Click it and Unblock the Notifications
Just In
Don't Miss
-
മോട്ടറോള എങ്ങനെയാ ഇത്ര സെറ്റപ്പായത്! അതിശയിപ്പിക്കുന്ന മികവുമായി മോട്ടോ G64 5G എത്തി -
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
കൊളസ്ട്രോള് കൂടിയാല് പെട്ടെന്ന് തിരിച്ചറിയാം; ആരും ശ്രദ്ധിക്കാത്ത ഈ ലക്ഷണങ്ങളിലൂടെ -
മാരുതി ഏരിയയിലേ ഇല്ല, ഇന്ത്യയില് ഏറ്റവും കൂടുതല് വിറ്റഴിക്കുന്ന എസ്യുവികള് രണ്ടും ടാറ്റയുടേത് -
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
IPL 2024: എല്ലാം തിരക്കഥ? 17ാം സീസണിലെ തട്ടിപ്പിന് തെളിവുണ്ട്? സഞ്ജുവിന്റെ രാജസ്ഥാനും പങ്ക്! -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
ധീര ജവാന് നാടിന്റെ യാത്രാ മൊഴി: സംസ്‌കാരം പൂര്‍ണ്ണ ഔദ്യോഗിക ബഹുമതികളോടെ...!!!
കട്ടപ്പന: ഛത്തീസ്ഗഢില്‍ തീവ്രവാദികളുമായുണ്ടായ ഏറ്റുമുട്ടലില്‍ വീരമൃത്യു വരിച്ച സിആര്‍പിഎഫ് ജവാന് ഇടുക്കി കട്ടപ്പന വെള്ളയാംകുടി സ്വദേശി ഒ.പി. സാജുവിന് നാടിന്റെ യാത്രാമൊഴി. കട്ടപ്പനയിലെ പൊതു ദര്‍ശനത്തിനു ശേഷം പതിനൊന്നേകാലോടെ മൃതദേഹം സംസ്‌ക്കാര ചടങ്ങുകള്‍ക്കായി വീട്ടില്‍ എത്തിച്ചു. തുടര്‍ന്ന് ബന്ധു ജനങ്ങളും നാട്ടുകാരും അന്ത്യോപചാരം അര്‍പ്പിച്ചു.
ഇതിനു ശേഷം കേരള പോലീസും സി ആര്‍ പി എഫ് വിഭാഗവും സല്യൂട്ട് നല്‍കി. മൃതദേഹത്തിലെ ദേശീയ പതാക ഭാര്യ സുജയും കുടുംബാംഗങ്ങളും നിറ കണ്ണുകളോടെ ഏറ്റു വാങ്ങി. മകന്‍ അജയ് സാജു ചിതക്ക് തീ കൊളുത്തി. സി.ആര്‍.പി.എഫ് ജവാന്മാര്‍ ആചാര വെടി മുഴക്കി പൂര്‍ണ ഔദ്യോഗിക ബഹുമതികളോടെയാണ് ജവാന് യാത്രാ മൊഴിയേകിയത്.രാജാക്കാട് മുക്കുടി ഒറോലിക്കല്‍ പരേതനായ പാപ്പന്റെയും തങ്കമ്മയുടെയും മകനാണ് സാജു. ഇരട്ടയാര്‍ സ്വദേശി സുജയാണ് ഭാര്യ. ചങ്ങനാശേരി എന്‍. എസ്. എസ് കോളേജ് ഒന്നാം വര്‍ഷ ഡിഗ്രി വിദ്യാര്‍ത്ഥി അജയ് സാജുവും വെള്ളയാംകുടി സെന്റ് ജോര്‍ജ് പത്താം ക്ലാസ്സ് വിദ്യാര്‍ത്ഥിനി ആര്യനന്ദയുമാണ് മക്കള്‍.
ജവാന് ഒ.പി സാജുവിന് അന്ത്യാഞ്ജലി അര്‍പ്പിക്കാന്‍ വന്‍ ജനസഞ്ചയമാണെത്തിയത്. രാവിലെ പത്തേകാലോടെയാണ് കട്ടപ്പന ഗാന്ധിസ്‌ക്വയറില്‍ മൃതദേഹം പൊതുദര്‍ശനത്തിന് എത്തിച്ചത്. ജന്മനാടായ രാജാക്കാട് മുക്കുടില്‍ നിന്നുള്‍പ്പെടെ നാടിന്റെ നാനാഭാഗത്തു നിന്നും ആയിരക്കണക്കിനാളുകള്‍ ധീര ജവാന് ആദരാഞ്ജലികളര്‍പ്പിക്കാന്‍ കട്ടപ്പനയില്‍ എത്തിച്ചേര്‍ന്നിരുന്നു. പൊതുദര്‍ശനത്തിനു ശേഷം നിരവധി വാഹനങ്ങളുടെ അകമ്പടിയോടെയാണ് മൃതദേഹം സംസ്‌കാരത്തിനായി വീട്ടിലെത്തിച്ചത്.
