വരള്ച്ചയില് സംസ്ഥാനത്ത് നശിച്ചത് 275 കോടിയുടെ കൃഷി; കൂടുതല് നഷ്ടം ഇടുക്കിയില്
ഇടുക്കി: സംസ്ഥാനത്ത് ഇത്തവണയുണ്ടായ കൊടുംചൂടിലും വരള്ച്ചയിലും നശിച്ചത് 275 കോടി രൂപയുടെ കൃഷിയെന്ന് കാര്ഷിക വകുപ്പിന്റെ റിപ്പോര്ട്ട്. ഫെബ്രുവരി ഒന്നു മുതല് മേയ് 15 വരെയുള്ള കണക്കാണിത്. 51347 കര്ഷകരുടെ 20116.19 ഹെക്ടറിലെ കൃഷി നശിച്ചു. ഇടുക്കി ജില്ലയിലാണ് ഏറ്റവും വലിയ നാശനഷ്ടമുണ്ടായത്. ജില്ലയില് 29,330 കര്ഷകരുടെ 11,896 ഹെക്ടറിലെ കൃഷി നശിച്ചു.
വരള്ച്ച മൂലം കൃഷിനാശം സംഭവിച്ച ഇടുക്കിയിലെ കുമളി, കട്ടപ്പന, ദേവികുളം, ഉടുമ്പന്ചോല മേഖലയിലെ കൃഷിയിടങ്ങള് കൃഷി മന്ത്രി പി പ്രസാദും ജലസേചന മന്ത്രി റോഷി അഗസ്റ്റിനും സന്ദര്ശിച്ചു. കര്ഷകര്, ജനപ്രതിനിധികള്, വിവിധ കര്ഷക സംഘടന, രാഷ്ട്രീയ പാര്ട്ടി പ്രതിനിധികള് എന്നിവരുമായി കൂടിക്കാഴ്ച നടത്തിയ മന്ത്രിമാര് വരള്ച്ചബാധിത പ്രദേശമായി പ്രഖ്യാപിക്കുന്നതിനുള്ള കേന്ദ്ര സര്ക്കാരിന്റെ മാനദണ്ഡങ്ങളില് മാറ്റം വരുത്താന് ആവശ്യപ്പെടുമെന്നും വ്യക്തമാക്കി.
വരള്ച്ചയില് കുറവ് നഷ്ടം എറണാകുളത്താണ്. 95.45 ലക്ഷം രൂപയുടെ കൃഷി നാശമാണ് ഇവിടെയുണ്ടായത്. ജില്ലയിലെ 755 കര്ഷകരുടെ 29 ഹെക്ടറിലെ കൃഷി നശിച്ചു. വരള്ച്ച ഏറ്റവും അധികം ബാധിച്ചത് ഏലം കൃഷിയെ ആണ്. അവശേഷിക്കുന്ന ഏലത്തിന്റെ 80 ശതമാനവും നാശത്തിന്റെ വക്കിലാണ്.
ആലപ്പുഴയില് 1313.68 ഹെക്ടറിലെ കൃഷി നശിച്ചു. ഇവിടത്തെ 1666 കര്ഷകര്ക്കായി 11.85 കോടിയുടെ നഷ്ടമാണ് ഉണ്ടായത്. കണ്ണൂരില് 9.48 കോടിയുടെ കൃഷി നാശമാണ് ഉണ്ടായത്. 143 ഹെക്ടറിലെ 3,900 കര്ഷകരുടെ കൃഷിയാണ് ഇവിടെ നശിച്ചത്. കാസര്ഗോഡ് ജില്ലയിലെ 664 കര്ഷകരുടെ 2336 ഹെക്ടറിലെ കൃഷി നശിച്ച് 4.98 കോടിയുടെ നഷ്ടവും കൊല്ലത്ത് 3092 കര്ഷകരുടെ 116 ഹെക്ടറിലെ കൃഷി നശിച്ച് 8.35 കോടിയുടെ കൃഷി നാശവും ഉണ്ടായി.
കോട്ടയത്ത് 187 ഹെക്ടറിലായി 1,156 കര്ഷകരുടെ കൃഷി നശിച്ചപ്പോള് നഷ്ടം വന്നത് 6.02 കോടി രൂപയാണ്. കോഴിക്കോട് ജില്ലയിലെ 1204 കര്ഷകരുടെ 674 ഹെക്ടറിലെ കൃഷി നശിച്ചപ്പോള് 4.73 കോടിയുടെ കൃഷി നാശവും മലപ്പുറത്ത് 1616 കര്ഷകരുടെ 713 ഹെക്ടറിലെ കൃഷി നശിച്ച് 11.44 കോടി നഷ്ടവും പാലക്കാട് 1903 ഹെക്ടറിലെ 6080 കര്ഷകരുടെ 54.23 കോടിയുടെ നഷ്ടവുമുണ്ടായി.
പത്തനംതിട്ടയില് 514 കര്ഷകരുടെ 87 ഹെക്ടറിലെ കൃഷിയാണ് കരിഞ്ഞുണങ്ങിയത്. ഇത് 2.76 കോടിയുടെ നഷ്ടമുണ്ടാക്കി. തിരുവനന്തപുരത്ത് 2.24 കോടി രൂപയുടെ കൃഷി നശിച്ചു. 303 കര്ഷകരുടെ 124 ഹെക്ടറിലെ കൃഷിക്കാണ് നഷ്ടമുണ്ടായത്. തൃശൂരില് 410 കര്ഷകരുടെ 237 ഹെക്ടറിലെ കൃഷി നശിച്ചതോടെ 3.52 കോടിയുടെയും വയനാട് 657 കര്ഷകരുടെ 351 ഹെക്ടറിലെ കൃഷി നശിച്ചതോടെ 7.40 കോടിയുടെയും നഷ്ടമുണ്ടായി.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google