2022ൽ ബഹിരാകാശത്തേയ്ക്ക് ഇന്ത്യ ആളെ അയക്കും.. ഭരണനേട്ടങ്ങൾ എണ്ണിപ്പറഞ്ഞ് പ്രധാനമന്ത്രി!!

ദില്ലി:ദില്ലി: രാജ്യം ഇന്ന് 72-ാം സ്വാതന്ത്ര്യദിനം ആഘോഷിക്കുന്നു. ചെങ്കോട്ടയിൽ പ്രധാനമന്ത്രി നരേന്ദ്രമോദി ദേശീയപതാക ഉയർത്തി. ഭരണനേട്ടങ്ങൾ എണ്ണിപ്പറഞ്ഞായിരുന്നു പ്രധാനമന്ത്രിയുടെ സ്വാതന്ത്ര്യദിനസന്ദേശം. 2022ൽ ബഹിരാകാശത്തേയ്ക്ക് ഇന്ത്യ ആളെ അയക്കുമെന്ന് പ്രധാനമന്ത്രി പറഞ്ഞു.

എല്ലാവർക്കും തുല്യ നീതി ഉറപ്പാക്കിയാൽ മാത്രമെ രാജ്യത്ത് പുരോഗതിയുണ്ടാകുവെന്ന് അദ്ദേഹം പറഞ്ഞു. ദില്ലിയിൽ അധികാര ദല്ലാളുമാരുടെ സാന്നിധ്യം ഇല്ലാതാക്കാൻ കഴിഞ്ഞിട്ടുണ്ട്. യുപിഎ സർക്കാരിന്റെ പാത പിന്തുടർന്നെങ്കിൽ രാജ്യത്ത് പുരോഗതിയുണ്ടാകാൻ ദശകങ്ങൾ കാത്തിരിക്കേണ്ടി വന്നേനെയെന്നും പ്രധാനമന്ത്രി പറഞ്ഞു. പാവപ്പെട്ട ജനങ്ങൾക്ക് വേണ്ടിയുള്ള ആരോഗ്യ സുരക്ഷ പദ്ധതി സെപ്റ്റംബർ 25ന് ഉദ്ഘാടനം ചെയ്യുമെന്നും അദ്ദേഹം പറഞ്ഞു.

ഭീകരാക്രമണ ഭീഷണി നിലനിൽക്കുന്നതിനാൽ കനത്ത സുരക്ഷയിലാണ് ഇത്തവണ സ്വാതന്ത്രദിന ആഘോഷങ്ങൾ നടക്കുന്നത്. തലസ്ഥാന നഗരമായ ദില്ലിയിൽ ഗതാഗതത്തിനും നിയന്ത്രണം ഏർപ്പെടുത്തിയിട്ടുണ്ട്. സ്വാതന്ത്ര്യദിന പ്രത്യേക ലൈവ് അപ്ഡേറ്റുകൾ കാണാം...

English summary

Prime Narendra modi speech on 15 august from Red fort. Here is the full live updates of the independence day celebration.