Click it and Unblock the Notifications
Just In
Don't Miss
-
ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
നിങ്ങളുടെ അമ്മ ഇങ്ങനെയാണോ, രാശിപ്രകാരം അമ്മമാരറിയേണ്ട കാര്യങ്ങള് -
IPL 2024: ആര്സിബിക്കു ഡു ഓര് ഡൈ, തോറ്റാല് പുറത്ത്; ടോസ് ഏഴു മണിക്ക് -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ... -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മാലിന്യ സംസ്‌ക്കരണത്തിന് വേറിട്ട മുഖം: വെള്ളത്തൂവലില്‍ ജൈവം നിര്‍മ്മലം പദ്ധതി
അടിമാലി: ജൈവ- പ്ലാസ്റ്റിക് മാലിന്യങ്ങളുടെ സംസ്‌ക്കരണം ലക്ഷ്യമിട്ട് നടത്തുന്ന ജൈവം നിര്‍മ്മലം പദ്ധതിയുടെ ആദ്യഘട്ട പ്രവര്‍ത്തനങ്ങള്‍ക്ക് വെള്ളത്തൂവല്‍ ഗ്രാമപഞ്ചായത്തില്‍ തുടക്കമായി. വിവിധ വാര്‍ഡുകളില്‍ നിന്നായി ശേഖരിച്ച പ്ലാസ്റ്റിക് മാലിന്യങ്ങള്‍ അടിമാലി ഗ്രാമപഞ്ചായത്തിനു കീഴില്‍ പ്രവര്‍ത്തിക്കുന്ന പ്ലാസ്റ്റിക് ഷ്രെഡിംഗ് യൂണിറ്റില്‍ എത്തിച്ച് സംസ്ക്കരിക്കുന്നതിനുള്ള പ്രവര്‍ത്തനങ്ങളാണ് പഞ്ചായത്ത് ഭരണസമിതി ആദ്യഘട്ടത്തില്‍ നടത്തി വരുന്നത്.
കച്ചവട സ്ഥാപനങ്ങള്‍, വീടുകള്‍, സര്‍ക്കാര്‍ സ്ഥാപനങ്ങള്‍, വിദ്യാഭ്യാസ സ്ഥാപനങ്ങള്‍, ആശുപത്രി എന്നിവടങ്ങളില്‍ നിന്നുള്ള പ്ലാസ്റ്റിക് മാലിന്യങ്ങള്‍ ശേഖരിക്കുന്നതിനും സംസ്‌ക്കരിക്കുന്നിനുമായി 40 പേരടങ്ങുന്ന ഹരിത കര്‍മ്മസേനക്ക് പഞ്ചയത്ത് രൂപം നല്‍കി. ഓരോ വാര്‍ഡിനും മൂന്നു പേര്‍ എന്ന നിലയിലാണ് ഹരിത കര്‍മ്മസേന അംഗങ്ങള്‍ പ്രവര്‍ത്തിക്കുക. വെള്ളത്തൂവല്‍ ഗ്രാമപഞ്ചായത്തിനു കീഴിലെ 17 വാര്‍ഡുകളിലെയും വീടുകളില്‍ നേരിട്ടെത്തി അംഗങ്ങള്‍ പ്ലാസ്റ്റിക് മാലിന്യങ്ങള്‍ ശേഖരിക്കും.
കഴുകി ഉണക്കിയ രീതിയില്‍ പ്ലാസ്റ്റിക് മാലിന്യങ്ങള്‍ വീട്ടില്‍ സൂക്ഷിക്കുന്നതിനുള്ള സജ്ജീകരണങ്ങളും നിശ്ചിത ദിവസങ്ങളില്‍ ഈ മാലിന്യങ്ങള്‍ വീടുകളില്‍ നിന്ന് നേരിട്ടെത്തി ശേഖരിക്കുന്നതിനുള്ള നടപടികളും പഞ്ചായത്ത് ആരംഭിച്ചു. ഹരിത കര്‍മ്മസേനയുടെ പ്രവര്‍ത്തനങ്ങള്‍ക്കും മാലിന്യ ശേഖരണത്തിനുമായി ആദ്യഘട്ടത്തില്‍ 2.5 ലക്ഷം രൂപയുമാണ് പഞ്ചായത്ത് വകയിരുത്തിയിരിക്കുന്നത്. പ്ലാസ്റ്റിക് മാലിന്യങ്ങള്‍ക്ക് പുറമെ ജൈവ മാലിന്യങ്ങളുടെ സംസ്‌ക്കരണത്തിനായി എയറോബിക്‌സിന്‍ യൂണിറ്റ് ആരംഭിക്കാനുള്ള നടപടിയും പഞ്ചായത്ത് ഭരണസമതി സ്വീകരിച്ചിട്ടുണ്ട്. ഇതിനുള്ള സ്ഥലം രണ്ടു മാസത്തിനുള്ളില്‍ ഏറ്റെടുക്കുമെന്ന് ഗ്രാമപഞ്ചായത്ത് പ്രസിഡന്റ് ടി ആര്‍ ബിജി പറഞ്ഞു.
ഇലക്‌ടോണിക്‌സ് വേസ്റ്റ്, പോട്ടിയ പാത്രങ്ങള്‍, റബര്‍ ഉത്പന്നങ്ങള്‍ തുടങ്ങിയവ പ്രത്യേകം തരംതിരിച്ച് ശേഖരിക്കുന്നതിനും സംസ്‌ക്കരിക്കുന്നതിനുമായി എം സി എഫ് (മെറ്റല്‍ കളക്ഷന്‍ ഫെസിലിറ്റി) യൂണിറ്റും പഞ്ചായത്തില്‍ ആരംഭിച്ചു. 2 ലക്ഷം രൂപയാണ് പഞ്ചായത്ത് ഇതിനായി വകയിരുത്തിയത്. വെള്ളത്തൂവല്‍, ആനച്ചാല്‍. കുഞ്ചിതണ്ണി, കല്ലാര്‍കുട്ടി, തോക്കുപ്പാറ, മുതുവാന്‍കുടി തുടങ്ങി പ്രധാന ടൗണുകള്‍ കേന്ദ്രീകരിച്ച് പരിശോധനകള്‍ നടത്തുന്നതിന് പ്രത്യേക സംഘത്തെയും പഞ്ചായത്ത് ഭരണസമതി നിയോഗിച്ചിട്ടുണ്ട്.
ഇതിന്റെ അടിസ്ഥാനത്തില്‍ കൃത്യമായ ഇടവേളകളില്‍ നടത്തുന്ന പരിശോധനയിലൂടെ പഞ്ചായത്തിലെ പ്ലാസ്റ്റിക് നിക്ഷേപത്തെ നിയന്ത്രിക്കാനും സാധിച്ചു. ഗ്രാമപഞ്ചായത്ത് പ്രതിനിധികളും വെള്ളത്തൂവല്‍ പ്രാഥമിക ആരോഗ്യകേന്ദ്രം ജീവനക്കാരും ഒരുമിച്ച് കൈകോര്‍ത്താണ് ജൈവം നിര്‍മ്മലം പദ്ധതി വിജയത്തിലേക്കെത്തിക്കുന്നത്.
