Click it and Unblock the Notifications
Just In
Don't Miss
-
'ആർട്സ് ക്ലബ്ബ് ഉദ്ഘാടനത്തിന് ക്ഷണിക്കാൻ പോയപ്പോൾ കിട്ടിയ വേഷമാണ്, ആദ്യ സീൻ വിജയ്ക്കൊപ്പമായിരുന്നു'; പൂർണിമ -
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര് -
വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ് -
സ്ത്രീകൾക്ക് സാമ്പത്തിക സുരക്ഷിതത്വം ഉറപ്പാക്കാൻ 4 പോസ്റ്റ് ഓഫീസ് പദ്ധതികൾ -
കാപ്പി കുടിച്ചാല് മുടി കൊഴിയുമോ, കഫീന് മുടിയില് പുരട്ടിയാല് മുടി വളരുമോ? -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
കയറ്റത്തില്‍ സ്വകാര്യബസ് നിര്‍ത്തി ഡ്രൈവര്‍ ഇറങ്ങി; പിന്നോട്ടുരുണ്ട ബസിന് തുണയായത് കെഎസ്ആര്‍ടിസി
ഇടുക്കി: ചെറുതോണിയില്‍ സ്വകാര്യബസ് കയറ്റത്തില്‍ നിര്‍ത്തിയിട്ട ശേഷം ഡ്രൈവര്‍ ഇറങ്ങി പോയി. പിന്നോട്ടേക്ക് ഉരുണ്ട ബസിന് തുണയായത് പിന്നാലെ വന്ന കെ എസ് ആര്‍ ടി സി ബസ്. ഇക്കഴിഞ്ഞ വെള്ളിയാഴ്ച വൈകീട്ട് 6.30 ന് ചെറുതോണി ടൗണില്‍ ആയിരുന്നു സംഭവം.
തൊടുപുഴയില്‍ നിന്നും തോപ്രാംകുടിക്ക് പോയ പ്രകാശ് ബസിലെ ഡ്രൈവര്‍ ആണ് ബസ് കയറ്റത്തില്‍ നിര്‍ത്തിയിട്ട് ഇറങ്ങിപോയത്. ഇതോടെ ബസ് പിറകിലേക്ക് ഉരുളാനും തുടങ്ങി. ബസില്‍ യാത്രക്കാരുള്ളപ്പോഴാണ് സംഭവം. പിന്നോട്ടുരുണ്ടു വന്ന സ്വകാര്യ ബസിനെ പിന്നാലെ വന്ന കെ എസ് ആര്‍ ടി സി ബസ് താങ്ങി നിര്‍ത്തിയതിനാലാണ് വന്‍ അപകടം ഒഴിവായത്.
കട്ടപ്പനയില്‍ നിന്ന് കോഴിക്കോട്ടേക്ക് പോയ കെ എസ് ആര്‍ ടി സി ബസ് ആണ് സ്വകാര്യ ബസിനും യാത്രക്കാര്‍ക്കും മുന്നില്‍ രക്ഷകനായി അവതരിച്ചത്. ക്രിസ്മസ് പ്രമാണിച്ച് ചെറുതോണി ടൗണില്‍ വലിയ ജന തിരക്കുള്ള സമയത്താണ് സംഭവം നടക്കുന്നത് എന്നതിനാല്‍ വലിയ അപകടമാണ് ഒഴിവായത്.
അതിനിടെ സുരക്ഷാ മാനദണ്ഡങ്ങള്‍ പാലിക്കാതെ ബസ് നിര്‍ത്തിയതിനെതിരേ ജീവനക്കാരും യാത്രക്കാരും തമ്മില്‍ വാക്കേറ്റവും ഉണ്ടായി. ബസ് തിരികെ എത്തിയാല്‍ ഉടനെ ആര്‍ ടി ഒ യ്ക്ക് പരാതി നല്‍കുമെന്ന് കെ എസ് ആര്‍ ടി സി ജീവനക്കാര്‍ വ്യക്തമാക്കിയിട്ടുണ്ട്.
നിറയെ യാത്രക്കാരുമായി എത്തിയ ബസ് സ്റ്റോണേജ് ഓഡിറ്റോറിയത്തിനു മുന്നിലെ കുത്തിറക്കത്തില്‍ നിര്‍ത്തിയിട്ടായിരുന്നു ഡ്രൈവര്‍ ഇറങ്ങി പോയത്. സുരക്ഷാ മാനദണ്ഡങ്ങള്‍ പാലിക്കാതെ ബസ് നിര്‍ത്തിയ സംഭവം ശ്രദ്ധയില്‍പെട്ടെന്നും സ്വകാര്യ ബസ് ജീവനക്കാര്‍ക്കെതിരെ നടപടി സ്വീകരിക്കും എന്നും ഇടുക്കി ആര്‍ ടി ഒ ആര്‍.രമണന്‍ അറിയിച്ചിട്ടുണ്ട്.
