കേരളത്തെ ഞെട്ടിച്ച് ശൈശവ വിവാഹം; 15 കാരിയെ വിവാഹം കഴിച്ചത് രണ്ട് കുട്ടികളുള്ള 47 കാരന്!!
ഇരുവരും വെവ്വേറെയാണ് താമസിക്കുന്നത് എന്നാണ് മാതാപിതാക്കള് പറയുന്നത്
ഇടുക്കി: സംസ്ഥാനത്തെ ഞെട്ടിച്ച് വീണ്ടും ശൈശവ വിവാഹം. 15 വയസുകാരിയെ 47 കാരന് ആണ് വിവാഹം ചെയ്തത്. ഇടുക്കി ജില്ലയിലെ ഇടമലക്കുടിയില് ആണ് ഞെട്ടിക്കുന്ന സംഭവം. ഒരു മാസം മുമ്പ് ഗോത്രാചാരപ്രകാരമാണ് വിവാഹം നടന്നത്. പെണ്കുട്ടിയുടേയും 47 കാരന്റേയും സാന്നിധ്യത്തിലാണ് വിവാഹം നടന്നത്.
സംഭവത്തെ കുറിച്ച് അന്വേഷിക്കാന് പൊലീസിന് നിര്ദേശം നല്കിയിട്ടുണ്ട്. ജില്ലാ ശിശുസംരക്ഷണ ഓഫിസര്ക്ക് ലഭിച്ച രഹസ്യ വിവരമാണ് ഞെട്ടിക്കുന്ന സംഭവം പുറംലോകത്ത് എത്തിച്ചത്. സംഭവം ഇടമലക്കുടിയിലെത്തി പരിശോധന നടത്തി ഉദ്യോഗസ്ഥര് സ്ഥിരീകരിച്ചിട്ടുണ്ട്.
വിവാഹം നടന്നതിന് ശേഷം ഇരുവരും വെവ്വേറെയാണ് താമസിക്കുന്നതെന്ന് മാതാപിതാക്കള് മൊഴി നല്കിയതായാണ് വിവരം. എന്നാല് പെണ്കുട്ടിയുടെ വീട്ടില് തന്നെയാണ് 47 കാരന് താമസിക്കുന്നത് എന്ന് റിപ്പോര്ട്ടുണ്ട്. പരിശോധനക്കായി ഉദ്യോഗസ്ഥരെത്തിയ സമയത്ത് ഇരുവരും ഇവിടെ നിന്ന് മാറുകയായിരുന്നു.
വീൽചെയറിലെ വധു.. തിരൂരിലെ ഫാമിലി വെഡിങ് സെന്റിന് കയ്യടിയുമായി സോഷ്യൽമീഡിയ
അതേസമയം സംഭവത്തില് കര്ശന നടപടിയെടുക്കണം എന്നാവശ്യപ്പെട്ട് ശിശു സംരക്ഷണ ഓഫിസര് ചൈല്ഡ് വെല്ഫയര് കമ്മിറ്റിയെ സമീപിച്ചിരിക്കുകയാണ്. ഇതിന്റെ അടിസ്ഥാനത്തില് ചൈല്ഡ് വെല്ഫയര് കമ്മിറ്റിയാണ് കേസെടുത്ത് അന്വേഷണം നടത്താന് പൊലീസിനോട് നിര്ദ്ദേശിച്ചിരിക്കുന്നത്.
'ചിന്ത വളര്ന്നുവരുന്ന യുവനേതാവ്; ഇല്ലാതാക്കി കളയാമെന്നത് കോണ്ഗ്രസ് അജണ്ട'; പിന്തുണയുമായി ഇപി
47 കാരനെതിരെയും ഇയാളുടെയും പെണ്കുട്ടിയുടെയും മാതാപിതാക്കള്ക്കെതിരെയുമാണ് അന്വേഷണം. പെണ്കുട്ടിയെ നിലവില് സുരക്ഷിത കേന്ദ്രത്തിലേക്ക് മാറ്റിയിരിക്കുകയാണ്. ഇടമലക്കുടി പഞ്ചായത്തിലെ കണ്ടത്തിക്കുടി സ്വദേശിയായ രാമനാണ് 15 കാരിയെ വിവാഹം കഴിച്ചത്. ഇയാള് വിവാഹിതനും രണ്ടു കുട്ടികളുടെ പിതാവുമാണ് എന്നാണ് റിപ്പോര്ട്ട്.