തിരുവള്ളൂരില്‍ മതിലിടിഞ്ഞ് 11 മരണം

ചെന്നൈ: തമിഴ്‌നാട്ടിലെ തിരുവള്ളൂര്‍ ജില്ലയില്‍ ഗോഡൗണിന്റെ മതിലിടിഞ്ഞ് 11 പേര്‍ മരിച്ചു. ഓട്ടേറെപ്പേര്‍ കുടുങ്ങി കിടക്കുന്നതായി റിപ്പോര്‍ട്ട്. അവശിഷ്ടങ്ങള്‍ക്കിടയില്‍ നിന്ന് ഒരു ആണ്‍കുട്ടിയെ രക്ഷപ്പെടുത്തി. പുലര്‍ച്ചെയാണ് സംഭവം. അപകടത്തില്‍ പെട്ടവരില്‍ അധികവും നിര്‍മ്മാണ തൊഴിലാളികളാണ്.

മതിലിന് സമീപത്താണ് തൊഴിലാളികള്‍ കുടില്‍ കെട്ടിയിരുന്നത്.കുടിലിന് മുകളിലേയ്ക്ക് ചുറ്റുമതില്‍ തകര്‍ന്ന് വീഴുകയായിരുന്നു. പ്രദേശവാസികളാണ് അപടകശബ്ദം കേട്ട് രക്ഷാപ്രവര്‍ത്തനത്തിന് തുടക്കമിട്ടത്.

പൊലീസ്, അഗ്നിശമന സേനാംഗങ്ങളുടെ നേതൃത്വത്തില്‍ രക്ഷാപ്രവര്‍ത്തനം പുരോഗമിയ്ക്കുന്നു. അവശിഷ്ടങ്ങള്‍ക്കിടയില്‍ കൂടുതല്‍ പേര്‍ കുടുങ്ങിക്കിടക്കുന്നതിനാല്‍ മരണ സംഖ്യ ഇനിയും ഉയരാനാണ് സാധ്യത.

ചെന്നൈയില്‍ 11 നില കെട്ടിടം തകര്‍ന്നു വീണ് അറുപതിലധികം പേര്‍ മരിച്ച സംഭവം നടന്ന് ദിവസങ്ങള്‍ക്കുള്ളിലാണ് തിരുവള്ളൂരില്‍ അപകടം ഉണ്ടായത്.

English summary

11 dead after wall collapses in Thiruvallur, many trapped