• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഒഡീഷ; ഇടിമിന്നലേറ്റ് 11 പേര്‍ മരിച്ചു

  • By Meera Balan

ഭുവനേശ്വര്‍: ഒഡീഷയുടെ വിവിധ ഭാഗങ്ങളില്‍ സെപ്റ്റംബര്‍ 16 തിങ്കളാഴ്ചയുണ്ടായ ഇടിമിന്നലേറ്റ് കൊല്ലപ്പെട്ടവരുടെ എണ്ണം 11. പതിനഞ്ച് പേര്‍ക്ക് പരുക്കേറ്റു. പരുക്കേറ്റവരില്‍ മൂന്ന് സ്‌കൂള്‍ കുട്ടികളും ഉള്‍പ്പെടുന്നു. ഖുദ്രിലെ ഒരു ഖ്വാറിയില്‍ കനത്ത ഇടിയെത്തുടര്‍ന്ന് പാറപൊട്ടിത്തെറിച്ച് നാല് തൊഴിലാളികള്‍ മരിയ്ക്കുകയും ഒട്ടേറെപ്പേര്‍ക്ക് പരുക്കേല്‍ക്കുകയും ചെയ്തു.

പറപൊട്ടിയ്ക്കുന്നതിനായി സ്‌ഫോടക വസ്തുക്കള്‍ നിറച്ച് അല്‍പ്പ സമയത്തിനകമാണ് ശക്തമായി ഇടിവെട്ടിയതെന്ന് സംഭവത്തില്‍ പരുക്കേറ്റ അമല്‍ എന്ന യുവാവ് പറഞ്ഞു. ശക്തമായ പൊട്ടിത്തെറിയില്‍ അകപ്പെട്ട തൊഴിലാളികളുടെ മൃതദേഹങ്ങള്‍ പലതും ചിന്നിച്ചിതറിയ നിലയില്‍ ആയിരുന്നു. സുനാര്‍ റൗട്രായ് (25), ത്രിനാഥ് ബഹുബലേന്ദ്ര (35), തുകുണ പത്ര (34) പ്രദീപ് പത്ര (24) എന്നിവരാണ് മരിച്ചത്. ഇവരെല്ലാം കൈപടാര്‍ സ്വദേശികളാണ്. സംഭവം നടക്കുമ്പോള്‍ ഏകദേശം 15 തൊഴിലാളികള്‍ ക്വാറിയില്‍ ഉണ്ടായിരുന്നു.

ജത്‌നിയിലെ കുസുമതി ഗ്രാമത്തില്‍ ഇടിമിന്നലേറ്റ് രണ്ട് കര്‍ഷകര്‍ മരിച്ചു. മധു സൂദന്‍ റൗട്രായ് (40), സനാദന്‍ ബെഹേര (45) എന്നിവരാണ് മരിച്ചത്. വയലില്‍ പണിയെടുക്കുന്നതിനിടെയാണ് ഇവര്‍ക്ക് മിന്നലേറ്റത്. ഗ്രാമത്തില്‍ മൂന്ന് കുട്ടികള്‍ക്കും പരുക്കേറ്റു. വിറക് ശേഖരിയ്ക്കുന്നതിനിടെ കൊചില നുവോഗോണ്‍ ഗ്രാമത്തില്‍ ഇടിമിന്നലേറ്റ് ഭാനുമതി ദേഹുരു (32) എന്ന യുവതി മരിച്ചു. മിന്നലില്‍ നിന്ന് രക്ഷപ്പെടാന്‍ മരത്തിനടിയില്‍ അഭയം തേടിയ നിലു നായക് (39) എന്ന സ്ത്രീയും കൊല്ലപ്പെട്ടു.

കൊറേയ് ഗ്രാമത്തില്‍ മിന്നലേറ്റതിനെത്തുടര്‍ന്ന് കര്‍ഷകന്‍ മരിച്ചു. ബാണേശ്വര്‍ താന്തി (55) എന്നയാളാണ് മരിച്ചത്. ജഗത്പൂരിനലെ ചൗധാറില്‍ രണ്ട് സ്ത്രീകള്‍ ഉള്‍പ്പെടെ നാല് പേര്‍ ഇടിമിന്നലേറ്റ് മരിച്ചു. വീടിന്റെ വരാന്തയില്‍ ഇരുന്ന ദമ്പതികളായ ബാബു മാല്ലിക് (45), ഭാര്യ ബൈന മാല്ലിക്ക്( 38) എന്നിവര്‍ ഇടിമിന്നലേറ്റ് മരിച്ചു. മരിച്ചവരുവടെ കുടുംബങ്ങള്‍ക്ക് സര്‍ക്കാര്‍ ഒന്നരലക്ഷം രൂപ ധനസഹായം പ്രഖ്യാപിച്ചു.

English summary
At least 11 persons were killed and 15 injured, including three school students, in lightning strikes at different places of the state on Monday.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more