വോട്ടര് പട്ടിക: ഇടുക്കിയിലെ എല്ലാ പോളിംഗ് ബൂത്തുകളിലും രണ്ട് ദിവസം വോട്ടര് രജിസ്ട്രേഷന് ക്യാമ്പ്
തൊടുപുഴ: സമ്മതിദായക പട്ടിക പരിശോധിക്കുന്നതിനും മാറ്റങ്ങള് വരുത്തുന്നതിനും പുതുതായി പേര് ചേര്ക്കുന്നതിനും സമ്മതിദായകര്ക്ക് അവസരം നല്കുന്നതിന്റെ ഭാഗമായി ജില്ലയിലെ 995 പോളിംഗ് ബൂത്തുകളിലും മാര്ച്ച് 2, 3 തീയതികളില് രാവിലെ 10 മുതല് വൈകിട്ട് അഞ്ച് വരെ പ്രത്യേക ക്യാമ്പ് നടത്തുന്നു. സ്പെഷ്യല് ക്യാമ്പ് ദിവസങ്ങളില് എല്ലാ പോളിംഗ് ബൂത്തുകളിലും ബി.എല്.ഒമാര് രാവിലെ 10 മുതല് വൈകിട്ട് അഞ്ച് വരെ അതത് പോളിംഗ് ബൂത്തിന്റെ വോട്ടര് പട്ടികയുമായി ഹാജരാകുന്നതാണ്.
350 തീവ്രവാദികള് കൊല്ലപ്പെട്ടുവെന്നത് ബിജെപിയുടെ പ്രചരണം; സേന അങ്ങനെ അവകാശപ്പെട്ടിട്ടില്ല; ചിദംബരം
സ്പെഷ്യല് ക്യാമ്പ് എല്ലാ സമ്മതിദായകരും ഉപയോഗപ്പെടുത്തണമെന്ന് ജില്ലാ വരണാധികാരി കൂടിയായ ജില്ലാകലക്ടര് അറിയിച്ചു. വോട്ടര് പട്ടികയില് പേരുചേര്ക്കുന്നതിന് പാസ്പോര്ട്ട് സൈസ് കളര്ഫോട്ടോയ്ക്ക് പുറമെ ഹാജരാക്കേണ്ട രേഖകളുടെ പകര്പ്പുകള്: വയസ്സ് തെളിയിക്കുന്നതിന് ജനന സര്ട്ടിഫിക്കറ്റ്, ജനന തീയതി രേഖപ്പെടുത്തിയിട്ടുള്ള സ്കൂള് മാര്ക്ക് ഷീറ്റ്, ഇന്ത്യന് പാസ്പോര്ട്ട്, പാന് കാര്ഡ്, ഡ്രൈവിംഗ് ലൈസന്സ്, ആധാര് കാര്ഡ് എന്നിവയില് ഏതെങ്കിലുമൊന്നും നിയോജകമണ്ഡലത്തിലെ സാധാരണ താമസക്കാരനാണെന്ന് തെളിയിക്കുന്നതിന് ഇന്ത്യന് പാസ്പോര്ട്ട്, ഡ്രൈവിംഗ് ലൈസന്സ്, ബാങ്ക്/കിസ്സാന്/പോസ്റ്റ് ഓഫീസ് കറണ്ട് പാസ്ബുക്ക്, റേഷന് കാര്ഡ്, ഇന്കം ടാക്സ് അസ്സസ്മെന്റ് ഓര്ഡര്, റെന്റ് എഗ്രിമെന്റ്, വാട്ടര് ബില്, ടെലഫോണ് ബില്, ഇലക്ട്രിസിറ്റി ബില്, ഗ്യാസ് കണക്ഷന് ബില്, പോസ്റ്റ്/ ലെറ്റര്/മെയില് എന്നിവയില് ഏതെങ്കിലുമൊന്ന് ഇന്ത്യന് തപാല് വകുപ്പ് വഴി ലഭിച്ചതിന്റെ രേഖ എന്നിവയില് ഏതെങ്കിലുമൊന്നും ഹാജരാക്കണം.