സബ് കളക്ടറെ അധിക്ഷേപിച്ച സംഭവം: എസ് രാജേന്ദ്രന് പരസ്യ ശാസ,മന്ത്രി നടത്തിയത് സര്‍ക്കാര്‍ വിരുദ്ധനയം!

By Desk

Updated: Friday, February 15, 2019, 13:04 [IST]

മൂന്നാര്‍: ദേവികുളം എം എല്‍ എ എസ് രാജേന്ദ്രന് പരസ്യ ശാസനം. . ദേവികുളം സബ്കളക്ടര്‍ രേണു രാജിനെ പൊതുജനമധ്യത്തില്‍ അഭമാനിച്ച സംഭവത്തിലാണ് പാര്‍ട്ടി നടപടി. കോണ്‍ഗ്രസ് ഭരിക്കുന്ന മൂന്നാര്‍ പഞ്ചായത്തിന്റെ നിയമവിരുദ്ധ നിര്‍മ്മാണങ്ങള്‍ക്കെതിരെ റവന്യൂ വകുപ്പ് നടപടി സ്വീകരിച്ചപ്പോള്‍ രാജേന്ദ്രന്‍ സര്‍ക്കാര്‍ വിരുദ്ധ സമീപനമാണ് സ്വീകരിച്ചത്.

തിരഞ്ഞെടുപ്പു വരുന്ന സമയത്ത് രാജന്ദ്രന്‍ വിവാദങ്ങള്‍ ഉണ്ടാക്കിയതും പാര്‍ട്ടിയില്‍ പലവിധത്തിലുള്ള എതിര്‍പ്പ് സൃഷിടിച്ചിട്ടുണ്ട്. ജില്ലാകമ്മറ്റിയില്‍ രാജേന്ദ്രന്‍ കടുത്ത വിമര്‍ശനമാണ് നേരിടേണ്ടി വന്നത്. മൂന്നാര്‍, മറയൂര്‍ എന്നിവടങ്ങളിലെ കമ്മറ്റി അംഗങ്ങള്‍ രാജേന്ദ്രനെ പിന്തുണച്ചിരുന്നെങ്കിലും മറ്റിടങ്ങളിലെ അംഗങ്ങള്‍ രാജേന്ദ്രനെ രൂക്ഷമായി വിമര്‍ശിച്ചു. ഈ വിഷയത്തില്‍ ഇനി പരസ്യ പ്രതികരണങ്ങള്‍ നടത്തെരുതെന്നും ജില്ലാനേതൃത്വം രാജേന്ദ്രനോട് ആവശ്യപ്പെട്ടിട്ടുണ്ട്.അതേ സമയം റവന്യൂ നടപടികളെ ശരിവെച്ച് മൂന്നാറില്‍ പഞ്ചായത്ത് നടത്തുന്ന വിവാദ കെട്ടിട നിര്‍മ്മാണത്തിന് ഹൈകോടതി സ്‌റ്റേ നല്‍കുകയും ചെയ്തിട്ടുണ്ട്.