ഇടുക്കിയില് ഇന്ന് ഒരു കൊവിഡ് കേസ് മാത്രം, ജില്ലയില് 23 പേര് ചികിത്സയില്
തൊടുപുഴ: സംസ്ഥാനത്ത് ഇന്ന് സ്ഥിരീകരിച്ച് കൊവിഡ് കേസുകളില് ഓരാള് ഇടുക്കി സ്വദേശിയാമെന്ന് ജില്ലാ കളക്ടര് അറിയിച്ചു.ദില്ലിയില് നിന്നെത്തി കഴിഞ്ഞ ദിവസം കൊവിഡ് സ്ഥിരീകരിച്ച ചക്കുപള്ളം സ്വദേശിയുടെ ഭാര്യയ്ക്കാണ് ഇന്ന് പോസിറ്റീവായത്. 39 വയസ്സുള്ള ഇവര് മെയ് 31 നാണ് ഭര്ത്താവിനോടൊപ്പം കൊച്ചി എയര് പോര്ട്ടില് നിന്ന് വീട്ടില് എത്തിയത്. ജൂണ് 5 വരെ വീട്ടിലും ശേഷം അന്ന് വൈകിട്ട് ഇടുക്കി മെഡിക്കല് കോളേജിലേക്ക് മാറ്റുകയായിരുന്നു. ഇതോടെ ജില്ലയില് കൊവിഡ് ബാധിച്ച് ചികിത്സയിലുള്ളവരുടെ എണ്ണം 23 ആയി.
അതേസമയം, കേരളത്തില് ഇന്ന് 107 പേര്ക്ക് കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. മലപ്പുറം ജില്ലയില് നിന്നുള്ള 27 പേര്ക്കും, തൃശൂര് ജില്ലയില് നിന്നുള്ള 26 പേര്ക്കും, പത്തനംതിട്ട ജില്ലയില് നിന്നുള്ള 13 പേര്ക്കും, കൊല്ലം ജില്ലയില് നിന്നുള്ള 9 പേര്ക്കും, ആലപ്പുഴ ജില്ലയില് നിന്നുള്ള 7 പേര്ക്കും, പാലക്കാട്, കോഴിക്കോട് ജില്ലകളില് നിന്നുള്ള 6 പേര്ക്ക് വീതവും, തിരുവനന്തപുരം ജില്ലയില് നിന്നുള്ള 4 പേര്ക്കും, കോട്ടയം , കാസര്ഗോഡ് ജില്ലകളില് നിന്നുള്ള 3 പേര്ക്ക് വീതവും, കണ്ണൂര് ജില്ലയില് നിന്നുള്ള 2 പേര്ക്കും, ഇടുക്കി ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്.
ഇതില് 71 പേര് വിദേശ രാജ്യങ്ങളില് നിന്നും (യു.എ.ഇ-39, കുവൈറ്റ്-21, സൗദി അറേബ്യ-4, റഷ്യ-2, താജിക്കിസ്ഥാന്-2, ഖത്തര്-1, ഒമാന്-1, ഇറ്റലി-1) 28 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-15, തമിഴ്നാട്-7, ഡല്ഹി-4, ഗുജറാത്ത്-1, തെലുങ്കാന-1) വന്നതാണ്. സമ്പര്ക്കത്തിലൂടെ 8 പേര്ക്കാണ് രോഗം ബാധിച്ചത്. തൃശൂര് ജില്ലയിലെ 3 പേര്ക്കും മലപ്പുറം, പാലക്കാട് ജില്ലകളിലെ 2 പേര്ക്ക് വീതവും കൊല്ലം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
Click it and Unblock the Notifications
Sign in with Google