കടുത്ത വരള്ച്ച: ഹൈറേഞ്ചിലെ ഏലം കര്ഷകര് പ്രതിസന്ധിയില്, ഏക്കറ് കണക്കിന് ഏലച്ചെടികൾ കരിഞ്ഞുണങ്ങി!
അടിമാലി: ഹേറേഞ്ച് മേഖലയിലെ ഏറ്റവും പ്രധാനപ്പെട്ട നാണ്യ വിളയായ ഏലത്തിന് വേനല് ചൂടില് തിരിച്ചടി. ഏക്കറു കണക്കിന് ഏലചെടികളാണ് വിവിധ മേഖലകളില് കരിഞ്ഞുണങ്ങികൊണ്ടിരിക്കുന്നത്. പ്രളയത്തിനുശേഷം വീണ്ടും കൃഷിയിറക്കിയിരിക്കുന്ന കര്ഷകരും ഇതോടെ ഏറെ പ്രതിസന്ധിയിലായിരിക്കുകയാണ്.
മിക്ക ഏലത്തോട്ടങ്ങളിലും മഴക്കുഴികളും ജലസേചനത്തിനുള്ള സൗകര്യങ്ങളും കര്ഷകര് ഒരുക്കിയിട്ടുണ്ടെങ്കിലും സമീപ ദിവസങ്ങളിലെ കടുത്ത ചൂട് ഏലചെടികള്ക്ക് താങ്ങാന് കഴിയുന്നില്ലെന്നാണ് കര്ഷകര് പറയുന്നത്. കടുത്ത ചൂടില് ഏലത്തിന്റെ ശരങ്ങളിലെ പൂക്കള് കരിയുന്നതിനാല് വിളവെടുപ്പിനെ അത് കാര്യമായിതന്നെ ബാധിക്കുന്നു.
ഹൈറേഞ്ചിന്റെ തണുത്ത അന്തരീക്ഷവും തണലും തന്നെയാണ് കൂടുതല് കര്ഷകര് ഏലകൃഷിയിലേക്ക് തിരിയാനുള്ള കാരണം എന്നാല് മുമ്പോരിക്കലും അനുഭവപ്പെട്ടിട്ടില്ലാത്ത അത്രയും ചൂട് അനുഭവപ്പെടുന്നതിനാല് ഏല ചെടികള്ക്ക് ഈ വേനലിനെ അതിജീവിക്കാന് കഴിയുമോ എന്ന ആശങ്കയും നിലനില്ക്കുന്നു. ഏലത്തിന് ഭേതപ്പെട്ട വില ലഭിക്കുന്ന് സാഹചര്യത്തിലാണ് കാലവസ്ഥ വ്യതിയാനം തിരിച്ചടിയാകുന്നത്.
Click it and Unblock the Notifications
Sign in with Google