ഡീനിന് സ്വീകരണമൊരുക്കി പാര്ട്ടി പ്രവര്ത്തകര്: എംപിയെ വരവേറ്റ് ഇടുക്കി ജനത
അടിമാലി: ചരിത്ര ഭൂരിപക്ഷത്തില് വിജയിച്ച ഇടുക്കി എംപി ഡീന് കുര്യാക്കോസിന് ജില്ലയുടെ വിവിധ ഇടങ്ങളില് സ്വീകരണം നല്കി. അടിമാലി മേഖലയിലാണ് ആദ്യദിനത്തില് ഡീന് സ്വീകരണ യോഗങ്ങളില് പങ്കെടുത്തത്. പാര്ട്ടിപ്രവര്ത്തകരുടെ നേതൃത്വത്തില് വാഹനറാലിയുമായി എത്തിയാണ് ഡീന് സ്വീകരണങ്ങളില് പങ്കെടുത്തത്.
എംഎം മണിക്കും കെടി ജലീലീനും പിന്നെ സൈബര് സഖാക്കള്ക്കും.. കിടിലന് മറുപടിയുമായി വിടി
വെള്ളത്തൂവല്, അടിമാലി, കല്ലാര്കുട്ടി,200 ഏക്കര് തുടങ്ങിയ പ്രദേശങ്ങളിലെല്ലാം ഡീന് നേരിട്ടെത്തി ഡീന് തനിക്ക് വോട്ട് ചെയ്ത പൊതുജനങ്ങളോട് നന്ദി പറഞ്ഞു.തന്നെ വിജയിപ്പിച്ച ജനങ്ങള്ക്കൊപ്പം ഉണ്ടാകുമെന്നും ഇടുക്കി ജനതക്കായി മികച്ച രീതിയില് പ്രവര്ത്തിക്കുമെന്നും ഡീന് മാധ്യമങ്ങളോട് പറഞ്ഞു.വിജയ പ്രതീക്ഷ നേരത്തെതന്നെ ഉണ്ടായിരുന്നതായും പ്രതീക്ഷിച്ചതിനേക്കാള് വലിയ വിജയമാണ് തനിക്ക് ലഭിച്ചതെന്നും ഡീന് കൂട്ടി ചേര്ത്തു.
Recommended Video
കാര്മേഘംമൂടിയ അന്തരീക്ഷത്തിലും ജില്ലയില് ഡീനിന്റെ വിജയം വലിയ ആഘോഷമാക്കി പ്രവര്ത്തകര്. മിക്ക ഇടങ്ങളിലും ഡീനിന് വലിയ രീതിയിലുള്ള സ്വീകരണം ലഭിച്ചു.പലരും ഒപ്പം നിന്ന് സെല്ഫി എടുത്തും സൗഹൃദം പങ്കുവെച്ചുമാണ് ഡീനിനെ യാത്രയാക്കിയത്. തോട്ടംമേഖലയടങ്ങുന്ന എല്ഡി എഫിന്റെ ശക്തി കേന്ദ്രങ്ങളില് നിന്നടക്കം വലിയ ലീഡ് നേടിയാണ് ഡീന് ഇടുക്കിയുടെ മണ്ണില് നിന്ന് വിജയിച്ച് കയറിയത്.