Click it and Unblock the Notifications
Just In
Don't Miss
-
പുതിയ ഭൂമിയാകുമോ എന്സിലാഡസ്? ശനിയുടെ ഈ ചന്ദ്രനില് ജീവന് വേണ്ട എല്ലാ ചേരുവകളും -
വീട്ടിൽ ഇൻകം ടാക്സ് റെയ്ഡ്; കൂസലില്ലാതെ രേഖ; നടിക്കൊപ്പം ഇന്റിമേറ്റ് രംഗങ്ങളിൽ അഭിനയിച്ചപ്പോൾ; ശേഖർ സുമൻ -
IPL 2024: തലയെ വീഴ്ത്തി റുതുരാജ്, ധോണിയുടെ വമ്പന് റെക്കോഡ് തകര്ന്നു! ഇനി ഒന്നാമന് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
അധ്യാപക തസ്തികകളില്‍ ഒഴിവുകള്‍ 6000, റാങ്ക് ലിസ്റ്റ് വൈകുന്നതിനെതിരെ ഉദ്യോഗാര്‍ത്ഥികളുടെ പ്രതിക്ഷേധം ശക്തം!!!
കട്ടപ്പന: എല്‍പി, യുപി അധ്യാപക തസ്തികകളില്‍ 6000 ഒഴിവുകള്‍ നിലവില്‍ ഉള്ള സാഹചര്യത്തില്‍ റാങ്ക് ലിസ്റ്റ് പ്രസിദ്ധീകരിക്കുവാന്‍ വൈകുന്നതില്‍ പ്രതിഷേധിച്ച് കട്ടപ്പനയിലെ പിഎസ്സി ജില്ലാ ഓഫീസിനു മുന്നില്‍ റാങ്ക് ഹോള്‍ഡേഴ്‌സ് അസോസിയേഷന്‍ ധര്‍ണ സമരം സംഘടിപ്പിച്ചു. പരീക്ഷയുടെ അടസ്ഥാനത്തില്‍ 2014 -ല്‍ പി എസ് സി തയ്യാറാക്കിയ ചുരുക്കപ്പട്ടികയില്‍ ഇടം നേടിയ നിരവധി പേര്‍ ജോലിക്കായി കാത്തിരിക്കുന്ന സാഹചര്യത്തിലാണ് അധികൃതര്‍ ഇതുവരെയും മെയിന്‍ ലിസ്റ്റ് പ്രസിദ്ധീകരിച്ച് ഒഴിവുകള്‍ നികത്താന്‍ തയ്യാറാകുന്നില്ലെന്നാണ് സമരക്കാര്‍ പറയുന്നത്.
നിലവില്‍ ചുരുക്കപട്ടികയില്‍ പേരുള്ള പലരും പ്രായപരിധി കഴിഞ്ഞ് ഇനി അവസരങ്ങള്‍ ഇല്ലാത്തവരാണന്നും റാങ്ക് ഹോള്‍ഡേഴ്‌സ് അസോസിയേഷന്‍ ചൂണ്ടി കാട്ടി. അഡ്മിനിസ്‌ട്രേറ്റീവ് ട്രെബ്യൂണലില്‍ ചിലര്‍ നല്‍കിയ പരാതിയയാണ് റാങ്ക് ലിസ്റ്റ് പ്രസിദ്ധീകരിക്കുന്നതിന് തടസ്സമായതെന്നാണ് അധികൃതരുടെ വിശദീകരണം. അധികൃതര്‍ ഉയര്‍ത്തുന്ന സാങ്കേതിക തടസ്സങ്ങള്‍ ഒഴിവാക്കി ആയിരകണക്കിന് ഉദ്യോഗാര്‍ത്ഥികളുടെ പ്രതീക്ഷയായ റാങ്ക് ലിസ്റ്റ് പ്രസിദ്ധീകരിക്കുവാന്‍ അടിയന്തര നടപടി വേണമെന്നാണ് സമരക്കാര്‍ ആവശ്യപ്പെടുന്നത്.
കട്ടപ്പനയിലെ ഇടുക്കി ജില്ലാ പി എസ് സി ഓഫീസിനു മുന്നില്‍ ഉദ്യോഗാര്‍ത്ഥികള്‍ നടത്തിയ ധര്‍ണ്ണ കട്ടപ്പന നഗരസഭ ചെയര്‍മാന്‍ മനോജ് എം തോമസ് ഉദ്ഘാടനം ചെയ്തു. റാങ്ക് ഹോള്‍ഡേഴ്‌സ് അസോസിയേഷന്‍ ട്രഷറാര്‍ അന്‍സി നജീബ് അധ്യക്ഷയായിരുന്നു.നഗരസഭ കൗണ്‍സിലര്‍ പി.ആര്‍.രമേശ്, പി.സി.അമല്‍, മനോജ് കുമാര്‍, എസ്.ബിജുമോന്‍, ബിജുമോന്‍ ജോസഫ്, ബിനു കൊച്ചെറുക്കന്‍, മനു, വിനീത അനില്‍, ടി.ടി.മഞ്ജുഷ തുടങ്ങിയവര്‍ സംസാരിച്ചു.
