വണ്ടിപ്പെരിയാര് പോക്സോ കേസ്: പെണ്കുട്ടിയുടെ പിതാവിനെ കുത്തി അര്ജുന്റെ ബന്ധു
ഇടുക്കി: വണ്ടിപ്പെരിയാറില് പീഡനത്തിനിരയായി കൊല്ലപ്പെട്ട ആറ് വയസുകാരിയുടെ പിതാവിന് നേരെ ആക്രമണം. കേസില് വെറുതെ വിട്ട പ്രതി അര്ജുന്റെ ബന്ധു പെണ്കുട്ടിയുടെ പിതാവിനെ കുത്തുകയായിരുന്നു. വണ്ടിപ്പെരിയാര് ടൗണില് വെച്ചായിരുന്നു സംഭവം. പരിക്കേറ്റ പിതാവിനെ വണ്ടിപ്പെരിയാര് ഗവണ്മെന്റ് ആശുപത്രിയില് പ്രവേശിപ്പിച്ചിരിക്കുകയാണ്. പരിക്ക് ഗുരുതരമല്ല എന്നാണ് വിവരം.
പെണ്കുട്ടിയുടെ പിതാവിന്റെ പുറത്തും വയറിലും കുത്തേറ്റിട്ടുണ്ട്. ഇയാളുടെ കാലില് വെട്ടേറ്റതായും റിപ്പോര്ട്ടുണ്ട്. ഒപ്പമുണ്ടായിരുന്ന പെണ്കുട്ടിയുടെ മുത്തച്ഛനും മര്ദ്ദനമേറ്റിട്ടുണ്ട്. ഇന്ന് 11 മണിയോടെ വണ്ടിപ്പെരിയാര് ടൗണില് സത്രം ജംഗ്ഷനില് വെച്ച് അര്ജുന്റെ ബന്ധുവായ പാല്രാജും കുട്ടിയുടെ പിതാവും തമ്മില് വാക്കേറ്റമുണ്ടായിരുന്നു. ഇതാണ് പിന്നീട് സംഘര്ഷത്തിലേക്കും കത്തിക്കുത്തിലേക്കുമെത്തിയത്.
അതേസമയം സംഭവത്തില പ്രതി പാല്രാജിനെ വണ്ടിപ്പെരിയാര് പൊലീസ് കസ്റ്റഡിയിലെടുത്തിട്ടുണ്ട്. കട്ടപ്പന ഫാസ്റ്റ് ട്രാക്ക് കോടതിയാണ് കഴിഞ്ഞ മാസം കേസിലെ പ്രതിയായിരുന്ന അര്ജുനെ തെളിവുകളുടെ അഭാവത്തില് വെറുതെവിട്ടത്. ഇയാളെ കുറ്റവിമുക്തനാക്കിയതുമായി ബന്ധപ്പെട്ട് പെണ്കുട്ടികളുടെ ബന്ധുക്കളും അര്ജുന്റെ ബന്ധുക്കളും തമ്മില് തര്ക്കം നിലനിന്നിരുന്നു.
അര്ജുന്റെ ബന്ധുക്കള് ഇതിനിടെ പൊലീസ് സംരക്ഷണം തേടുകയും ചെയ്തിരുന്നു. പാല്രാജ് ഉള്പ്പെടെയുള്ള അര്ജുന്റെ ബന്ധുക്കള് വീടുകളില് നിന്ന് മാറി താമസിക്കുകയും ചെയ്തിരുന്നു. അതേസമയം അര്ജുനെ വിചാരണ കോടതി വിട്ടയച്ചതിനെതിരെ സര്ക്കാര് നല്കിയ അപ്പീലില് ഹൈക്കോടതി പ്രതിക്ക് നോട്ടിസ് അയയ്ക്കാന് നിര്ദേശം നല്കിയിരുന്നു. അപ്പീല് ഈ മാസം 29 ന് ഡിവിഷന് ബെഞ്ച് പരിഗണിക്കും.
കട്ടപ്പന ഫാസ്റ്റ് ട്രാക്ക് കോടതിയുടെ ഉത്തരവ് റദ്ദാക്കി അര്ജുനെ ശിക്ഷിക്കണം എന്നാണ് അപ്പീലിലെ ആവശ്യം. വസ്തുതകളും ശാസ്ത്രീയ തെളിവുകളും വിലയിരുത്തുന്നതില് വിചാരണ കോടതിക്ക് തെറ്റ് പറ്റി എന്നും സാക്ഷിമൊഴികളും കണക്കിലെടുത്തില്ലെന്നുമാണ് ഹൈക്കോടതിയില് സമര്പ്പിച്ച അപ്പീലില് പറഞ്ഞിരിക്കുന്നത്. 2021 ജൂണ് 30 നായിരുന്നു കേസിനാസ്പദമായ സംഭവം.
വണ്ടിപ്പെരിയാറില് ആറ് വയസുകാരിയായ പെണ്കുട്ടിയെ വീട്ടില് തൂങ്ങി മരിച്ച നിലയില് കണ്ടെത്തുകയായിരുന്നു. പോസ്റ്റുമോര്ട്ടം റിപ്പോര്ട്ടില് പെണ്കുട്ടി പീഡനത്തിന് ഇരയായെന്ന് കണ്ടെത്തിയതിന് പിന്നാലെ നടത്തിയ അന്വേഷണത്തെ തുടര്ന്നാണ് വണ്ടിപ്പെരിയാര് ചുരക്കുളം സ്വദേശി അര്ജുനെ അറസ്റ്റ് ചെയ്തത്. എന്നാല് തെളിവ് ശേഖരണത്തില് ഉള്പ്പെടെ കേസന്വേഷണത്തില് പൊലീസിനു ഗുരുതരമായ വീഴ്ചയുണ്ടായി എന്ന് ചൂണ്ടിക്കാട്ടിയാണ് വിചാരണക്കോടതി അര്ജുനെ വിട്ടയച്ചത്.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google