Click it and Unblock the Notifications
Just In
Don't Miss
-
ശ്വാസകോശത്തിന്റെ ആയുസ്സിന് ഭീഷണി: ഈ അപകട സൂചന അവഗണിക്കരുത് -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
മുല്ലപ്പെരിയാറില്‍ ജലനിരപ്പ് 142 അടിയായി നില നിര്‍ത്തും: ഉപസമിതി അണക്കെട്ടില്‍ സന്ദര്‍ശനം നടത്തി
കുമളി: മുല്ലപ്പെരിയാര്‍ അണക്കെട്ടില്‍ ജനനിരപ്പ് 142 അടിയായിതന്നെ നിലനിര്‍ത്തുമെന്ന് തമിഴ്നാട്. ജലനിരപ്പ് 142 അടിയാക്കാന്‍ 2014 ല്‍ സുപ്രീം കോടതിയില്‍ നിന്നും തമിഴ്‌നാടിന് അനുമതി ലഭിച്ചിട്ടുണ്ടെന്നും അതിനാല്‍ ഇത്തവണയും മുല്ലപ്പെരിയാറിലെ ജലനിരപ്പ് 142 അടിയില്‍ നിലനിര്‍ത്തുമെന്നും ഉപസമതി യോഗത്തില്‍ തമിഴ്നാട് പ്രതിനിധികള്‍ അറിയിച്ചു. പെരിയാറിന് സമീപത്ത് താമസിക്കുന്ന ജനങ്ങളുടെ ജീവന് സുരക്ഷിതത്വം വേണമെന്ന കേരളത്തിന്റെ ആവശ്യം തമിഴ്നാട് തള്ളി.
ജനങ്ങളുടെ സംരക്ഷണം കേരളമാണ് ഉറപ്പു വരുത്തേണ്ടത് എന്ന് തമിഴ്നാട് അഭിപ്രായപ്പെട്ടു. കുമളിയില്‍ ചേര്‍ന്ന മുല്ലപ്പെരിയാര്‍ ഉപസമിതി യോഗത്തിലാണ് കേരളത്തിന്റെ ആവശ്യങ്ങള്‍ തമിഴ്നാട് തള്ളിയത്. മഴ ശക്തമായി തുടരുന്നതിനാല്‍ അണക്കെട്ടിലെ ജലനിരപ്പ് ക്രമാതീതമായി ഉയര്‍ന്നുകൊണ്ടിരിക്കുകയാണ്. നിലവില്‍ 133 അടിയിലേക്ക് ജലനിരപ്പ് ഉയര്‍ന്നു. മഴക്ക് നേരിയ ശമനമുണ്ടെങ്കിലും വരുംദിവസങ്ങളില്‍ കൂടുതല്‍ ജലം ഒഴുകിയെത്തുന്നതോടെ ജലനിരപ്പ് ഇനിയും ഉയരുമെേന്നും സന്ദര്‍ശന സംഘം വിലയിരുത്തി.
അതേ സമയം, ജലനിരപ്പ് ഉയര്‍ന്നാല്‍ പാലിക്കേണ്ട ഷട്ടര്‍ ഓപ്പറേറ്റിംങ്ങ് മാന്യുവല്‍ ഇതുവരെയും തമിഴ്നാട് കേരളത്തിന് നല്‍കിയിട്ടില്ല. തമിഴ്നാടിന്റെ നിഷേധാത്മക നിലപാട് മേല്‍നോട്ട സമിതിയെ അറിയിക്കാനാണ് കേരളത്തിന്റെ തീരുമാനം. സെക്കന്‍ഡില്‍ 5941 ഘനയടി വെള്ളം അണക്കെട്ടിലേയ്ക്ക് ഒഴുകി എത്തുമ്പോള്‍ സെക്കന്‍ഡില്‍ 2100 ഘനയടി വെള്ളംമാത്രമാണ് തമിഴ്നാട് കൊണ്ടുപോകുന്നത്.
