കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അശ്ലീല പോസ്റ്റര്‍: നായകനെതിരെ കേസ്

Google Oneindia Malayalam News

ഹൈദരാബാദ്: സിനിമാ പോസ്റ്ററില്‍ അശ്ലീലം അധികമായി എന്ന പരാതിയെത്തുടര്‍ന്ന് തെലുങ്ക് നായകനെതിരെ കേസെടുത്തു. തെലുങ്ക് സൂപ്പര്‍താരവും കേന്ദ്രമന്ത്രിയുമായ ചിരഞ്ജീവിയുടെ മകനായ രാം ചരണിനെതിരെയാണ് ഹൈദരാബാദ് പോലീസ് കേസെടുത്തത്. രാം ചരണിനൊപ്പം ചിത്രവുമായി ബന്ധപ്പെട്ട മറ്റ് ഒന്‍പത് പേര്‍ക്കെതിരെയും പോലീസ് കേസെടുത്തിട്ടുണ്ട്.

രാം ചരണിന്റെ ഏറ്റവും പുതിയ റിലീസായ യേവാഡുവിന്റെ പോസ്റ്ററില്‍ അശ്ലീല രംഗങ്ങളുണ്ട് എന്ന് കാണിച്ച് കെ നാഗേന്ദ്രപ്രസാദ് എന്നയാള്‍ നല്‍കിയ പരാതിയിലാണ് കേസ്. ജനുവരി 12 ന് പുറത്തിറങ്ങിയ ചിത്രം തീയറ്ററുകളില്‍ മികച്ച അഭിപ്രായം നേടുന്നുണ്ട്. ദില്‍ രാജു നിര്‍മിച്ച യേവാഡു സംവിധാനം ചെയ്തിരിക്കുന്നത് വംശി പൈടിപ്പള്ളിയാണ്.

ram-charan-teja

ശ്രുതി ഹാസന്‍, എമി ജാക്‌സന്‍ എന്നിവരാണ് യേവാഡുവിലെ നായികമാര്‍. അല്ലു അര്‍ജുന്‍, കാജല്‍ അഗര്‍വാള്‍ എന്നീ സൂപ്പര്‍താരങ്ങളും ചിത്രത്തില്‍ പ്രത്യക്ഷപ്പെടുന്നുണ്ട്. യാര്‍ ഇവന്‍ എന്ന പേരില്‍ ചിത്രം തമിഴില്‍ റീമേക്ക് ചെയ്തിട്ടുണ്ട്. മലയാളത്തിലും നിരവധി ആരാധകരുള്ള യുവനായകനാണ് രാം ചരണ്‍ തേജ.

ആന്ധ്രപ്രദേശിലെ കുര്‍ണൂലില്‍ പതിച്ചിട്ടുള്ള യേവാഡുവിന്റെ പോസ്റ്റര്‍ അശ്ലീലം നിറഞ്ഞതാണ് എന്നാണ് പരാതിക്കാരന്‍ പറയുന്നത്. രാം ചരണ്‍ തേജയ്‌ക്കൊപ്പം സംവിധായകന്‍ വംശി പൈഡിപ്പള്ളി, നിര്‍മാതാവ് ദില്‍ രാജു എന്നിവര്‍ക്കെതിരെയും കേസെടുത്തിട്ടുണ്ട്. സ്ത്രീകളെ അധിക്ഷേപിക്കുന്ന തരത്തില്‍ പ്രദര്‍ശിപ്പിച്ചു എന്ന കുറ്റം ചുമത്തിയാണ് ഇവര്‍ക്കെതിരെ കേസെടുത്തിരിക്കുന്നത്.

English summary
A case has been registered against Telugu actor Ram Charan Teja on charge of alleged obscenity in film posters.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X