രാജാക്കാട് ഹാഷിഷ് ഓയിലുമായി ഒരാള് പിടിയില്: പിടിയിലായത് അന്താരാഷ്ട്ര കഞ്ചാവ് മാഫിയാ സംഘാംഗം!!
രാജാക്കാട്: അന്താരാഷ്ട്ര കഞ്ചാവ് മാഫിയാ സംഘത്തിലെ പ്രധാന കണ്ണി ഹാഷീഷ് ഓയിലുമായി രാജാക്കാട് പൊലീസിന്റെ പിടിയില്. രാജാക്കാട് കുത്തുങ്കല് കൊച്ചുവീട്ടില് ഐസഖിന്റെ മകന് ബിജുവാണ് ഓമിനിവാനില് ഹാഷീഷ് ഓയില് കടത്തുന്നതിനിടയില് പിടിയിലായത്. ഇയാള് സഞ്ചരിച്ചിരുന്ന വാഹനവും വാഹനത്തില് നിന്നും ഒരുകിലോ മുപ്പത്തിയഞ്ച് ഗ്രാം ഹാഷീഷ് ഓയിലും പിടിച്ചെടുത്തു.
ചിന്നക്കനാലില് കുടില്കെട്ടി സമരം:തോട്ടം തൊഴിലാളികളുടെ സമരത്തില് പങ്കുചേര്ന്ന് സിഐടിയു
ഇടുക്കി എസ്പിയുടെ നിര്ദ്ദേശത്തെ തുടര്ന്ന് ഹൈറേഞ്ച് മേഖലയിലേയ്ക്കുള്ള കഞ്ചാവിന്റെയും മയക്കു മരുന്നിന്റേയും കടന്നുവരവിന് തടയിടുന്നതിന് വേണ്ടി പരിശോധനകള് കര്ശനമാക്കിയിരുന്നു. മുമ്പ് 84 കിലോ കഞ്ചാവുമായി ഒറീസയില് വച്ച് പിടിയിലായ ഇയാളെ പത്തുവര്ഷത്തേയ്ക്ക് ശിക്ഷിച്ചിരിക്കുകയാണ്. ഇതിനിടയില് അപ്പീല് ജാമ്യത്തില് പുറത്തിറങ്ങിയ ഇയാള് ഒറീസയില് നിന്നടക്കം കഞ്ചാവും ഹാഷീഷ് ഓയിലും ജില്ലയിലേയ്ക്കും സംസ്ഥാനത്തിന്റെ മറ്റ് മേഖലകളിലേയ്ക്കും എത്തിച്ച് നല്കുന്നായും പോലീസ് പറഞ്ഞു.
രഹസ്യ ലഭിച്ച വിവരത്തിന്റെ അടിസ്ഥാനത്തില് പൊലീസ് നാളുകളായി ഇയാളെ നിരീക്ഷിച്ച് വരികയായിരുന്നു. തുടര്ന്ന് മൂന്നാര് ഡി വൈ എസ് പി രമേഷ്കുമാറിന്റെ നിര്ദ്ദേശത്തിന്റെ അടിസ്ഥാനത്തില് ഓമനിവാനിന്റെ സീറ്റിനടിയില് ഒളുപ്പിച്ച് കടത്തുകയായിരുന്ന ഹാഷീഷ് ഓയിലുമായി രാജാക്കാട് സി ഐ എച്ച് എല് ഹണിയുടെ നേതൃത്വത്തിലുള്ള പൊലീസ് സംഘം പഴയവിടുതിയില് നിന്നും പ്രതിയെ പിടികൂടുകയായിരുന്നു. ഹാഷീഷ് ഓയിലിന്റെ ഉറവിടത്തെക്കുറിച്ച് പോലീസ് അന്വേഷിച്ച് വരികയാണ്.