Click it and Unblock the Notifications
Just In
Don't Miss
-
പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും -
ദീപികയും രണ്വീറും ഒന്നിച്ചതിന് ഞാനും ഒരു കാരണമാണ്; വിധി എന്നൊന്നുണ്ട്; കരീന കപൂര് പറയുന്നു -
IPL 2024: ധോണി തകര്ത്തടിക്കുന്നു, എന്നിട്ടും കളിക്കുന്നത് 8ാം നമ്പറില്! കാരണം ഫ്ളമിങ് പറയുന്നു -
ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം -
നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ -
കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..? -
ബാംഗ്ലൂരിലെ ഐടി ടെക്ക് പാർക്കുകൾ! പോകാന്‍ പറ്റില്ലെങ്കിലും അറിഞ്ഞിരിക്കാം
ആ അപകടം സാജനെ തളര്‍ത്തി; കൈവിട്ടില്ല; ജീവന്റ ജീവനെ തോളിലേറ്റി സോമായ നടക്കുന്നു
പെരുമ്പാവൂര്‍: ഭര്‍ത്താവിനെ തോളിലേറ്റി നടക്കുന്ന സോമായയുടെ കഥ കേട്ടാല്‍ നമ്മള്‍ എല്ലാവരും അത്ഭുതപ്പെടും. പുറത്തു തളര്‍ന്നു കിടക്കുന്ന സാജന് പരിയാറാണ് ഇവരുടെ ഭര്‍ത്താവ്. രണ്ട് പേരും നേപ്പാള്‍ സ്വദേശികളാണ്. വൃക്ക രോഗവും പാതി തളര്‍ന്നതും സാജനെ ഒരുപാട് ബുദ്ധിമുട്ടിക്കുന്നു. എന്നാല്‍ സാജനോടൊപ്പം ഇന്നും കൂട്ടായി സോമായയുണ്ട്.
ആലപ്രയിലെ ലേബര്‍ ക്വാര്‍ട്ടേഴ്‌സില്‍ താമസിക്കുന്ന മുക ദമ്പതികളുടെ അവസ്ഥ കണ്ട് ഇവരെ കോതമംഗലം പീസ് വാലി ഏറ്റെടുക്കുകയായിരുന്നു. രണ്ട് പേരും മാതാപിതാക്കളോടൊപ്പം ചെന്നൈയിലായിരുന്നു താമസിച്ചിരുന്നത്. രണ്ട് പേരും കളിക്കൂട്ടുകാരായിരുന്നു. സൗഹൃദം പ്രണയമായതോടെ നാല് വര്‍ഷം മുമ്പ് വിവാഹതിരകാന്‍ തീരുമാനിച്ചു.
വിവാഹം ഉറപ്പിച്ച നാളുകളിലായിരുന്നു സാജന് അപകടം സംഭവിച്ചത്. ഫുട്‌ബോള് കളിക്കിടെ വീണ് പരിക്കേറ്റ് അരയ്ക്ക് താഴോട്ട് തളരുകയായിരുന്നു. എന്നിരുന്നാലും സോമായ സാജനെ കൈവിട്ടില്ല. വീട്ടുകാര്‍ എതിര്‍ത്തെങ്കിലും ഇവര്‍ വിവാഹിതരായി. എന്നാല്‍ ഇതോടെ വീട്ടുകാരുടെ സഹായം ഇവര്‍ക്ക് നഷ്ടമായി.
ശുചീകരണ തൊഴിലും സുഹൃത്തുക്കളുടെ സഹായം കൊണ്ടുമൊക്കെയാണ് ഇവര്‍ ജീവിതം മുന്നോട്ടുനയിച്ചത്. എന്നാല്‍ പെട്ടെന്ന് വന്ന കൊവിഡ് ഇവര്‍ക്ക് തിരിച്ചടിയായി. ഇതോടെ ഇവരുടെ ജീവിതം കേരളത്തിലേക്ക് പറിച്ചുനട്ടു. കേരളത്തില്‍ ശുചീകരണ തൊഴിലൊക്കെ ചെയ്ത് ജീവിതം മുന്നോട്ടു പോകുന്നതിനിടെയാണ് സാജന് വൃക്ക രോഗം സ്ഥിരീകരിച്ചത്. ആഴ്ചയില്‍ മൂന്ന് ഡയാലിസിസ് ചെയ്യേണ്ടി വന്നതോടെ സോമായയ്ക്ക് ജോലിക്ക് പോകാന്‍ പറ്റാത്ത അവസ്ഥയായി.
ആശുപത്രിയിലേക്ക് മറ്റുമായി സാജനെ ചുമന്നുകൊണ്ടു പോകുന്നത് സോമായയാണ്. സംസാര പരിമിതിയുള്ളവരുടെ സംഘടനയിലെ സുഹൃത്തുക്കള്‍ നല്‍കുന്ന സഹായം കൊണ്ടാണ് ഇവര്‍ ജീവിതം മുന്നോട്ടു നയിക്കുന്നത്. കഴിഞ്ഞ പത്ത് ദിവസമായി ഡയാലിസിസ് ചെയ്യാത്തതിനെ തുടര്‍ന്ന് ജീവന്‍ അപകടത്തിലായ നിലയിലായിരുന്നു ഇദ്ദേഹം.
തുടര്‍ന്നാണ് കോതമംഗലത്തെ പീസ് വാലി ഫൗണ്ടേഷന്‍ ഇവരെ കുറിച്ച് അറിയുന്നത്. സാജനെ ഉടന്‍ തന്നെ പീസ് വാലിയില്‍ പ്രവേശിപ്പിച്ച് ഡയാലിസിസ് ആരംഭിച്ച് അപകടനില തരണം ചെയ്തു. അതേസമയം, നേപ്പാള്‍ സ്വദേശികളായിട്ടും ആധാര്‍ കാര്‍ഡ് അടക്കമുള്ള രേഖകള്‍ ഇവരുടെ കൈവശം ഉണ്ട്. എന്നാല്‍ സംസ്ഥാന സര്‍ക്കാരിന്റെ കാരുണ്യ അടക്കമുള്ള പദ്ധതികളില്‍ സാജന് ചികിത്സാ സഹായം ലഭിക്കാന്‍ ജില്ലാ ഭരണകൂടം ഇടപെടണമെന്ന് ഫൗണ്ടേഷന്‍ ഭാരവാഹികള്‍ ആവശ്യപ്പെട്ടു.
