ഇടുക്കിയില് ക്ലാസ് മുറിയില് മൂര്ഖന് പാമ്പ്: ആളെ കണ്ടതോടെ പത്തി വിടര്ത്തി!
മറയൂര്: മറയൂര് പട്ടം കോളനി ഭാഗത്ത് പ്രവര്ത്തിക്കുന്ന ശ്രീ സരസ്വതി വിദ്യാമന്ദിരം എല് പി സ്കൂളിലെ ക്ലാസ് മുറിയിലേക്കാണ് പഠനം നടന്നു കൊണ്ടിരിക്കുമ്പോള് മൂര്ഖന് പാമ്പ് കയറിയത്. പാമ്പ് ക്ലാസ് മുറിയുടെ മുന്നിലെത്തിയപ്പോള് തന്നെ അധ്യാപിക കാണുകയും അപ്പോള് തന്നെ ശബ്ദം ഉണ്ടാക്കി പാമ്പിനെ ഓടിക്കാന് ശ്രമിക്കുയും ചെയ്തു. എന്നാല് പത്തി വിടര്ത്തി ചീറ്റിയ ശേഷം അടുത്തുള്ള ഓഫീസ് മുറിയിലേക്ക് പാമ്പ് ഇഴഞ്ഞു കയറി.
ക്ലാസ്മുറിയിലെത്തിയത് മുര്ഖന് പാമ്പാണെന്ന് മനസ്സിലായതിനെ തുടര്ന്ന് ക്ലാസിലുണ്ടായിരുന്ന 33 കുട്ടികളെയും സമീപത്തെ സെന്റ്മേരീസ് പള്ളിയുടെ കുരിശടിയില് എത്തിച്ച് സുരക്ഷിതരാക്കി നിര്ത്തി. പിന്നീട് വനം വകുപ്പ് ഉദ്യോഗസ്ഥരെ സ്കൂള് അധികൃതര് വിവരം അറിയിക്കുകയായിരുന്നു. തുടര്ന്ന് വനപാലകരൂം പ്രദേശത്തെ പാമ്പു പിടുത്തത്തില് വൈദഗ്ത്യമുള്ള ഓട്ടോറിക്ഷ ഡ്രൈവറായ മൂര്ത്തിയും എത്തി പാമ്പിനെ ഓഫീസ് മുറിക്കുള്ളില് നിന്നും പിടികൂടുകയായിരുന്നു. പിടികൂടിയ പാമ്പിനെ ചിന്നാര് വന്യജീവി സങ്കേതത്തിലെ കരിമുട്ടി വനമേഖലയില് വനംവകുപ്പ് ഉദ്യോഗസ്ഥര് വിട്ടയച്ചു.