Click it and Unblock the Notifications
Just In
-
-
-
Don't Miss
-
IPL 2024: 14ന് 4, പിന്നെ അഷുതോഷ് ഷോ; മുംബൈ ജയിച്ചത് എങ്ങനെ? പിന്നില് ബുംറയുടെ തന്ത്രം -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മോദി ഹിറ്റ്‌ലര്‍: ചിരഞ്ജീവിക്ക് ചീമുട്ടയേറ്
ഹൈദരാബാദ്: ഗുജറാത്ത് മുഖ്യമന്ത്രിയും ബി ജെ പിയുടെ പ്രധാനമന്ത്രി സ്ഥാനാര്‍ഥിയുമായ നരേന്ദ്ര മോദിയെ ഹിറ്റ്‌ലറെന്ന് വിളിച്ച കേന്ദ്രമന്ത്രി ചിരഞ്ജീവിക്ക് നേരെ ചീമുട്ടയേറ്. മച്ചിലിപ്പട്ടണത്തെ കൊനേരു സെന്ററില്‍ ചിരഞ്ജീവിയുടെ തിരഞ്ഞെടുപ്പ് പ്രസംഗം ഈ സംഭവത്തെ തുടര്‍ന്ന് തടസ്സപ്പെട്ടു. ആന്ധ്രപ്രദേശിലെ കോണ്‍ഗ്രസ് തിരഞ്ഞെടുപ്പ് കമ്മിറ്റി തലവനും കൂടിയാണ് സൂപ്പര്‍ സ്റ്റാര്‍ ചിരഞ്ജീവി.
വെള്ളിയാഴ്ച നടന്ന തിരഞ്ഞെടുപ്പ് യോഗത്തില്‍ ചിരഞ്ജീവി നരേന്ദ്ര മോദിയെ സ്വേച്ഛാധിപതി എന്നും ഹിറ്റ്‌ലര്‍ എന്നും വിശേഷിപ്പിച്ചതാണ് പ്രകോപനത്തിന് കാരണമായത്. മോദി ഒരു സ്വേച്ഛാധിപതിയാണ്. ഹിറ്റ്‌ലറെ പോലെ. ബി ജെ പിയിലെ മുതിര്‍ന്ന നേതാക്കളെ മൂലയ്ക്കാക്കിയാണ് മോദി വളരുന്നത്. മുന്‍ പ്രധാനമന്ത്രി വാജ്‌പേയ്, എല്‍ കെ അദ്വാനി തുടങ്ങിയവര്‍ ഇങ്ങനെ ഒതുക്കപ്പെട്ടവരാണ്.
ബി ജെ പി വര്‍ഗീയ പാര്‍ട്ടിയാണ്. വൈ എസ് ആര്‍ കോണ്‍ഗ്രസ് ക്രിമിനലുകളെ വളര്‍ത്തുന്ന പാര്‍ട്ടിയാണ്. മുന്‍ ആന്ധ്ര മുഖ്യമന്ത്രി ജഗന്‍ മോഹന്‍ റെഡ്ഡിയുടെ വൈ എസ് ആര്‍ കോണ്‍ഗ്രസ് പാര്‍ട്ടിയെയും ചിരഞ്ജീവി വെറുതെ വിട്ടില്ല. കോണ്‍ഗ്രസിനെ ഇല്ലാതാക്കാന്‍ ആര്‍ക്കും കഴിയില്ല. ബി ജെ പി - ടി ഡി പി സഖ്യം വിചാരിച്ചാലൊന്നും ആന്ധ്രയില്‍ കോണ്‍ഗ്രസിനെ തകര്‍ക്കാനാവില്ല.
മോദിക്കെതിരെ ചിരഞ്ജീവിയുടെ പരാമര്‍ശം വന്നതിന് തൊട്ടുപിന്നാലെയാണ് ബി ജെ പി പ്രവര്‍ത്തകരെന്ന് സംശയിക്കുന്ന ചിലര്‍ താരത്തിന് നേരെ ചീമുട്ട വലിച്ചെറിഞ്ഞത്. തുടര്‍ന്ന് കുറനേരം പരിപാടി തടസ്സപ്പെട്ടു. ചിരഞ്ജീവിയെ ആക്രമിച്ച കേസില്‍ രണ്ടുപേരെ പോലീസ് അറസ്റ്റ് ചെയ്തു. ഏപ്രില്‍ 30, മെയ് ഏഴ് എന്നിങ്ങനെ രണ്ട് ഘട്ടങ്ങളിലായാണ് ആന്ധ്രയില്‍ വോട്ടെടുപ്പ്.
