെയ്യുന്നത്. കുടിവെള്ള പദ്ധതി വഴിയാണ് കോളനിയിലേക്ക് വെള്ളം എത്തിച്ചിരുന്നത്. പദ്ധതി അവതാളത്തിലായതോടെ ഇവിടെയുള്ള 18 കുടുംബങ്ങള്ക്ക് വെള്ളം ലഭ്യമല്ലാത്ത അവസ്ഥയാണുള്ളത്. തുറവൂര് പഞ്ചായത്തിലും മറ്റ് അധികൃതര്ക്കും ഇത് സംബന്ധിച്ച് പരാതി നല്കിയെങ്കിലും യാതൊരു നടപടിയും സ്വീകരിക്കാന് തയാറായില്ല എന്നാമ് കോളനി നിവാസികള് പറയുന്നത്. ഇതില് പ്രദിഷേധിച്ചാണ് നിവസികള് വോട്ട് ബഹിഷ്കരിക്കാന് തീരുമാനിച്ചത്.