വിദ്യാര്ത്ഥികളെ കേന്ദ്രീകരിച്ച് കഞ്ചാവ് വില്പന രണ്ടുപേര് പിടിയില്
രാജാക്കാട്: വിദ്യാര്ത്ഥികളെ കേന്ദ്രീകരിച്ച് കഞ്ചാവ് വില്പന നടത്തി വന്നിരുന്ന രണ്ടുപേരെ രാജാക്കാട് പോലീസ് പിടികൂടി. ചെറിയ പൊതികളായി വില്പ്പന നടത്തി വന്നിരുന്ന ചില്ലറ വില്പ്പനക്കാരായ യുവാക്കാളാണ് പോലിസിന്റെ പിടയിലായത്..
ഇവരില് നിന്നും വില്പ്പനയ്ക്കായി സൂക്ഷിച്ചിരുന്ന പൊതി കഞ്ചാവും പോലീസ് പിടിച്ചെടുത്തു. ബൈസണ്വാലി റ്റി കമ്പനി സ്വദേശികളായ ജയേഷ് ജയന് , സാല്ബിന് എന്നിവരാണ്് പോലീസ് പിടികൂടിയത്. തമിഴ്നാട്ടില് നിന്നടക്കം ജില്ലയില് എത്തുന്ന കഞ്ചാവ് ചെറിയ പൊതികളിലാക്ക്ി വില്പ്പന നടത്തുന്നതായിരുന്നു ഇരുവരുടെയും തൊഴില് എന്ന് പോലീസ് പറഞ്ഞു.
ബൈസണ്വാലി സര്ക്കാര് സ്കൂളിന് സമീപത്തുനിന്നുമാണ് രാജാക്കാട് എസ് ഐ പി ഡി അനൂപിന്റെ നേതൃത്വത്തിലുള്ള പൊലീസ് സംഘം ഇവരെ പിടികൂടിയത്. പ്രതികളെ കോടതിയില് ഹാജരാക്കി. സമീപത്തെ സ്കൂള് വിദ്യാര്ത്ഥികള്ക്ക് നേരിട്ട് ഇവര് കഞ്ചാവ് എത്തിച്ചു വന്നിരുന്നതായും വിദ്യാര്ത്ഥികള് നിരവധിയായി കഞ്ചാവ് ഉപയോഗിക്കുന്നുണ്ടെന്നും പോലീസ് പറഞ്ഞു.