ശാന്തി വനം വിഷയം; കെഎസ്ഇബിക്കെതിരെ ഹൈക്കോടതിയില് അപ്പീല് നല്കുമെന്ന് സമരസമിതി, എംഎം മണിയെ തടയില്ല, സ്വാഗതം ചെയ്യും!!
കൊച്ചി: വന് പരിസ്ഥിതി നാശത്തിന് വഴിയൊരുക്കി ശാന്തിവനത്തിലൂടെ വൈദ്യുതി ടവര് ലൈന് വലിച്ച കെഎസ്ഇബി നടപടിക്കെതിരെ ഹൈക്കോടതിയില് അപ്പീല് നല്കുമെന്ന് സമരസമിതി. ഹൈക്കോടതിയിലെ ഹര്ജി പിന്വലിച്ചുവെന്നത് തെറ്റായ പ്രചരണമാണ്. കോടതിയുടെ നിര്ദേശപ്രകാരം റിട്ട് പെറ്റീഷനാണ് പിന്വലിച്ചതെന്നും നീതീ ല'ിക്കും വരെ നിയമ പോരാട്ടം തുടരുമെന്നും സമര സമിതി ഔദ്യോഗിക ഫേസ്ബുക്ക് പേജില് വ്യക്തമാക്കി.
അതേസമയം മന്ത്രി എം.എം മണിയും കെഎസ്ഇബി ചെയര്മാന് എന്.എസ് പിള്ളയും ശാന്തിവനം സന്ദര്ശിക്കുമെന്ന വാര്ത്തയെയും സമര സമിതി സ്വാഗതം ചെയ്തു. മന്ത്രിക്ക് ഇനിയും ഇടപെടാന് കഴിയുമെന്നാണ് സമരസമിതിയുടെ നിലപാട്. മന്ത്രി വന്നാല് ആരും തടയില്ല. വൈകിയാണ് അറിഞ്ഞതെന്നാണ് മന്ത്രി പ്രതികരിച്ചത്. വൈകിയാണെങ്കിലും വരാമല്ലോ. ഔദ്യോഗിക രീതിയില് തന്നെ മന്ത്രിക്ക് പരാതി നല്കിയിരുന്നതാണ്.
അനീതി അനീതി തന്നെയാണ്. വൈകിയാണെങ്കിലും തിരുത്താവുന്നതാണ്. പ്രതിഷേധമില്ല. സന്തോഷം മാത്രം-സമര സമിതി നേതാക്കള് പറഞ്ഞു. ശാന്തിവനത്തിലൂടെ വൈദ്യുതി ലൈന് വലിക്കുന്നതിനെതിരെ ഇടതു സഹയാത്രികരില് നിന്ന് ഉള്പ്പെടെ വിമര്ശനം ഉയര്ന്നപ്പോഴും പദ്ധതിയുമായി മുന്നോട്ട് പോകുമെന്ന നിലപാടാണ് മന്ത്രി എം.എം സ്വീകരിച്ചത്.
ഇരുപത് വര്ഷമായി നടപ്പാക്കാന് ശ്രമിക്കുന്ന പദ്ധതി അവസാന ഘട്ടത്തില് ഉപേക്ഷിക്കാന് കഴിയില്ലെന്നായിരുന്നു മന്ത്രിയുടെ വാദം. നാല്പതിനായിരം കുടുംബങ്ങള്ക്ക് പ്രയോജനം ല'ിക്കുന്ന പദ്ധതിയില് വ്യക്തികളുടെ നാശം പരിഗണിക്കാന് കഴിയില്ലെന്നും മന്ത്രി പറഞ്ഞിരുന്നു. ഇപ്പോള് ശാന്തിവനത്തിലൂടെയുള്ള നിര്മാണം പൂര്ത്തിയായ സാഹചര്യത്തിലാണ് സ്ഥലം സന്ദര്ശിച്ച് വിലയിരുത്താന് മന്ത്രി തയ്യാറായിരിക്കുന്നത്. കഴിഞ്ഞ ദിവസമാണ് കനത്ത പൊലീസ് കാവലില് വൈദ്യുതി ലൈന് വലിക്കുന്ന ജോലികള് കെഎസ്ഇബി പൂര്ത്തിയാക്കിയത്. 22.5 മീറ്റര് ഉയരത്തില് ഏഴ് ലൈനാണ് വലിച്ചത്.
അതേസമയം ശാന്തിവനം സമരം പുറത്തേക്ക് വ്യാപിപ്പിക്കുവാനാണ് സമരസമിതിയുടെ തീരുമാനം. നിയമ നിര്മാണത്തിനാവശ്യമായ ബോധവത്കരണ പരിപാടികള് കൂടി സംഘടിപ്പിക്കും. പ്രകൃതിയെ നശിപ്പിച്ച് വികസന പ്രവര്ത്തനങ്ങള് നടത്തുന്നത് തടയാന് ഫലപ്രദമായ നിയമങ്ങളില്ലെന്ന് ബോധ്യമായത് ശാന്തിവനം കേസിലാണെന്ന് സമരസമിതി പ്രവര്ത്തകര് പറയുന്നു. ശാന്തിവനത്തിലൂടെ ടവര് നിര്മിക്കുന്നതിനെതിരെ വലിയ സമരം നടന്നിട്ടും സര്ക്കാര് ഇടപെട്ടില്ലെന്നും ഇവര് വിമര്ശിക്കുന്നു.
ഹൈക്കോടതിക്ക് മുന്നില് അടുത്ത ദിവസം സമരം നടത്തും. ക്യാമ്പസുകള് കേന്ദ്രീകരിച്ച് യോഗങ്ങള് നടത്തും. പരിസ്ഥിതി പ്രശ്നങ്ങളില് ഇടപെടുന്നവരെ സഹായിക്കുന്നതിനായി ശാന്തിവനം സമര സമിതിയുടെ നേതൃത്വത്തില് ഹെല്പ് ലൈനുണ്ടാക്കും. വിദഗ്ധരുടെ പാനല് ഇതിനായി തയ്യാറാക്കുന്നുണ്ടെന്നും സമരസമിതി അറിയിച്ചു. പരിസ്ഥിതി പ്രശ്നങ്ങളില് കോടതിയെ ബോധ്യപ്പെടുത്തി നീതി നേടിയെടുക്കുകയാണ് ഏക പോംവഴി.
അതിനുള്ള സംവിധാനങ്ങള് ഉണ്ടാക്കാനാണ് സമരസമിതിയുടെ ഭാവി പദ്ധതി. എറണാകുളം ജില്ലയിലെ വടക്കന് പറവൂര് താലൂക്കിലാണ് രണ്ട് ഏക്കറോളം വിസ്തൃതിയുള്ള ശാന്തിവനം. മുപ്പത് വര്ഷമായി സംരക്ഷിച്ച് പോരുന്ന ശാന്തിവനത്തിലൂടെ കെ എസ് ഇ ബി 110 കെവി ലൈന് വലിക്കുന്നതിനെതിരെയാണ് ഉടമ മീന മേനോന്റെ നേതൃത്വത്തില് സമരവും നിയമ പോരാട്ടവും നടത്തുന്നത്.
-
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം -
ഇറാന്റെ പുതിയ പരമോന്നത നേതാവായി മൊജ്തബ ഖാംനഇ അധികാരമേറ്റു; ഉറ്റുനോക്കി ലോകം
Click it and Unblock the Notifications
Sign in with Google