Click it and Unblock the Notifications
Just In
Don't Miss
-
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
IPL 2024: പാണ്ഡ്യ എങ്ങനെ ക്യാപ്റ്റനായെന്ന് നമ്മള് മറക്കില്ല, അവന്റെ കുഞ്ഞിനോടും പറയും; ആരാധകര്ക്കെതിരെ അക്രം -
ഇത് സത്യമോ?, ദിലീപ് ബിഗ് ബോസ് ഹൗസിലേക്ക് എത്തുന്നു, ലാലിന് പുറമെ മറ്റൊരു താരം ഹൗസിലെത്തുന്നത് ആദ്യം! -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മരണവേദനയില്‍ 13 കാരി അച്ഛനോട് കെഞ്ചി!! പക്ഷെ അയാള്‍...ഒടുവില്‍ അവള്‍ പോയി, എന്നെന്നേക്കുമായി!!
അച്ഛനെതിരേ മനുഷ്യാവകാശ കമ്മീഷനും പോലീസും കേസെടുത്തു
വിജയവാഡ: തന്നെ ചികില്‍സിക്കാന്‍ അച്ഛനോട് കെഞ്ചുന്ന വീഡിയോയിലൂടെ സമൂഹ മനസാക്ഷിയെ കണ്ണീരണിയിച്ച 13 കാരി ഓര്‍മയായി. ആന്ധ്രാ പ്രദേശില്‍ നിന്നുള്ള കാന്‍സര്‍ രോഗിയായ സായ് ശ്രീയാണ് വേദനയില്ലാത്ത ലോകത്തേക്ക് യാത്രയായത്.
കണ്ണീരോടെ തന്റെ അച്ഛനോട് കെഞ്ചുന്ന സായ് ശ്രീയുടെ വീഡിയോ സമൂഹമാധ്യമങ്ങളില്‍ വലിയ ചര്‍ച്ചയായിരുന്നു. അസ്ഥിയിലെ മജ്ജയില്‍ കാന്‍സര്‍ ബാധിച്ച പെണ്‍കുട്ടി കണ്ണീരോടെയാണ് തന്നെ ചികില്‍സിക്കണമെന്ന് അച്ഛനോട് അഭ്യര്‍ഥിക്കുന്നത്.
സായിയുടെ അച്ഛന് ശിവകുമാറും ഭാര്യ സുമശ്രീയും രണ്ടു വര്‍ഷങ്ങള്‍ക്കു മുമ്പ് വിവാഹബന്ധം വേര്‍പ്പെടുത്തിയിരുന്നു. തന്നെ ചികില്‍സിക്കാന്‍ അമ്മയയുടെ പക്കല്‍ പണമില്ലാത്തതിനാലാണ് സായി ബാംഗ്ലൂരില്‍ താമസിക്കുന്ന അച്ഛന് വാട്‌സാപ്പിലൂടെ വീഡിയോ സന്ദേശം അയച്ചത്.
മകളുടെ കണ്ണീരോടെയുള്ള വീഡിയോ ശിവകുമാറിന്റെ മനസ്സ് അലിയിച്ചില്ല. മകളെ കാണാനോ പണം നല്‍കാനോ ഇയാള്‍ തയ്യാറായതുമില്ല. മാത്രമല്ല അവരെ അയാള്‍ ഉപദ്രവിക്കുകയും ചെയ്തു.
ഡാഡിയുടെ കൈയില്‍ പണമില്ലെന്നാണ് പറയുന്നത്. എങ്കില്‍ നമ്മുടെ സ്ഥലം വില്‍ക്കാന്‍ അനുവദിക്കണം. സ്ഥലം വിറ്റെങ്കിലും എന്നെ ചികില്‍സിക്കണം. എന്നെ രക്ഷിക്കാന്‍ എന്തെങ്കിലും ചെയ്യൂ. സ്‌കൂളില്‍ പോയിട്ട് മാസങ്ങളായി. കൂട്ടുകാര്‍ക്കൊപ്പം കളിക്കാന്‍ എനിക്കു കൊതിയാവുന്നു. അമ്മയുടെ കൈയില്‍ പൈസയില്ല. അമ്മ പൈസ എടുക്കുമെന്നാണ് അച്ഛന്റെ പേടിയെങ്കില്‍ അച്ഛന് തന്നെ തന്നെ കൊണ്ടു പോയി ചികില്‍സിക്കൂവെന്ന് സായ് വീഡിയോയില്‍ പറയുന്നുണ്ട്.
മകളുടെ ചികില്‍സയ്ക്കായി പണം സ്വരൂപിക്കാന്‍ വീട് വില്‍ക്കാന്‍ സായിയുടെ അമ്മ ശ്രമം നടത്തിയിരുന്നെങ്കിലും എംഎല്‍എയെ മുന്നില്‍ നിര്‍ത്തി ശിവകുമാര്‍ ഭീഷണിപ്പെടുത്തി ഈ ശ്രമം തകര്‍ക്കുകയായിരുന്നു. പെണ്‍കുട്ടിയുടെ അമ്മ തന്നെയാണ് ഇക്കാര്യങ്ങള്‍ പോലീസിനോടു പറഞ്ഞത്.
ഒരു സ്വകാര്യ ടെലിവിഷന്‍ ചാനലാണ് ആദ്യം ഈ വാര്‍ത്ത റിപ്പോര്‍ട്ട് ചെയ്തത്. പിന്നീട് ദേശീയ മാധ്യങ്ങളും ഇത് ഏറ്റെടുക്കുകയായിരുന്നു. പണമുണ്ടായിട്ടും മകളെ ചികില്‍സിക്കാന്‍ തയ്യാറാവാതിരുന്ന ശിവകുമാറിനെതിരേ മനുഷ്യാവകാശ കമ്മീഷനും പോലീസും കേസെടുത്തു.
സായ് ശ്രീയുടെ വീഡിയോ
