ആവേശമുയര്ത്തി ഇടുക്കി ജില്ലാ ഫെന്സിംഗ് ചാമ്പ്യന്ഷിപ്പ്
രാജാക്കാട്: ജൂനിയര്, സീനിയര്, അണ്ടര് 23 എന്നീ വിഭാഗങ്ങളില് ഇടുക്കി ജില്ലാ ഫെന്സിംഗ് ജാമ്പ്യന്ഷിപ്പ് രാജാക്കാട് എന് ആര് സിറ്റി എസ് എന് വി ഹയര്സെക്കണ്ടറി സ്കൂളില് നടന്നു. ജില്ലയിലെ വിവിധ സ്കൂളുകളില് നിന്നുള്ള നാല്പ്പതോളം കുട്ടികളാണ് ചാമ്പ്യന്ഷിപ്പില് പങ്കെടുത്തത്. ഫെന്സിംഗിന് ദേശീയതലത്തില് തന്നെ വലിയ നേട്ടങ്ങള് സമ്മാനിക്കുന്ന ഇടുക്കി ജില്ലയുടെ ജില്ലാതല ഫെന്സിംഗ് ചാമ്പ്യന്ഷിപ്പ് എന് ആര് സിറ്റി എസ് എന് വി ഹയര്സെക്കണ്ടറി സ്കൂളില് നടന്നു.
യുവതികള് പിന്മാറണം.. പൂജ ബഹിഷ്കരിച്ച് പ്രതിഷേധവുമായി പരികര്മ്മികള്
ഇടുക്കി ജില്ലയില് എറ്റവും കൂടുതല് വിദ്യാര്ത്ഥികള് പങ്കെടുക്കുന്നതും ഈ സ്കൂളില് നിന്ന് തന്നെയാണ്. മാത്രവുമല്ല സംസ്ഥാന തലത്തിലും, ദേശീയതലത്തിലും മികച്ചനേട്ടമാണ് ഇടുക്കി ജില്ലയും എന് ആര് സിറ്റി സ്കൂളും കരസ്ഥമാക്കിയത്. ജൂനിയര്, സീനിയര്, അണ്ടര് 23 ജില്ലാ ചാമ്പ്യന്ഷിപ്പാണ് നടത്തപ്പെട്ടത്. ഇതില് വിജയിക്കുന്നവര് ഈ മാസം ഇരുപത് മുതല് ഇരുപത്തിമൂന്ന് വരെ തൊടുപുഴയില് വച്ച് നടത്തപ്പെടുന്ന സംസ്ഥാന ജാമ്പ്യന്ഷിപ്പില് പങ്കെടുത്ത് ഇടുക്കി ജില്ലയെ പ്രതിനിധീകരിക്കും.
രാവിലെ സ്കൂളില് ആരംഭിച്ച പരിപാടിയില് സ്കൂള് മാനേജര് രാധാകൃഷ്ണന് തമ്പി അദ്ധ്യക്ഷത വഹിച്ചു. സ്കൂള് എച്ച് എം എം ഉഷാകുമാരി ഉദ്ഘാടനം നിര്വ്വഹിച്ചു. കായിക അദ്ധ്യാപകന് എ സുനില്കുമാര്, സീനയര് ക്ലര്ക്ക് കെ പി ജയിന്, ഫെന്സിംഗ് പരിശീലകന് അരുണ് എസ് നായര് എന്നിവര് പങ്കെടുത്തു.