കാലാവസ്ഥാ വ്യതിയാനം: ഇടുക്കിയിൽ പകർച്ചപ്പനി ബാധിതർ നിരവധി: റിപ്പോർട്ട് ഇങ്ങനെ

Updated: Friday, January 7, 2022, 15:39 [IST]

ഇടുക്കി: ജില്ലയിൽ പകർച്ചപ്പനിയുടെ എണ്ണത്തിൽ വർധനവ്. കാലാവസ്ഥ വ്യതിയാനത്തിന്റ ഭാഗമായാണ് ജില്ലയിൽ പകർച്ചപ്പനി പിടിപെടുന്നവരുടെ എണ്ണം ഉയരുന്നത്. ഓരോ ദിവസവും കേസുകളുടെ എണ്ണത്തിൽ വർധവ് പ്രകടമാണെന്ന് റിപ്പോർട്ടുകൾ കാണിക്കുന്നു.

അതേ സമയം, ജില്ലയിൽ 12,196 പേർക്ക് പകർച്ചപ്പനി ബാധിച്ചതായി കണക്കുകൾ പറയുന്നു. മൂന്ന് മാസത്തിനിടെ ഉളള കണക്കാണിത്.

റിപ്പോർട്ട് പ്രകാരം ജില്ലയിൽ പകർച്ചപ്പനി കണക്കുകൾ ഇങ്ങനെ ;-

ഒക്ടോബറിൽ 3663 പേർക്ക് പകർച്ചപനി.

നവംബറിൽ ഇത് 3945 പേർക്ക് രേഖപ്പെടുത്തി.

ഡിസംബറിൽ 4373 പേർക്ക്.

ജനുവരി അഞ്ച് വരെ 215 പേർക്ക്.

എന്നാൽ, സെപ്റ്റംബറിൽ 4000 പേർക്ക് പനി റിപ്പോർട്ട് ചെയ്തു. എന്നാലും തുടർന്നുള്ള രണ്ടു മാസങ്ങളിൽ രോഗികളുടെ എണ്ണം കുറഞ്ഞിരുന്നു. എന്നാൽ, ഡിസംബറിൽ ജില്ലയിൽ രോഗികൾ പിന്നെയും ഉയർന്നിരുന്നു. വായുവിലൂടെ പകരുന്ന വൈറൽ പനിയുടെ പ്രധാന ലക്ഷണങ്ങൾ തൊണ്ടവേദന, മൂക്കൊലിപ്പ്, തുമ്മൽ, മൂക്കടപ്പ്, തലവേദന, ക്ഷീണം തുടങ്ങിയവയാണ്.

എന്നാൽ, എല്ലാ വർഷവും ഇതേ സീസണിൽ കാണപ്പെടുന്ന തോതിലേ പകർച്ച പനി ഇപ്പോഴും വ്യാപിക്കുന്നുള്ളൂ എന്നും ആശങ്കപ്പെടേണ്ട സാഹചര്യം ഇല്ലെന്നും ആണ് ആരോഗ്യ വകുപ്പ് അധികൃതർ പറയുന്നത്. ജില്ലയിൽ അതി രാവിലെ നല്ല തണുപ്പും ഉച്ച സമയങ്ങളിൽ കടുത്ത ചൂടും അനുഭവപ്പെടുന്നുണ്ട്. ഇത് നിലവിലെ കാലാവസ്ഥയുടെ ഭാഗമായാണ്. എന്നാൽ, ഇതിലൂടെ കൂടുതൽ പേർക്ക് പനി ബാധിക്കുന്നതെന്ന് ആരോഗ്യവകുപ്പ് അധികൃതർ വ്യക്തമാക്കുന്നു.

കുട്ടികൾ മുതൽ വയോധികർക്ക് വരെ എല്ലാ പ്രായക്കാർക്കും പനി ബാധിക്കുന്നുണ്ട് ഇവിടെ. ആസ്ത്മ രോഗികളിൽ വൈറൽ പനി കൂടുതൽ തീവ്രമാകാറുണ്ട്. വൈറൽ പനിയെ പ്രതിരോധിക്കാൻ ചികിത്സക്കൊപ്പം മതിയായ വിശ്രമവും ആവശ്യമാണെന്ന് വിദദ്ധർ പറയുന്നു.

അതേസമയം, ജില്ലയിൽ കോവിഡ്, ഒമൈക്രോൺ ആശങ്കയും നിലനിൽക്കുകയാണ്. ജില്ലയില്‍ ബുധനാഴ്ച 170 പേര്‍ക്കുകൂടി കോവിഡ് സ്ഥിരീകരിച്ചിരുന്നു. 7.24 ശതമാനമാണ് രോഗസ്ഥിരീകരണ നിരക്ക് (ടി.പി.ആർ). 39 പേർ കോവിഡ് രോഗമുക്തി നേടി.

കേസുകള്‍ പഞ്ചായത്ത് തിരിച്ച്: അടിമാലി -13, ആലക്കോട് രണ്ട്, അറക്കുളം -അഞ്ച്, അയ്യപ്പൻകോവിൽ - മൂന്ന്, ചക്കുപള്ളം -ഒന്ന്, ദേവികുളം - രണ്ട്, ഇടവെട്ടി -ഒന്ന്, ഏലപ്പാറ -രണ്ട്, ഇരട്ടയാർ - രണ്ട്, കഞ്ഞിക്കുഴി -നാല്, കാമാക്ഷി -മൂന്ന്, കാഞ്ചിയാർ -രണ്ട്, കരിമണ്ണൂർ -ഒന്ന്, കരിങ്കുന്നം -രണ്ട്, കരുണാപുരം -അഞ്ച്, കട്ടപ്പന -13, കൊന്നത്തടി -ആറ്, കുടയത്തൂർ -മൂന്ന്, കുമാരമംഗലം- മൂന്ന്, കുമളി -നാല്, മണക്കാട് -രണ്ട്, മാങ്കുളം -ഒന്ന്, മറയൂർ -ഒന്ന്, മരിയാപുരം -ഒന്ന്, മൂന്നാർ -മൂന്ന്, മുട്ടം -ആറ്, നെടുങ്കണ്ടം -10, പാമ്പാടുംപാറ -എട്ട്, പീരുമേട് -ഒന്ന്, പുറപ്പുഴ -നാല്, രാജാക്കാട് -ഒന്ന്, രാജകുമാരി -ഒന്ന്, സേനാപതി -ഒന്ന്, തൊടുപുഴ -32, ഉടുമ്പൻചോല -മൂന്ന്, വണ്ടന്മേട് -ഒന്ന്, വണ്ടിപ്പെരിയാർ -മൂന്ന്, വണ്ണപ്പുറം -മൂന്ന്, വാഴത്തോപ്പ് -നാല്, വെള്ളത്തൂവൽ -ആറ്, വെള്ളിയാമറ്റം -ഒന്ന്. ഉറവിടം വ്യക്തമല്ലാത്ത ആറ് കേസുകൾ സ്ഥിരീകരിച്ചിരുന്നു.