ബീഹാറില്‍ വ്യാജമദ്യ ദുരന്തം; 12 പേര്‍ കൊല്ലപ്പെട്ടു

പട്‌ന: ബീഹാറിലെ ഗോപാല്‍ജുങ് ജില്ലയില്‍ വ്യാജമദ്യം കുടിച്ച് 12 പേര്‍ മരിച്ചു. മദ്യം കഴിച്ചതിനെ തുടര്‍ന്ന് ജില്ലയിലെ സദാര്‍ ആശുപത്രിയില്‍ ചികിത്സയില്‍ കഴിയവേയാണ് മരണം സംഭവിച്ചത്.

ആഗസ്റ്റ് 15 രാത്രിയിലാണ് ഇവര്‍ മദ്യപ്പിച്ചതെന്ന് വീട്ടുക്കാര്‍ പറയുന്നു. ഭക്ഷ്യവിഷബാധ മൂലമാണ് മരിച്ചത് എന്നായിരുന്നു പോലീസിന്റെ പ്രാഥമിക നിഗമനം. പിന്നീട് വീടുകളില്‍ നടത്തിയ പരിശോധനയില്‍ 5ലധികം മദ്യ കുപ്പികള്‍ കണ്ടെത്തി.

ഉത്തര്‍പ്രദേശിന്റെ അതിര്‍ത്തി ഗ്രാമത്തിലാണ് ദുരന്തം സംഭവിച്ചിരിക്കുന്നത്. മരിച്ചവരുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്ത് വന്നിട്ടില്ല. ജില്ലയിലെ വിവിധയിടങ്ങളില്‍ പോലീസ് നടത്തിയ പരിശോധനയില്‍ ഭീമമായ തോതിലാണ് മദ്യം പിടിച്ചെടുത്തിരിക്കുന്നത്.

സംസ്ഥാനത്ത് മദ്യനിരോധനം നടപ്പാക്കിയതിന് തൊട്ടുപിന്നാലെയാണ് ഇപ്പോള്‍ ദുരന്തം സംഭവിച്ചിരിക്കുന്നത്. സംസ്ഥാനത്തെ ബാറുകളിലും റസ്‌റ്റോറന്റുകളിലും മദ്യം വിളമ്പുന്നത് നിരോധിച്ചു കൊണ്ടായിരുന്നു മുഖ്യമന്ത്രി നിതീഷ് കുമാറിന്റെ ഉത്തരവ്. എവിടെ നിന്നാണ് സംസ്ഥാനത്തേക്ക് മദ്യം ഒഴുകുന്നത് എന്ന് പോലീസ് അന്വേഷിച്ചു വരികയാണ്.

English summary

At least 12 people have died in Bihar's Gopalgunj district, suspectedly after consuming spurious liquor.