ഇടുക്കി ഡീലേഴ്സ് കോ ഓപ്പറേറ്റീവ് സൊസൈറ്റി സാമ്പത്തിക തട്ടിപ്പ്; മുന് ബ്രാഞ്ച് മാനേജര് അറസ്റ്റില്
കുമളി: ഇടുക്കി ഡീലേഴ്സ് കോ ഓപ്പറേറ്റീവ് സൊസൈറ്റിയിലെ സാമ്പത്തിക തട്ടിപ്പ് കേസില് കുമളി മുന് ബ്രാഞ്ച് മാനേജര് അറസ്റ്റില്. ചക്കുപള്ളം തുണ്ടത്തില് വൈശാഖ് മോഹനനെ ക്രൈംബ്രാഞ്ച് ആണ് അറസ്റ്റ് ചെയ്തിരിക്കുന്നത്. രണ്ട് കോടി രൂപയുടെ തട്ടിപ്പാണ് വൈശാഖ് മോഹനന് കോ ഓപ്പറേറ്റീവ് സൊസൈറ്റിയില് നടത്തിയത് എന്നാണ് കണ്ടെത്തല്. കഴിഞ്ഞ മേയ് 20 മുതല് ഒളിവിലായിരുന്നു ഇയാള്.
സൊസൈറ്റിയില് പുതിയ ഭരണസമിതി അധികാരമേറ്റെടുത്ത ശേഷം നടത്തിയ പ്രാഥമിക പരിശോധനയില് ആണ് തിരിമറി കണ്ടെത്തിയത്. ആദ്യ ഘട്ടത്തില് 1,00,49,000 രൂപയുടെ ക്രമക്കേടാണ് കണ്ടെത്തിയത്. സ്ഥിരനിക്ഷേപങ്ങളുടെ വിവരങ്ങള് ബാങ്ക് രേഖകളില് ഉള്പ്പെടുത്താതെ ഇടപാടുകാര്ക്ക് സര്ട്ടിഫിക്കറ്റുകള് നല്കിയും വായ്പ തിരിച്ചടവ് വരവു വയ്ക്കാതെയുമാണ് വൈശാഖ് തട്ടിപ്പു നടത്തിയത്.
ഇത്തരത്തില് കുമളി, കട്ടപ്പന ബ്രാഞ്ചുകളില് നിന്ന് രണ്ട് കോടിയിലധികം രൂപയാണ് വൈശാഖന് അപഹരിച്ചിരിക്കുന്നത്. അതേസമയം ബാങ്കിന്റെ നെടുങ്കണ്ടത്തെ ഹെഡ് ഓഫിസ് കേന്ദ്രീകരിച്ച് നടന്നിട്ടുള്ള തട്ടിപ്പുകളില് വിജിലന്സ് അന്വേഷണവും നടക്കുകയാണ്. 2021 മുതല് 2023 വരെ കാലഘട്ടത്തിലാണ് ബാങ്കില് വൈശാഖ് മോഹനന് തട്ടിപ്പ് നടത്തിയത് എന്നാണ് കണ്ടെത്തല്.
കുമളി ബ്രാഞ്ചില് മാത്രം ഒരു കോടി രൂപക്ക് മുകളില് തട്ടിപ്പ് നടന്നിട്ടുണ്ട്. ആദ്യം കുമളി പൊലീസ് എഫ്ഐആര് രജിസ്റ്റര് ചെയ്ത കേസ് പിന്നീട് ക്രൈംബ്രാഞ്ച് ഏറ്റെടുക്കുകയായിരുന്നു.
Click it and Unblock the Notifications
Sign in with Google