Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ആറാം ദിവസവും സൂര്യനെല്ലിയില്‍ ഭൂരഹിതര്‍ റവന്യൂ ഭൂമി കയ്യേറി: കുടില്‍ നിര്‍മ്മിച്ച് താമസം ആരംഭിച്ചു!!
ചിന്നക്കനാല്‍: ചിന്നക്കനാല്‍ സൂര്യനെല്ലിയില്‍ ഭൂരഹിതരായ തോട്ടം തൊഴിലാളികള്‍ റവന്യൂ ഭൂമി കയ്യേറി പടുത വലിച്ചുകെട്ടി കുടിലുകള്‍ നിര്‍മ്മിക്കുന്നത് ആറാം ദിനവും തുടരുന്നു. സൂര്യനെല്ലി ടൗണിന് സമീപം ബി എല്‍ റാവ് മേഖലയിലെ സ്ഥലങ്ങളാണ് കയ്യേറി കുടിലുകള്‍ നിര്‍മ്മിച്ചിട്ടുള്ളത്. തങ്ങള്‍ക്ക് അവകാശപ്പെട്ട ഭൂമിയാണ് ഇതെന്നും മറ്റ് മാര്‍ഗങ്ങളില്ലാത്തതിനാലാണ് ഭൂമി കയ്യേറിയിരിക്കുന്നതെന്നും തൊഴിലാളി കുടുംബങ്ങള്‍ പറയുന്നു.
ഓരോ കുടുംബവും മൂന്ന് സെന്റ് വീതമാണ് വളഞ്ഞുവച്ചിരിക്കുന്നത്. ടാര്‍പ്പോളിന്‍ വലിച്ചുകെട്ടിയാണ് കുടിലുകള്‍ നിര്‍മ്മിച്ചിട്ടുള്ളത്. ചിന്നക്കനാലില്‍ ഭൂമി കയ്യേറ്റങ്ങളെക്കുറിച്ച് മുമ്പും വാര്‍ത്തകള്‍ വന്നിരുന്നു. നിലവില്‍ തൊഴിലാളികള്‍ കയ്യേറിയ പ്രദേശം ചിന്നക്കനാലിലെ ഒരു കുടുംബം അനധികൃതമായി പട്ടയം സംഘടിപ്പിച്ച് ദില്ലി കേന്ദ്രീകരിച്ചുള്ള ഒരു സ്വകാര്യ കമ്പനിക്ക് മറിച്ച് വില്‍പ്പന നടത്താന്‍ ശ്രമം നടത്തിയ പ്രദേശമാണിത്. എന്നാല്‍ 2010 ല്‍ റവന്യൂ വകുപ്പ് പട്ടയം റദ്ദ് ചെയ്ത് ഈ റവന്യൂ വകുപ്പ് ഭൂമി തിരിച്ചുപിടിക്കുകയുണ്ടായി. ഈ പ്രദേശങ്ങള്‍ കേന്ദ്രീകരിച്ചാണ് ഭൂരഹിതരായ തോട്ടം തൊഴിലാളികള്‍ കയ്യേറി കുടിലുകളുടെ നിര്‍മ്മാണം തുടര്‍ന്നു വരുന്നത്.
വന്‍കിടക്കാര്‍ റവന്യൂ ഭൂമി കയ്യേറുമ്പോള്‍ അരനൂറ്റാണ്ടിലേറെയായി തോട്ടം തൊഴിലാളികളും ഭൂരഹിതരുമായി കഴിയുന്ന തങ്ങള്‍ക്ക് ഭൂമി നല്‍കുവാന്‍ അധികൃതര്‍ തയ്യാറാകുന്നില്ലെന്നും, സ്ഥലത്തിനായി അപേക്ഷകള്‍ നല്‍കി കാത്തിരിക്കുവാന്‍ തുടങ്ങിയിട്ട് നാളുകളേറെയായെന്നും തൊഴിലാളികള്‍ കുറ്റപ്പെടുത്തുന്നു.
