Click it and Unblock the Notifications
Just In
Don't Miss
-
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും -
സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
പ്രളയം: പുനര്‍ നിര്‍മ്മാണത്തില്‍ പങ്കുചേര്‍ന്ന് അടിമാലി റോട്ടറി ക്ലബ്ബും, 25 വീടുകള്‍ നിര്‍മ്മിക്കും
അടിമാലി: പ്രളയക്കെടുതിയില്‍ വീട് നഷ്ടപ്പെട്ടവര്‍ക്ക് കൈതാങ്ങായി റോട്ടറി ക്ലബ്ബ്.റോട്ടറി ക്ലബ്ബ് കൊച്ചി മിഡ് ടൗണിന്റെയും ഗ്രാമപഞ്ചായത്തിന്റെയും സഹകരണത്തോടെ പ്രളയത്തില്‍ കിടപ്പാടം നഷ്ടമായവര്‍ക്ക് വീടൊരുക്കുന്ന ഡില്‍സെ പദ്ധതിക്ക് തുടക്കമായി.സംസ്ഥാനത്താദ്യമായാണ് റോട്ടറി ക്ലബ്ബ് ഇന്റര്‍നാഷണല്‍ ഡില്‍സെ പോലൊരു പദ്ധതി നടപ്പിലാക്കുന്നത്.
അടിമാലി,വെള്ളത്തൂവല്‍ മേഖലകളില്‍ പ്രളയക്കെടുതിയില്‍ വീട് നഷ്ടപ്പെട്ടവര്‍ക്ക് വീടൊരുക്കുകയാണ് പദ്ധതിയുടെ ലക്ഷ്യം.അടിമാലി ഗ്രാമപഞ്ചായത്ത് ഹാളില്‍ നടന്ന പദ്ധതിയുടെ ഉദ്ഘാടനം ഈസ്റ്റേണ്‍ ഗ്രൂപ്പ് ചെയര്‍മാന്‍ നവാസ് മീരാന്‍ നിര്‍വഹിച്ചു. കക്ഷിരാഷ്ട്രീയത്തിനതീതമായി പദ്ധതി വിജയത്തിലെത്തിക്കാന്‍ സാധിക്കണമെന്ന് നവാസ് മീരാന്‍ പറഞ്ഞു.
അടിമാലി ഗ്രാമപഞ്ചായത്തില്‍ 15 വീടുകളും വെള്ളത്തൂവല്‍ ഗ്രാമപഞ്ചായത്തില്‍ 10 വീടുകളുമാണ് പദ്ധതിയിലൂടെ നിര്‍മ്മിച്ച് നല്‍കുന്നത്. ചുറ്റുമതില്‍ ഉള്‍പ്പെടെ ഓരോ വീടിന്റെയും നിര്‍മ്മാണത്തിനായി 5 ലക്ഷത്തോളം രൂപ ചിലവഴിക്കും.ഭവന നിര്‍മ്മാണം പൂര്‍ത്തീകരിച്ച ശേഷം പഞ്ചായത്ത് കണ്ടെത്തി നല്‍കുന്ന അര്‍ഹരായ ഉപഭോക്താക്കള്‍ക്ക് സംഘടന വീട് കൈമാറും.
അടിമാലിയിലെ പഞ്ചായത്തിലെ വീടുകള്‍ മുടിപ്പാറച്ചാലിലും വെള്ളത്തൂവല്‍ പഞ്ചായത്തിലെ വീടുകള്‍ കൂമ്പന്‍പാറയിലുമാണ് നിര്‍മ്മിക്കുന്നത്.അടിമാലിയില്‍ നടന്ന ഉദ്ഘാടന സമ്മേളനത്തില്‍ ഡില്‍സെ പദ്ധതി ചെയര്‍മാന്‍ അനില്‍ വര്‍മ്മ,റോട്ടറി മിഡ് ടൗണ്‍ പ്രസിഡന്റ് ജോസ്, അടിമാലി റോട്ടറി ക്ലബ്ബ് സെക്രട്ടറി സദാശിവന്‍ എടപ്പാട്ട്,ഗ്രാമപഞ്ചായത്ത് സെക്രട്ടറി കെഎന്‍ സഹജന്‍ തുടങ്ങിയവര്‍ സംസാരിച്ചു.
ലോക്സഭ തിരഞ്ഞെടുപ്പ് 2019: വൺ ഇന്ത്യ ഇലക്ഷൻ സ്പെഷൽ പേജ് കാണൂ
