ഇടുക്കിയില് കരുത്ത് തെളിയിക്കാന് എഡിഎംകെയും; ഗോദയില് 66 സ്ഥാനാര്ഥികള്, മൂന്നാര് ലക്ഷ്യം
തൊടുപുഴ: ഇടുക്കി ജില്ലയിലെ തോട്ടം മേഖലയില് ശക്തമായ സാന്നിധ്യം അറിയിക്കാന് എഐഎഡിഎംകെ രംഗത്ത്. ദേവികുളം, പീരുമേട് മണ്ഡലങ്ങളിലെ ത്രിതല പഞ്ചായത്ത് വാര്ഡുകളിലേക്ക് പാര്ട്ടിയുടെ സ്ഥാനാര്ഥികള് മല്സരിക്കുന്നു. 66 സ്ഥാനാര്ഥികളെയാണ് എഡിഎംകെ കളത്തിലിറക്കിയിരിക്കുന്നത്.
മൂന്നാര്, ദേവികളും, മറയൂര് ഉള്പ്പെടെയുള്ള പഞ്ചായത്തുകളില് 52 വാര്ഡുകളില് പാര്ട്ടി മല്സരിക്കുന്നു. എഴ് ബ്ലോക്ക് പഞ്ചായത്ത് ഡിവിഷനിലും ഒരു ജില്ലാ പഞ്ചായത്ത് ഡിവിഷനിലും മല്സരിക്കുന്നതിന് പുറമെ പീരുമേട് താലൂക്കില് ആറ് വാര്ഡുകളിലും എഐഎഡിഎംകെ സ്ഥാനാര്ഥികള് മല്സര രംഗത്തുണ്ട്.
മൂന്നാറിലാണ് എഐഎഡിഎംകെയ്ക്ക് ഏറെ പ്രതീക്ഷ. കഴിഞ്ഞ തിരഞ്ഞെടുപ്പില് മൂന്നാറില് മൂന്ന് വാര്ഡുകളില് മല്സരിച്ചിരുന്നു. രണ്ട് വാര്ഡുകളില് ജയിക്കുകയും ചെയ്തു. നിയമസഭാ തിരഞ്ഞെടുപ്പില് പീരുമേട്, ദേവികളും മണ്ഡലങ്ങൡും മല്സരിച്ചു. ദേവികുളത്ത് 12000ത്തോളം വേട്ടുകള് നേടുകയും ചെയ്തു. ഇത്തവണ തദ്ദേശ തിരഞ്ഞെടുപ്പില് ദേവികുളം മണ്ഡലത്തിലാണ് കൂടുതല് സ്ഥാനാര്ഥികളെ മല്സരിപ്പിക്കുന്നത്. മൂന്നാറില് കൂടുതല് സീറ്റുകള് നേടാനാകുമെന്ന പ്രതീക്ഷയിലാണ് പാര്ട്ടി.
Click it and Unblock the Notifications
Sign in with Google