Click it and Unblock the Notifications
Just In
Don't Miss
-
സഹോദരനാണെങ്കിലും സ്വകാര്യ വിഷയങ്ങൾ അറിയില്ല; ഞങ്ങളുടെ ബന്ധം; കുടുംബത്തെക്കുറിച്ച് അർബാസ് ഖാൻ -
IPL 2024: റണ്ണൗട്ടവസരം പാഴാക്കി, മുകേഷിനെ ചീത്ത വിളിച്ച് കുല്ദീപ്! ഇടപെട്ട് റിഷഭ്- വിവാദം -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
രക്തശുദ്ധീകരണം നടത്തുന്ന പ്രധാന ഭക്ഷണം: സ്ഥിരമാക്കണം ഇവയെല്ലാം -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
അടിമാലി ബ്ലോക്കിനു കീഴില്‍ ഷീ ലോഡ്ജുകള്‍ വരുന്നു: ആദ്യഘട്ടത്തില്‍ കാഞ്ഞിരവേലിയിലും കല്ലാറിലും!
അടിമാലി: അടിമാലി ബ്ലോക്ക് പഞ്ചായത്തിനു കീഴില്‍ ഷീ ലോഡ്ജുകള്‍ വരുന്നു. ബ്ലോക്കിനു കീഴില്‍ നേരത്തെ പ്രവര്‍ത്തിച്ചു വന്നിരുന്ന വനിതാ കേന്ദ്രങ്ങളാണ് ഷീ ലോഡ്ജുകളായി പ്രവര്‍ത്തനം ആരംഭിക്കുക. 2019-20 വാര്‍ഷിക പദ്ധതിയില്‍ ഉള്‍പ്പെടുത്തി 10 ലക്ഷം രൂപ ചിലവില്‍ ആദ്യഘട്ടത്തില്‍ കാഞ്ഞിരവേലി, കല്ലാര്‍ എന്നിവടങ്ങളിലാണ് ഷീ ലോഡ്ജുകള്‍ ഒരുങ്ങുക. വനിതകള്‍ക്ക് സുരക്ഷിതമായി താമസിക്കുന്നതിന് മെച്ചപ്പെട്ട അടിസ്ഥാന സൗകര്യങ്ങള്‍കൂടി ഒരുക്കിയാണ് രണ്ട് ഷീ ലോഡ്ജുകളും പ്രവര്‍ത്തനം തുടങ്ങുക. താമസത്തിനാവശ്യമായ ഗൃഹോപകരണങ്ങളും ഇവിടെ സജ്ജമാക്കും.
ആറുമാസത്തിനകം പദ്ധതി പൂര്‍ത്തികരിക്കാനാണ് ബ്ലോക്ക് പഞ്ചായത്ത് ലക്ഷ്യമിടുന്നത്. കുടുംബശ്രീ ഗ്രൂപ്പുകള്‍ വഴിയാണ് പദ്ധതി നടപ്പിലാക്കുക. ജില്ലയിലെ വിനോദ സഞ്ചാര മേഖലക്ക് കൂടുതല്‍ കരുത്തു പകരുന്നതിന് ഷീ ലോഡ്ജുകള്‍ വലിയ പങ്ക് വഹിക്കും. മൂന്നാര്‍ അടക്കമുള്ള വിനോദ സഞ്ചാരമേഖലകളിലേക്ക് എത്തുന്ന സ്ത്രീകള്‍ക്കും കുട്ടികള്‍ക്കും ഷീലോഡ്ജുകളുടെ സേവനം ഉപയോഗപ്പെടുത്താന്‍ സാധിക്കുമെന്നും ടൂറിസത്തിനൊപ്പം ഇടുക്കി ജില്ലയുമായി ബന്ധപ്പെട്ടുള്ള പഠനങ്ങള്‍ നടത്താന്‍ എത്തുന്നവര്‍ക്കും ഷീലോഡ്ജുകളുടെ സേവനം പ്രയോജനപ്പെടുത്താന്‍ കഴിയുമെന്നും ബ്ലോക്ക് പഞ്ചായത്ത് പ്രസിഡന്റ് ആര്‍ മുരുകേശന്‍ പറഞ്ഞു.
കുടുംബശ്രീ ഗ്രൂപ്പുകള്‍ക്ക് തൊഴില്‍ മേഖലയില്‍ കൂടുതല്‍ അവസരങ്ങള്‍ ഒരുക്കുന്നതിനുള്ള പദ്ധതിയെന്ന നിലിയിലുമാണ് ഷീ ലോഡ്ജുകള്‍ പ്രവര്‍ത്തനം ആരംഭിക്കുന്നത്. സ്ത്രീകള്‍ക്കുള്ള സുരക്ഷിത ഇടം എന്നതുപോലെതന്നെ വിനോദ സഞ്ചാരത്തിനുംമറ്റുമായി കുടുംബവുമായി എത്തുന്നവര്‍ക്ക് പ്രത്യേക പാക്കേജുകള്‍ നല്‍കി താമസസൗകര്യം നല്‍കാനും ബ്ലോക്ക് പഞ്ചായത്ത് പദ്ധതിയിലൂടെ ലക്ഷ്യമിടുന്നുണ്ട്.
