ജലനിരപ്പ് ഉയര്ന്നു; മുല്ലപ്പെരിയാര് അണക്കെട്ട് തുറന്നു, ഇടുക്കി ഡാമിന്റെ ഷട്ടര് 10 മണിക്ക് തുറക്കും
ഇടുക്കി : മുല്ലപ്പെരിയാര് ഡാമിലെ ജലനിരപ്പ് 141 അടിയ്യാ സാഹചര്യത്തില് ഇന്ന് രാവിലെ എട്ട് മണിയോടെ അണക്കെട്ട് തുറന്നു. ഇന്ന് (18) രാവിലെ 8 മണി മുതല് ഡാമിന്റെ വി 3, വി 4 എന്നീ രണ്ട് ഷട്ടറുകള് തുറന്ന് 772 ക്യുസെക്സ് ജലം പുറത്തു വിടുമെന്നാണ് തമിഴ്നാട് സര്ക്കാര് അറിയിച്ചത്.
Recommended Video
ഈ സാഹചര്യത്തില് പെരിയാര് നദിയുടെ ഇരുകരകളിലും താമസിക്കുന്നവര് ജാഗ്രത പാലിക്കണമെന്ന് ജില്ലാ കളക്ടര് അറിയിച്ചു. ജലനിരപ്പ് ഉയര്ന്ന സാഹചര്യത്തില് ഇടുക്കി ചെറുതോണി ഡാമും തുറക്കുമെന്ന് ഇടുക്കി ജില്ലാ കളക്ടര് അറിയിച്ചിട്ടുണ്ട്.
ഇടുക്കി ഡാമിന്റെ വൃഷ്ടി പ്രാദേശത്ത് ശക്തമായ മഴ തുടരുന്ന സാഹചര്യത്തില് ഡാമിലെ ജലനിരപ്പ് - അപ്പര് റൂള് ലെവലായ 2400.03 അടിക്ക് മുകളിലെത്തുന്നതിന് സാധ്യതയുള്ളതിനാല് അധിക ജലം ക്രമീകരിക്കുന്നതിനായി ഇന്ന് രാവിലെ 10 മണി മുതല് ചെറുതോണി ഡാമിന്റെ ഷട്ടര് തുറന്ന് ജലം പുറത്തേക്ക് ഒഴുക്കി വിടുമെന്ന് ജില്ലാ കളക്ടര് അറിയിച്ചു.
ഡാമിന്റെ ഒരു ഷട്ടര് 40 സെന്റിമീറ്റര് ഉയര്ത്തി 40 ക്യുമെക്സ് നിരക്കില് വെള്ളം പുറത്തേക്ക് ഒഴുക്കി വിടാനാണ് തീരുമാനം. ചെറുതോണി പെരിയാര് എന്നീ പുഴകളുടെ ഇരുകരകളിലും താമസിക്കുന്ന ജനങ്ങള് ജാഗ്രത പാലിക്കണമെന്ന് ജില്ലാ കളക്ടര് അറിയിച്ചു.
ഡാം തുറക്കുന്ന സമയം വെള്ളപ്പാച്ചിൽ ഉണ്ടാകുന്ന സ്ഥലങ്ങളിലെ പുഴ മുറിച്ചു കടക്കുന്നതും ഈ സ്ഥലങ്ങളിലെ മീൻപിടുത്തവും നിരോധിച്ചിരിക്കുന്നു. നദിയിൽ കുളിക്കുന്നതും തുണി അലക്കുന്നത് ഒഴിവാക്കുക. വീഡിയോ, സെൽഫി എടുക്കൽ, ഫേസ്ബുക് ലൈവ് എന്നിവ കർശനമായി നിരോധിച്ചിരിക്കുന്നു. ഈ മേഖലകളിൽ വിനോദസഞ്ചാരത്തിന് നിയന്ത്രണം ഏർപ്പെടുത്തിയിട്ടുണ്ട്. പൊതുജനങ്ങൾ പോലീസിന് നിർദ്ദേശങ്ങൾ കർശനമായി പാലിക്കണം. മാധ്യമപ്രവർത്തകർ അവർക്ക് അനുവദിച്ചിട്ടുള്ള സ്ഥലങ്ങളിൽ മാത്രം ചിത്രീകരണം നടത്തേണ്ടതാണ് എന്നും ജില്ലാകളക്ടർ അറിയിച്ചു.
അതേ സമയം, ഇടുക്കിയിലെ മലയോര മേഖലയില് ഇന്നലെ രാത്രി പെയ്ത കനത്ത മഴയില് കുമളി ടൗണിലും കട്ടപ്പന പാറക്കടവിലും കടകളില് വെള്ളം കയറി. ജലനിരപ്പ് ഉയര്ന്ന സാഹതര്യത്തില് നെടുങ്കണ്ടം കല്ലാര് അണക്കെട്ട് തുറന്നു. കുമളി ടൗണ്, തേക്കടി ബൈപാസ് റോഡ്, റോസാപ്പൂക്കണ്ടം തുടങ്ങിയ മേഖലകളിലാണ് വെള്ളം കയറിയത്.കുമളി ടൗണില് ദേശീയ പാതയില് വെള്ളം കയറിയതോടെ അര മണിക്കൂറോളം ഗതാഗതവും തടസ്സപ്പെട്ടു .
Click it and Unblock the Notifications
Sign in with Google